3. Mosi 9:4 - Pennsylvania Dutch Bible

⁴ un en ox un en shohf-bokk fa en dank-opfah fa en opfah macha fannich em Hah. Un machet aw en shpeis-opfah gmixt mitt ayl. Fa heit zayld da Hah sich veisa zu eich.’”

3. Mosi 9:4 ပူးပေါင်းရင်းမြစ်များ

2. Mosi 16:10

Un vi da Aaron kshvetzt hott zu di gans drubb Kinnah-Israel, dann henn si noch di vildahnis gegukt, un datt hott di hallichkeit fumm Hah sich gvissa in di volk.

2. Mosi 19:11

un sich rishta fa da dritt dawk. Da dritt dawk kumd da Hah nunnah uf da Berg Sinai diveil es awl di leit vatsha.

2. Mosi 24:16

Un di hallichkeit fumm Hah voah uf em Berg Sinai. Di volk hott da berg zu gedekt fa sex dawk, un uf em sivvada dawk hott da Hah naus groofa zumm Mosi funn di mitt funn di volk.

2. Mosi 29:43

Ich kumm aw zu di Kinnah-Israel datt, un da blatz vatt heilich gmacht bei mei hallichkeit.

Ezekiel 43:2

Un ich habb em Gott funn Israel sei hallichkeit ksenna kumma funn di east. Sei shtimm voah vi di yacht funn en grohs vassah am lawfa, un di eaht hott ksheind mitt sei hallichkeit.

Ezekiel 43:27

Noch selli sivva dawk, fumm achta dawk on, sella di preeshtah eiyah brand-opfah un dank-opfah opfahra uf em awldah. No nemm ich eich oh, sawkt da Awlmechtich Hah.”

3. Mosi 2:1

“‘Vann ennich ebbah en shpeis-opfah zumm Hah bringd, soll sei opfah gmacht sei funn fei mayl. Eah soll ayl druff leahra, insens druff du,

3. Mosi 3:1

“‘Vann ebbah en dank-opfah opfahra vill, un eah opfaht fumm fee, eb's en bull adda en koo is, dann soll eah ayns opfahra fannich em Hah es nix letz is mitt.

3. Mosi 9:23

Da Mosi un da Aaron sinn no in da fasamling-tent ganga. Vo si raus kumma sinn, henn si di leit ksaykend, un di hallichkeit fumm Hah hott sich gvissa zu awl di leit.

3. Mosi 9:3

No sawk zu di Kinnah-Israel: ‘Nemmet en gays-bekli fa en sind-opfah; en hamli un en shibli, awl zvay en yoah ald un unni faylah, fa en brand-opfah,

3. Mosi 9:5

Si henn no di sacha gnumma es da Mosi gebodda hott, un henn si an's feddahsht end fumm fasamling-tent gebrocht. No is di gans fasamling nayksht kumma un hott fannich em Hah kshtanna.

3. Mosi 9:6

Da Mosi hott no ksawt, “Dess is vass da Hah gebodda hott es diah du sellet, so es di hallichkeit fumm Hah sich veist zu eich.”

4. Mosi 14:10

Avvah di gans fasamling hott ohkfanga shvetza fa si shtaynicha. No hott di hallichkeit fumm Hah sich gvissa am fasamling-tent zu awl di Kinnah-Israel.

4. Mosi 16:19

Da Korah hott awl di leit fasammeld geyyich si am doah fumm fasamling-tent. No hott di hallichkeit funn Gott sich gvissa zu di gans fasamling.