5. Mosi 4:2 - Pennsylvania Dutch Bible

² Diah sellet nix veidah zu di gebodda du es ich eich gebb, un aw nix vekk nemma difunn, avvah haldet di gebodda fumm Hah eiyah Gott es ich eich gebb.

5. Mosi 4:2 ပူးပေါင်းရင်းမြစ်များ

Psalm 78:7

Dess is so es si iahra hofning in Gott doon, un nett di kshefta funn Gott fagessa, avvah es si sei gebodda halda sella,

Shpricha 30:6

Du nix veidahs zu sei vadda, adda eah shtrohft dich, un du vatsht auskfunna fa en leeyah sei.

Breddichah 12:13

Es end funn awl demm is nau keaht vadda. Un do is vass miah uf kumma mitt: Firchtet Gott un haldet sei gebodda; dess is vass alli mann shuldich is fa du.

Jeremia 26:2

“Dess is vass da Hah sawkt: Shtay im foah-hohf fumm Hah sei haus un shvetz zu awl di shtett funn Juda es kumma fa Gott deena im Hah sei haus. Sawk eena alles es ich dich gebodda habb. Fafayl nett ay vatt!

Matthäus 5:18

Ich sawk eich di voahret; so lang es da Himmel un di eaht shtayn, zayld nett ay bushtawb, adda ay punka, vekk gnumma vadda fumm Ksetz, nett biss es alles folfild is.

Matthäus 5:43

“Diah hend keaht es es ksawt voah; du solsht dei nochbah leeva, un dei feind hassa.

Galater 3:15

Leevi breedah, ich vill nau shvetza in en menshlichah vayk: vann en mann en bund uf shreibt, un grikt's kseind, kann nimmand may's nunnah drayya adda ebbes ditzu shreiva.

5. Mosi 1:3

Un's is zu kumma im fatzichshta yoah uf em eahshta dawk fumm elfta moonet, es da Mosi alles auskshprocha hott zu di Kinnah-Israel es da Hah een gebodda hott fa eena sawwa.

5. Mosi 12:32

Di gebodda es ich eich gebb sellet diah acht gevva un du. Diah sellet nix ditzu du un nix difunn nemma.

5. Mosi 13:1

Vann en brofayt adda en drohmah unnich eich ufshtayt un gebt eich en zaycha adda en vundah,

5. Mosi 33:4

Da Mosi hott uns es ksetz gevva, di eahbshaft fa di fasamling fumm Jakob.

5. Mosi 4:14

Un da Hah hott mich gebodda an selli zeit es ich eich di gebodda un's ksetz lanna soll, un es diah's halda sellet im land es diah am nivvah gay sind fa's ivvah-nemma.

5. Mosi 4:40

Haldet sei adninga un gebodda es ich am eich gevva binn heit, so es es goot gayt mitt eich un eiyah kinnah noch eich, un so es diah lang layvet im land es da Hah eiyah Gott eich gebt fa'immah.

5. Mosi 4:5

Gukket nau, ich habb eich di gebodda un adninga gland vi da Hah mei Gott mich gebodda katt hott. Dess is so es diah si haldet im land es diah am nei gay sind fa's ivvah-nemma.

5. Mosi 5:29

Oh, vann si yusht immah so feela dayda mitt furcht im hatz un awl mei gebodda halda iahra layva lang, so es es goot gay dayt mitt eena un iahra nohch-kummashaft fa'immah!

5. Mosi 5:32

So nau gevvet acht es diah grawt doond vi da Hah eiyah Gott eich gebodda hott. Doond nett uf di rechts seit adda di lings seit drayya.

Joshua 1:7

Yusht sei shteik un feich dich nett fa alles ausfiahra noch em Ksetz vi da Mosi mei gnecht diah's gebodda hott. Dray nett rechts adda lings fumm Ksetz so es alles goot ausshaft fa dich es du unnah-nemsht.

Joshua 8:35

Es voah nett en vatt funn alles es da Mosi gebodda katt hott, es da Joshua nett glaysa hott zu di gans fasamling funn Israel. Di veibsleit, di kinnah un di ausahra unnich eena voahra awl datt.