3. Mosi 7:30 - Pennsylvania Dutch Bible

³⁰ En opfah bei feiyah zumm Hah soll eah bringa mitt sei aykni hend. Eah soll's fett bringa mitt di brusht un si shvinga fannich em Hah fa en shving-opfah.

3. Mosi 7:30 ပူးပေါင်းရင်းမြစ်များ

Psalm 110:3

Dei leit zayla sich frei-villich ohbeeda, uf em dawk es du eena foah gaysht im heilicha glayt. Vi du yung voahsht, kumma dei grefta zu diah alli dawk vi da dau aus em meiya-roht.

3. Mosi 10:14

Avvah du un dei boova un mayt daufet di brusht fumm shving-opfah un da shuldah es gopfaht voah essa. Diah sellet's essa in en reinah blatz; es voah gevva zu diah un dei kinnah fa eiyah dayl funn di Kinnah-Israel iahra dank-opfah.

3. Mosi 10:15

Da shuldah es gopfaht voah un di brusht es kshvunga voah muss zumm Hah gebrocht sei mitt em fett funn di opfahra es gmacht sinn bei feiyah. Dess muss kshvunga sei fannich em Hah fa en shving-opfah, un zayld no dei un dei kinnah iahra dayl sei fa'immah, so vi da Hah gebodda katt hott.”

3. Mosi 3:14

Funn vass eah opfaht soll eah dess opfah zumm Hah bringa mitt feiyah: Awl's fett um di deahm rumm un es uf di deahm is,

3. Mosi 3:9

Fumm dank-opfah soll eah dess opfah zumm Hah bringa es gmacht is mitt feiyah: Es fett, da gans fett shvans es abkshnidda is nayksht am rikshtrang, awl's fett um di deahm rumm un uf di deahm,

3. Mosi 8:27

No hott eah awl dess im Aaron un sei boova iahra hend gedu, un hott's kshvunga fa en shving-opfah fannich em Hah.

3. Mosi 8:29

Da Mosi hott aw di brusht gnumma un hott si kshvunga fa en shving-opfah fannich em Hah. Dess voah em Mosi sei dayl fumm eisetz-bokk, un voah vi da Hah da Mosi gebodda katt hott.

3. Mosi 9:20

henn si uf di brisht glaykt, un da Aaron hott's fett fabrend uf em awldah.

3. Mosi 9:21

Avvah di brisht un da rechts shuldah hott da Aaron kshvunga fa en shving-opfah fannich em Hah, so vi da Mosi gebodda katt hott.

4. Mosi 6:20

Da preeshtah soll si no shvinga fannich em Hah fa en shving-opfah. Dee daylah sinn heilich un heahra zumm preeshtah un aw di brusht es gopfaht voah bei shvinga un di hift es nuff kohva voah. Noch sellem dauf da Nazaraynah vei drinka.

4. Mosi 8:11

Da Aaron soll di Lefiddah fannich da Hah bringa es en shving-opfah funn di Kinnah-Israel. Dess is so es si da deensht fumm Hah faseiya kenna.

Johannes 10:18

Nimmand nemd mei layva funn miah, avvah ich gebb's funn miah selvaht. Ich habb macht fa's gevva, un ich habb macht fa's viddah nemma. Dess gebott havvich grikt funn meim Faddah.”

2. Korinther 8:12

Fa vann ebbah villing is fa gevva, dann vatt's ohgnumma un gmessa bei vass eah hott, un nett bei vass eah nett hott.

5. Mosi 18:3

Dess is vass di preeshtah havva sella funn di leit es en bull adda en shohf opfahra: si sella da shuldah, di bakka un da mawwa greeya funn en ox adda en shohf es gopfaht vatt.