4. Mosi 2:3 - Pennsylvania Dutch Bible

³ Uf di east seit vo di sunn ufkumd, sella selli es zumm Juda heahra sich ufhokka, gmeikt mitt iahra flag. Di leit funn Juda iahra hauptmann is em Amminadab sei boo da Nahesson.

4. Mosi 2:3 ပူးပေါင်းရင်းမြစ်များ

1. Mosi 35:22

Un diveil es da Israel in sellem land gvoond hott, is da Ruben ganga un hott mitt di Bilha, sei daett sei nayva-fraw, kshlohfa. Un da Israel hott's auskfunna. Da Jakob hott zvelf boova katt:

1. Mosi 35:23

Di Lea iahra eldshtah boo voah da Ruben. No voah's da Simeon, da Levi, da Juda, da Isachar un da Sebulon.

1. Chronik 2:10

Em Ram sei boo voah da Amminadab, un em Amminadab sei boo voah da Nahesson, deah es da evvahsht voah funn di leit funn Juda.

1. Chronik 5:2

Em Juda sei nohch-kummashaft is di shteiksht kshlecht vadda unnich sei breedah, un en roolah is funn eena kumma, doch voah's recht fumm eahsht-geboahrana zumm Joseph gevva.)

2. Mosi 6:23

Da Aaron hott di Elisheba, di dochtah fumm Amminidab, di shveshtah fumm Naheshon, keiyaht. Eah hott da Nadab, da Abihu, da Eleasar un da Ithamah katt bei iahra.

4. Mosi 1:5

Dess sinn di nayma funn di mennah es eich helfa sella: funn Ruben, em Sedeur sei boo da Elizur;

4. Mosi 1:7

funn Juda, em Amminadab sei boo da Nahesson;

4. Mosi 10:5

Vann's blohs-hann aymol laut blohst, dann sella di leit uf di east seit raus zeeya.

4. Mosi 2:4

Eah hott 74,600 greeks-gnechta unnich sich.

4. Mosi 3:38

Da Mosi un da Aaron un sei boova henn sella iahra tents ufhokka uf di east seit fumm tempel-tent vo di sunn ufkumd. Sell voah fannich em fasamling-tent. Si henn acht gevva uf da tempel-tent fa di Kinnah-Israel. Vann en fremdah nayksht an da tempel-tent kumma is hott eah missa doht gmacht sei.

4. Mosi 7:12

Uf em eahshta dawk hott da Nahesson sei opfah gebrocht. Eah voah em Amminadab sei boo un voah funn di shtamm funn Juda.

4. Mosi 7:17

zvay oxa, fimf shohf-bekk, fimf gays-bekk un fimf lemmah en yoah ald fa en dank-opfah. Awl sell voah's opfah es da Nahesson, em Amminadab sei boo, gebrocht hott.

Matthäus 1:4

Da Ram voah em Amminadab sei daett, un da Amminadab voah em Nahesson sei daett. Da Nahesson voah em Salma sei daett.

Ruth 4:20

Da Amminadab voah em Nahesson sei daett un da Nahesson voah em Salma sei daett.