5. Mosi 4:32 - Pennsylvania Dutch Bible

³² Gukket zrikk in di dawwa eb diah geboahra voahret, zrikk an di zeit es Gott mensha gmacht hott uf di eaht. Gukket in da himmel funn aym end zumm anra. Hott ennich ebbes vi dess selayva blatz gnumma, adda ennich ebbah ebbes vi dess selayva keaht?

5. Mosi 4:32 ပူးပေါင်းရင်းမြစ်များ

Hiob 8:8

Yusht frohk selli es eahshtah glaybt henn, un finn aus vass iahra feddah gland henn,

Matthäus 24:31

No shikt eah sei engel naus mitt en laudah blohs fumm hann fa dee vo raus groofa sinn zammah samla funn di fiah vinda, un funn ay end fumm Himmel biss an's anra.

Psalm 44:1

Miah henn keaht mitt unsah oahra, oh Gott, unsah foah-feddah henn uns es fazayld, vass du gedu hosht in iahra zeit, in di alda dawwa.

5. Mosi 32:7

Denket zrikk an di alda dawwa, an di zeit lang zrikk. Frohwet eiyah faddah, un eah sawkt eich's, eiyah aldi leit, un si fakindicha's zu eich.

Joel 1:2

Heichet dess, diah eldishti; heichet, awl diah es im land voona. Hott selayva ennich ebbes vi dess blatz gnumma in eiyah zeit, adda in di zeit funn eiyah foah-feddah?

1. Mosi 1:27

So hott Gott mensha kshaffa in sei aykni gleichnis. In di gleichnis funn Gott hott eah da mann un's veibsmensh kshaffa.

Markus 13:27

Un eah zayld sei engel naus shikka fa dee zammah hohla vo raus groofa sinn funn di fiah vinda, funn ivvahrawlich in di eaht, un funn ivvahrawlich im Himmel.

5. Mosi 30:4

Even vann diah in di veitshta lendah unnich em himmel vekk gedrivva voahret, dann zayld da Hah eiyah Gott eich zammah geddahra un eich zrikk bringa.

2. Mosi 34:10

Da Hah hott ksawt, “Heich moll, ich zayl en bund macha. Fannich awl dei leit zayl ich vundahboahri sacha du es nee nett gedu voahra in ennich land uf di gans eaht. Di leit es um dich rumm sinn zayla vundahboahri sacha sayna es ich, da Hah, du deich dich.

5. Mosi 4:7

Vo is en annah hallich folk es iahra gettah so nayksht henn vi da Hah unsah Gott is zu uns vann miah bayda zu eem?

5. Mosi 28:64

No zayld da Hah eich ausnannah shtroiya unnich awl di heida funn aym end funn di veld zumm anra. Datt zayla diah anri gettah funn hols un shtay deena es diah un eiyah foah-feddah nett gekend katt henn.

5. Mosi 33:29

Ksaykend bisht du, oh Israel, veah is vi du, en leit saylich gmacht bei em Hah? Eah is eiyah shield un eiyah hilf, un di shvatt funn eiyah hallichkeit. Eiyah feinda bikka sich fannich eich un feicha sich, un diah shtambet iahra hohchi bletz nunnah.”

2. Samuel 7:23

Un veah is vi dei leit Israel, di aynsishta leit uf di eaht es Gott naus ganga is un frei gmacht hott fa sich selvaht, un fa en nohma macha fa sich selvaht, un fa grohsi un shreklichi sacha du in deim land fannich dei leit es du frei ksetzt hosht funn Egypta, un funn di heida un iahra abgettah?

Jesoiya 45:12

'Sis mich es di eaht gmacht hott, un ich habb di leit kshaffa es drinn sinn. Mei aykni hend henn di himla auskshtrekt, un ich hayb di shtanna im blatz.

Amos 3:2

“Eich laynich funn awl di families uf di eaht habb ich raus groofa un acht gevva druff. Fasell zayl ich eich shtrohfa fa awl eiyah sinda.”