4. Mosi 32:3 - Pennsylvania Dutch Bible

³ “Ataroth, Dibon, Jaser, Nimra, Hesbon, Eleale, Sebam, Nebo un Beon, im land

4. Mosi 32:3 ပူးပေါင်းရင်းမြစ်များ

Nehemia 9:22

Du hosht eena kaynich-reicha un heida-lendah gevva, even lendah zu di veitshta ekkah. Si henn's land ivvah-gnumma fumm Sihon, da kaynich funn Hesbon, un's land fumm Og, da kaynich funn Basan.

Jesoiya 15:6

Di vassahra funn Nimrim sinn ufgedrikkeld; es graws is favelkt, un alles is drukka. 'Sis nix greenes ivvahrich.

Jeremia 48:1

Veyyich Moab: Dess is vass da Awlmechtich Hah, da Gott funn Israel sawk: “Vay zu di shtatt Nebo, see zayld faveesht vadda; Kiriathaim vatt fashohmd un ivvah-gnumma; da shteik blatz vatt fashand un fabrocha.

Jeremia 48:2

Moab vatt nimmi hohch ufkohva; in Hesbon henn si kshkeemd fa iahra shawda du: ‘Kummet, vella en end macha funn iahra, so es see kenn folk may is.’ Un du, oh shtatt es Madmen hayst, zaylsht aw ruich gmacht sei; es shvatt zayld diah nohch kumma.

Jeremia 48:32

Ich muss may heila fa dich oh vei-shtokk, Sibma, es fa di leit funn Jaser. Dei drauva-ranka langa ivvah da say, si langa biss an da say funn Jaser. Dei zeidich frucht un drauva, sinn zu sellem kfalla es fadaubt.

Jeremia 48:34

Hesbon, Elale un Jahza greisha naus, di yacht kann keaht sei funn veit vekk— funn Zoar zu Horonaim un Eglath-Shelishiya, veil even awl di vassahra funn Nimrim ufgedrikkeld sinn.

Jeremia 48:45

“Selli es am difunn gay sinn shtayn im shadda funn Hesbon unni graft. Fa en feiyah is naus ganga funn Hesbon, en flamm aus di mitt funn Sihon, un's brend di shtann fumm Moab, da kobb funn selli yachticha es greek gleicha.

Ezekiel 25:9

dann loss ich di feinda selli shtett vekk butza an di lein nohch funn Moab. Sell sinn di shtett, Beth-Jesimoth, Baal-Meon un Kiriathaim es si so shtols sinn mitt.

4. Mosi 21:28

Feiyah is aus Hesbon ganga, flamm aus em Sihon sei shtatt. Es hott di shtatt Ar in Moab fabrend, un di leit funn di hohcha-bletz in Arnon.

4. Mosi 21:30

Avvah miah henn si ivvah-kshmissa funn Hesbon biss gans an Dibon. Miah henn si fadauva so veit es Nophah, un so veit vekk es Medeba.”

4. Mosi 21:32

Noch demm es da Mosi di mennah in Jaser kshikt katt hott fa di shtatt aussucha, henn di Israeliddah awl di shtetlen drumm rumm ivvah-gnumma un di Amoriddah ausgedrivva es datt voahra.

4. Mosi 32:1

Di Rubeniddah un di Gadiddah henn grohsi drubba kee un shohf katt. Si henn ksenna es di lendah funn Jaser un Gilead goodi vayt katt henn fa iahra fee.

4. Mosi 32:2

So sinn si zumm Mosi, em preeshtah Eleasar un di evvahshta funn di leit kumma un henn ksawt,

Joshua 13:17

biss an Hesbon un awl di hohcha shtett funn Dibon, Bamoth-Baal, Beth-Baal-Meon,

Joshua 13:19

Kirjathaim, Sibma un Zereth-Sahar es uf em hivvel in di valley voah.

Joshua 21:39

Hesbon un Jaser mitt eahra vayt-land.

Richtah 11:26

Fa drei hunnaht yoah hott Israel Hesbon, Aroer un di shtett drumm rumm gaygend, un aw awl di shtett am Arnon Revvah nohch. Favass hosht du nett selli zrikk gnumma in awl selli zeit?