5. Mosi 32:4 - Pennsylvania Dutch Bible

⁴ Eah is da Felsa, sei verka sinn folkumma; awl sei vayya sinn recht. En shtandhaftichah Gott es nix letzes dutt, gerecht un ufrichtich is eah.

5. Mosi 32:4 ပူးပေါင်းရင်းမြစ်များ

1. Mosi 1:31

Un Gott hott alles ksenna es eah gmacht hott, un's voah oahrich goot. Un's voah ohvets un meiyets, da sext dawk.

1. Mosi 18:25

'Sis goah nett vi dich fa so en ding du—fa di gerechti umbringa mitt di ungerechta, es vann di gerechta un di ungerechta gleicha veahra. Dess is goah nett vi dich! Sett nett da Richtah funn di gans veld du vass recht is?”

2. Samuel 22:47

Da Hah laybt! Ksaykend is mei Felsa! Gott is hohch ufkohva, da Felsa funn mei saylichkeit.

2. Samuel 23:3

Da Gott funn Israel hott kshvetzt, da Felsa funn Israel hott ksawt zu miah, ‘Vann ebbah ivvah mensha roold in gerechtichkeit, vann eah roold in di furcht funn Gott,

2. Chronik 19:7

Losset di furcht fumm Hah uf eich sei, un gevvet acht vi diah richtet, fa da Hah unsah Gott hott nix zu du mitt ungerechtichkeit, ayseidich sei, adda kshenkah nemma hinna rumm.”

Nehemia 9:8

Du hosht sei hatz shtandhaftich kfunna fannich diah, un hosht en bund gmacht mitt eem, fa zu sei nohch-kummashaft es land gevva funn di Kanaaniddah, di Hethiddah, di Amoriddah, di Pheresiddah, di Jebusiddah un di Girgasiddah. Du hosht dei vatt kalda, veil du gerecht bisht.

Hiob 34:10

So heichet mich ab, diah mennah es alles fashtaynd, Gott dayt selayva nett droh denka fa evil du, adda da Awlmechtich fa letz du.

Hiob 35:14

Vee feel vennichah, dann, dutt eah dich abheicha vann du sawksht du saynsht een nett, es du bisht am voahra fa sei gericht, un musht voahra uf een?

Hiob 36:23

Veah hott eem ksawt vass zu du, adda ksawt zu eem, ‘Du hosht letz gedu’?

Hiob 8:3

Dutt Gott sei richtes fadrayya? Dutt da Awlmechtich letz macha vass recht is?

Psalm 100:5

Fa da Hah is goot; sei leevi bleibt fa'immah, un sei shtandhaftichkeit bleibt ayvichlich.

Psalm 138:8

Da Hah zayld selli sacha ausfiahra es zu du henn mitt miah; dei shtandhaftichi-leevi, oh Hah is ayvichlich, faloss nee nett di verka funn dei hend.

Psalm 145:17

Da Hah is gerecht in awl sei vayya, un bamhatzich zu alles es eah gmacht hott.

Psalm 146:6

deah es da himmel, di eaht un da say gmacht hott, un alles es drinn is; deah vo shtandhaftich is fa'immah,

Psalm 18:2

Da Hah is vi en felsa un en shteik greeks-haus zu miah. Eah macht mich frei. Mei Gott is vi en felsa es ich hinna droh shtay kann unni kfoah. Eah is mei shield un's greftich hann funn mei saylichkeit, mei shteikah helfah.

Psalm 18:46

Da Hah laybt! Glohbt is eah, mei Felsa! Gott mei Heiland soll hohch uf kohva sei!

Psalm 19:7

Es Ksetz fumm Hah is folkumma, un gebt nei layva zu di sayl. Es zeiknis fumm Hah kann gedraut sei, un gebt veisheit zu selli es nett fashtayn.

Psalm 31:5

In dei hend gevvich mei geisht, du hosht mich frei gekawft, oh Hah, du shtandhaftichah Gott.

Psalm 33:4

Fa's vatt fumm Hah is ufrichtich un voah, un eah is shtandhaftich in alles es eah dutt.

Psalm 78:35

Si henn gmeind es Gott iahra Felsa is, es da Alli-Haychsht Gott iahra Frei-Shtellah is.

Psalm 9:16

Da Hah macht sich bekand bei sei gerichtes, un di gottlohsa vadda kfanga bei di eahvet funn iahra aykni hend. (Higgaion. Sela)

Psalm 90:16

Loss dei verka gvissa sei zu dei gnechta, un dei hallichi graft zu iahra kinnah.

Psalm 92:15

un zayla sawwa, “Da Hah macht's recht; eah is mei Felsa, un kenn ungerechtichkeit is in eem.”

Psalm 97:2

Volka un's dunkla sinn um een rumm, sei kaynich-shtool is gegrund uf gerechtichkeit un gericht.

Psalm 98:3

Eah hott an sei bamhatzichi leevi un sei shtandhaftichkeit zumm haus funn Israel gedenkt. Awl di leit biss an's end funn di veld henn di saylichkeit funn unsah Gott ksenna.

Psalm 99:4

Da Kaynich is mechtich un leebt richtes— du hosht auskshaft vass recht is. Du hosht gerechtichkeit un gericht auskshaft im Jakob.

2. Mosi 34:6

No is da Hah fannich em Mosi fabei ganga un hott naus groofa, “Da Hah, da Hah Gott, es bamhatzich, gnaydich un geduldich is, mitt grohsi gnawt un shtandhaftichkeit.

Breddichah 3:14

Ich vays es alles es Gott dutt shtay zayld fa'immah; nix kann ditzu gedu vadda un nix vekk gnumma vadda. Gott dutt dess so es mensha een firchta sella.

Jesoiya 17:10

Du hosht da Gott es dich saylich macht fagessa, du hosht nett an da Felsa gedenkt, sellah es dei graft is. Fasell, even vann du di shenshta blansa naus setsht, un blansht drauva-ranka zu fremdi gettah,

Jesoiya 25:1

Oh Hah, du bisht mei Gott, ich hayb dich uf un lohb dei nohma; du voahsht shtandhaftich un hosht vundahboahri sacha gedu, sacha es du im sinn katt hosht lang zrikk.

Jesoiya 26:4

Falosset eich uf da Hah fa'immah, fa Gott da Hah is en ayvichah Felsa.

Jesoiya 28:16

So dess is vass da Awlmechtich Hah sawkt, “Gukket moll, ich layk en shtay in Zion en shtay es ausbroviaht is, en keshtlichah ekk-shtay es goot gegrund is; veah in een glawbt, brauch nee nett angsht havva.

Jesoiya 30:18

Avvah doch da Hah vill gnaydich sei zu eich, un eah haybt sich uf fa bamhatzichkeit veisa zu eich. Veil eah en Gott is es immah dutt vass recht is. Ksaykend sinn awl selli es voahra fa een!

Jesoiya 32:2

Yaydahs funn eena zayld sei vi en blatz aus em vind, vi en blatz es ma sich fashtekla kann fumm shtoahm, vi en vassah-grikk es lawft in en drukka land, un vi da shadda funn en grohsah felsa in en drukkanah blatz.

Jeremia 10:10

Avvah da Hah is da recht Gott; eah is da levendich Gott, un da ayvich Kaynich. Vann eah bays vatt, dann shiddeld di eaht; di heida kenna sei zann nett shtenda.

Jeremia 9:24

Avvah veah braekka vill, loss een braekka veyyich demm: es eah mich fashtayt un kend, es ich da Hah binn, deah es bamhatzichkeit, eahlich richtes un gerechtichkeit uf di eaht bringd. Dee sinn di sacha es mich froh macha.” So sawkt da Hah.

Daniel 4:34

Am end funn selli zeit habb ich, da Nebukadnezar, mei awwa nuff geyyich em himmel gedrayt un mei menshlichah fashtand is viddah zrikk kumma. Ich habb da Alli-Haychsht gepreist, un habb di eah un hallichkeit gevva zu sellah es laybt fa'immah. Sei Kaynich-Reich is en ayvich Kaynich-Reich; sei reich zayld shtay funn ayvichkeit zu ayvichkeit.

Daniel 4:37

Nau doon ich, da Nebukadnezar, da Kaynich fumm himmel lohva, preisa un eahra, veil alles es eah dutt recht is un sei vayya sinn gerecht. Un eah kann ennich ebbah daymeedicha es lawft in hohchmoot.

Habakuk 1:12

Oh Hah, bisht du nett funn ayvichkeit heah? Mei Gott, mei Heilichah, hald uns funn shtauva. Oh Hah, du hosht si ufketzt fa uns richta; oh, unsah Felsa, du hosht si groofa fa uns shtrohfa.

Habakuk 1:13

Dei awwa sinn zu rein es du evil nett ohgukka kansht, un du kansht's nett shtenda fa leit sayna letz du. Favass alawbsht du dee shlichticha leit gay? Favass bisht du shtill vann di gottlohsa selli ufshlukka es may gerecht sinn es si?

Zephania 3:5

Da Hah in iahra mitt is gerecht, eah dutt nix letzes. Alli meiya dutt eah eahlich richta, un alli dawk dutt eah vass recht is, avvah doch di ungerechta shemma sich nett.

Matthäus 5:48

Fasell, sellet diah folkumma sei, grawt vi eiyah Faddah im Himmel folkumma is.”

Johannes 1:14

Un's Vatt is flaysh vadda, un hott unnich uns glaybt. Miah henn sei hallichkeit ksenna, foll mitt gnawt un voahheit. Dess voah di hallichkeit fumm Faddah sei aynsishtah Sohn.

Johannes 1:17

Fa's ald Ksetz voah gevvah deich da Mosi, avvah di gnawt un di voahheit sinn kumma deich Jesus Christus.

Johannes 14:6

Jesus hott ksawt zu eem, “Ich binn da vayk, di voahheit, un's layva; nimmand kumd zumm Faddah unni deich mich.

Johannes 5:22

Da Faddah richt nimmand avvah eah hott's richtes alles im Sohn sei hend gevva,

Römer 1:32

Si vissa Gott sei gerechti gebodda, es selli vo so sacha doon, fadeena da doht. Even so, doon si nett yusht ohhalda dee sacha du, avvah si henn aw blesiah in anri es si doon.

Römer 2:2

Miah vissa es Gott sei gericht funn di voahheit is uf leit es so sacha doon.

Römer 2:5

Avvah deich dei hatt hatz vass dich nett lost boos du, bisht du am zann ufshtoahra fa sellah dawk funn zann. Sell is vann Gott sei gerecht gerichtes sich veisa dutt.

Römer 3:5

Avvah vann unsah ungerechtichkeit Gott sei gerechtichkeit raus bringd, vass sella miah sawwa? Sella miah sawwa Gott is ungerecht veil eah sei zann uf uns bringd? (Ich shvetz vi mensha shvetza.)

1. Korinther 10:4

un ay geishtlich drinkes gedrunka. Fa si henn gedrunka funn sellem geishtlicha Shtay vo eena nohch kumma is, un sellah Shtay voah Christus.

5. Mosi 10:18

Eah shtayt uf fa di kinnah unni eldra un fa di vitt-veivah. Eah hott di ausahra leeb un gebt eena ess-sach un glaydah.

5. Mosi 32:15

Da Jesurun is fett vadda un hott gekikt; eah voah fett un dikk un shteik. Eah hott da Gott falossa es een gmacht hott, un da Felsa fa'acht es een saylich macht.

5. Mosi 32:18

Du bisht vekk gedrayt fumm Felsa es dich gezeikt hott, un hosht da Gott fagessa es diah layva gevva hott.

5. Mosi 7:9

Fasell sellet diah vissa es da Hah eiyah Gott, Gott is. Eah is da shtandhaftich Gott es sei bund hald, un sei shtandhaftichi-leevi veist fa en dausend layves-zeida zu selli es een leeva un sei gebodda halda.

Jakobus 1:17

Alli goot kshenk, un alli folkumma kshenk kumd funn ovva-heah, un kumd runnah fumm Faddah funn lichtah. Bei eem is kenn fa'ennahring, adda shadda es kumd funn sich drayya.

Jakobus 4:12

Es is yusht ay ksetz-gevvah. Eah laynich kann leit saylich macha adda si fadamma. Veah bisht du es en anra richta dutt?

1. Petrus 2:6

Fa's shtayt kshrivva in di Shrift, “Saynet, ich layk en shtay in Zion, en ekk-shtay es raus glaysa un keshtlich is. Un deah vo an een glawbt, zayld nee nett zumm shohm gebrocht vadda.”

1. Samuel 2:2

Nimmand is so heilich es da Hah, es is nimmand vi dich, un's is kenn Felsa vi unsah Gott.