5. Mosi 12:9 - Pennsylvania Dutch Bible

⁹ veil diah noch nett an da roo-blatz kumma sind, di eahbshaft es da Hah eiyah Gott am eich gevva is.

5. Mosi 12:9 ပူးပေါင်းရင်းမြစ်များ

1. Kaynicha 8:56

“Glohbt sei da Hah, deah es sei leit Israel roo gevva hott grawt vi eah fashprocha hott. Es is nett ay vatt es nett ausgedrawwa voah funn alles goodes es eah fashprocha hott deich sei gnecht da Mosi.

1. Chronik 23:25

Da Dawfit hott ksawt, “Da Hah, da Gott funn Israel, hott sei leit roo gevva, un eah bleibt in Jerusalem fa'immah.

Psalm 95:11

So habb ich kshvoahra in meim zann, “Si zayla nee nett in mei roo kumma.”

Jeremia 31:2

Dess is vass da Hah sawkt: “Di leit es nett umkumma sinn beim shvatt, henn gnawt kfunna in di vildahnis, vo Israel roo ksucht hott.”

Micha 2:10

Shtaynd uf un gaynd fatt, 'sis kenn blatz funn roo do fa eich. Deich eiyah unreinichkeit is deah blatz gmeikt, gmeikt fa zu nix gebrocht sei.

5. Mosi 12:8

Diah sellet nett du vass miah am du sinn do heit, alli-ebbah is am da Hah deena vi eah vill,

5. Mosi 25:19

So vann da Hah eiyah Gott eich moll roo gebt funn awl eiyah feinda um eich rumm, im land es eah am eich gevva is fa's ivvah-nemma es en eahbshaft, no sellet diah awl di Amalekiddah gans ausreiva so es nimmand may an si denkt. Fagesset sell nett.

5. Mosi 3:20

Diah misset di ivvahricha funn eiyah breedah helfa's land nemma es da Hah eiyah Gott eena gevva zayld uf di annah seit fumm Jordan Revvah biss da Hah eena fridda gebt datt, vi eah hott zu eich do. No kennet diah zrikk kumma un in eiyah lendah voona es ich eich gevva habb.”

5. Mosi 4:21

Da Hah voah bays mitt miah deich eich, un eah hott kshvoahra es ich nett ivvah da Jordan gay dauf un in sell goot land gay dauf, es da Hah eiyah Gott am eich gevva is fa en eahbshaft.

Joshua 11:23

Da Joshua hott's gans land gnumma, grawt vi da Hah da Mosi gebodda katt hott. Eah hott's zu Israel gevva fa en eahbshaft, un hott's fadayld bei di foah-eldra iahra shtamma. No hott's land roo katt funn greek.