4. Mosi 1:54 - Pennsylvania Dutch Bible

⁵⁴ Di Kinnah-Israel henn gedu grawt vi da Hah da Mosi gebodda hott.

4. Mosi 1:54 ပူးပေါင်းရင်းမြစ်များ

2. Mosi 12:28

Di Kinnah-Israel sinn no ganga un henn grawt gedu vi da Hah em Mosi un em Aaron di gebodda gevva katt hott.

2. Mosi 39:32

So voah endlich awl di eahvet fumm tempel-tent un aw da fasammling tent faddich gmacht. Di Kinnah-Israel henn alles gedu grawt vi da Hah em Mosi di gebodda gevva katt hott.

2. Mosi 39:43

Da Mosi hott di eahvet ivvah-gegukt, un hott ksenna es si's gedu katt henn grawt vi da Hah gebodda hott. No hott da Mosi si ksaykend.

2. Mosi 40:16

Da Mosi hott no alles gedu grawt vi da Hah een gebodda hott.

2. Mosi 40:32

Vann si in da fasamling-tent ganga sinn, un vann si nayksht an da awldah ganga sinn, henn si sich gvesha grawt vi da Hah em Mosi gebodda gevva katt hott.

4. Mosi 1:19

vi da Hah da Mosi gebodda katt hott. So hott eah si gezayld in di Vildahnis funn Sinai.

4. Mosi 1:53

Avvah di Lefiddah sella iahra tents ufhokka um da tempel-tent rumm, so es kenn zann uf di fasamling funn Israel kumd. Di Lefiddah sella acht gevva uf da tempel-tent fumm Zeiknis.”

4. Mosi 2:1

Da Hah hott ksawt zumm Mosi un em Aaron,

4. Mosi 2:34

Di Kinnah-Israel henn alles gedu vi da Hah da Mosi gebodda hott. So henn si iahra tents ufkokt unnich iahra meikah-flag, un sell is vi si gezowwa sinn. Alli-ebbah is ganga mitt sei shtamm un family.

4. Mosi 36:10

So henn em Zelophehad sei mayt gedu vi da Hah gebott gevva hott zumm Mosi.

4. Mosi 8:20

Da Mosi, da Aaron un di gans Israeliddah fasamling henn gedu mitt di Lefiddah grawt vi da Hah em Mosi ksawt hott.

4. Mosi 9:22

Eb di volk ivvah da tempel-tent geblivva is fa zvay dawk, en moonet adda en gans yoah, dann sinn di Kinnah-Israel datt geblivva un sinn nett vekk gezowwa. Avvah vann di volk ufkohva voah, sinn si nohch gezowwa.

4. Mosi 9:5

Un si henn's Passa-Fesht kalda in di Vildahnis funn Sinai ohvets an dushbah uf em fatzayda dawk fumm eahshta moonet. Si henn alles gedu grawt vi da Hah da Mosi gebodda hott.

Matthäus 28:20

Un lannet si fa alles halda es ich eich gebodda habb. Un meindet dess, ich binn immah bei eich, even biss an's end funn di veld.”

5. Mosi 12:32

Di gebodda es ich eich gebb sellet diah acht gevva un du. Diah sellet nix ditzu du un nix difunn nemma.

1. Samuel 15:22

Da Samuel hott no ksawt, “Hott da Hah may blesiah in opfahra un brand-opfahra es vi em Hah sei shtimm heicha? Gukk moll, fa heicha is bessah es opfahra, un fa's du is bessah es es fett funn shohf-bekk.