5. Mosi 18:1 - Pennsylvania Dutch Bible

¹ Di Lefiddishi preeshtah, sell is, di gans shtamm fumm Levi, sella kenn dayl adda eahbshaft havva mitt's ivvahrich funn Israel. Si sella layva bei's sach essa es gevva is fa en feiyah-opfah zumm Hah.

5. Mosi 18:1 ပူးပေါင်းရင်းမြစ်များ

Jeremia 33:18

Un's zayla immah preeshtah fumm kshlecht Levi fannich miah sei fa brand-opfah un shpeis-opfah opfahra, un anri opfah macha fa'immah.”

Ezekiel 44:28

Di preeshtah sella kenn eahbshaft havva; ich binn iahra eahbshaft. Si sella nix aykna in Israel fa eahbshaft; ich binn iahra eahbshaft.

4. Mosi 18:20

Da Hah hott ksawt zumm Aaron, “Du zaylsht kenn eahbshaft havva in iahra land, un du griksht kenn dayl mitt eena. Ich binn dei dayl un dei eahbshaft unnich di Kinnah-Israel.

4. Mosi 26:62

Es voahra 23,000 Lefiddah mansleit es en moonet adda drivvah ald voahra. Si voahra nett gezayld mitt di anra Kinnah-Israel veil see kenn eahbshaft grikt henn unnich di Israeliddah.

5. Mosi 10:9

Fasell henn di Lefiddah kenn dayl adda eahbshaft mitt iahra breedah. Da Hah is iahra eahbshaft, so vi da Hah eiyah Gott eena ksawt hott.)

5. Mosi 12:19

Gevvet acht es diah di Lefiddah nett unfaseikt gay losset so lang es diah im land layvet.

Joshua 13:14

Avvah zumm shtamm fumm Levi hott eah kenn eahbshaft gevva. Di opfahra es gmacht sinn mitt feiyah zumm Hah, da Gott funn Israel, voah iahra eahbshaft vi eah fashprocha katt hott.

Joshua 13:33

Avvah da Mosi hott kenn eahbshaft gevva zu di nohch-kummashaft fumm Levi. Da Hah, da Gott funn Israel, is iahra eahbshaft, vi eah eena fashprocha katt hott.

Joshua 18:7

Di nohch-kummashaft fumm Levi greeya kenn dayl unnich eich, veil di preeshtah eahvet fumm Hah iahra eahbshaft is. Da Gad, da Ruben un di halb-shtamm fumm Manasse henn iahra eahbshaft shund grikt uf di east seit fumm Jordan. Da Mosi em Hah sei gnecht hott eena dess gevva.”