5. Mosi 4:6 - Pennsylvania Dutch Bible

⁶ Haldet si un doond si, fa dess veist eiyah veisheit un fashtand zu di leit vann si heahra veyyich dee gebodda, un si zayla sawwa, “Dess is geviss en hallich folk mitt veisheit un fashtand.”

5. Mosi 4:6 ပူးပေါင်းရင်းမြစ်များ

1. Kaynicha 4:34

Leit funn ivvahrawlich bei sinn kumma fa di veisheit fumm Solomon heahra. Si voahra kshikt bei awl di kaynicha uf di eaht es keaht henn funn sei veisheit.

Hiob 28:28

Un zumm mensh hott eah ksawt, ‘Gukk moll, di furcht fumm Hah, sell is veisheit, un fa sich vekk halda funn evil, sell is fashtendes.’”

Psalm 111:10

Di furcht fumm Hah is da ohfang funn veisheit, goodi eisicht henn selli es sei gebodda doon. Lohb sei zu eem fa'immah!

Psalm 19:7

Es Ksetz fumm Hah is folkumma, un gebt nei layva zu di sayl. Es zeiknis fumm Hah kann gedraut sei, un gebt veisheit zu selli es nett fashtayn.

Psalm 19:8

Em Hah sei befayla sinn recht, un macha's hatz froh. Di gebodda fumm Hah sinn pyuah, un gevva licht zu di awwa.

Shpricha 1:4

so es selli vo nett kshvind fashtayn, gland vadda, un so es di yungi leit eisicht un fashtand greeya.

Shpricha 1:5

Veah veisheit hott, zayld heicha un may lanna, un veah fashtayt zayld roht greeya in veisheit,

Shpricha 1:7

Di furcht fumm Hah is da ohfang funn eisicht; avvah dummi leit gukka nunnah uf veisheit un gleicha nett recht ksetzt sei.

Shpricha 14:34

Gerechtichkeit haybt en folk uf, avvah sinda bringa en shohm zu ennichi leit.

Shpricha 14:8

Ebbah es veisheit hott, hott di gawb fa da recht vayk gay, avvah unksheidi leit fafiahra sich selvaht un gayn letz.

Jesoiya 42:21

Es voah em Hah kfellich, fa di sayk funn sei gerechtichkeit, fa sei ksetz grohs un hallich macha.

Jeremia 8:9

Eiyah mennah mitt veisheit vadda fashohmd, si zayla engshtlich sei un kfanga vadda. Si henn em Hah sei vatt nunnah gedrayt, so vass fa veisheit henn si nau?

Ezekiel 5:5

Dess is vass da Awlmechtich Hah sawkt: Dess is Jerusalem. Ich habb see in di mitt funn di heida ksetzt, mitt anri lendah gans um see rumm.

Daniel 1:20

In awl di sacha funn veisheit un fashtand es da kaynich si kfrohkt hott diveyya, henn si zeyya moll so en goodi andvat gevva es di hexa-meishtah un foah-sawwah in seim gans kaynich-reich.

Daniel 4:9

Ich habb ksawt, “Belteshazzar, du es ovvich awl di hexa-meishtah bisht, ich vays es da geisht funn di heilicha gettah in diah is, un kenn fashtekkeldi sach is zu hatt fa dich. Nau do is mei drohm, sawk miah vass es maynd.

Hosea 8:12

Ich habb eena feel gebodda kshrivva funn meim ksetz, avvah si henn si gacht vi ebbes fremdes.

Maleachi 3:12

“No sawwa awl di heida es diah sind ksaykend, veil diah in so en fruchtboah land sind,” sawkt da Awlmechtich Hah.

5. Mosi 29:9

So gevvet acht un haldet di vadda funn demm bund, so es es goot gayt in alles es diah doond.

5. Mosi 32:46

hott eah ksawt zu eena, “Nemmet zu hatz awl di vadda es ich eich ksawt habb heit, so es diah si gevvet zu eiyah kinnah, un es si acht gevva fa awl di vadda funn demm ksetz halda.

5. Mosi 32:47

Dess sinn nett yusht leahri vadda fa eich avvah si sinn eiyah layva. Bei dee vadda zayla diah lang layva im land es diah ivvah da Jordan nivvah gaynd fa ivvah-nemma.”

2. Timotheus 3:15

Un evvah siddah es du en glay kind voahsht, hosht du di Heilich Shrift gvist, dee vo diah veisheit gevva kann zu di saylichkeit deich da glawva in Christus Jesus.

Jakobus 3:13

Veah is en mensh mitt veisheit un eisicht unnich eich? Deich sei goot layva loss een sei verka veisa mitt daymoot un veisheit.