3. Mosi 4:4 - Pennsylvania Dutch Bible

⁴ Eah soll da bull an di deah fumm fasamling-tent bringa fannich da Hah. No soll eah sei hand uf sei kobb layya un en shlachta fannich em Hah.

3. Mosi 4:4 ပူးပေါင်းရင်းမြစ်များ

2. Chronik 29:23

Di gays fa da sind-opfah voahra fannich da kaynich un di fasamling gebrocht, un si henn iahra hend uf si glaykt.

Jesoiya 53:6

Miah voahra awl vi shohf es sich faloahra henn; yaydahs funn uns is sei ayknah vayk ganga. Un da Hah hott awl unsah sinda uf een glaykt.

Daniel 9:26

No noch di sivva mohl zvay un sechtzich yoah zayld sellah ksalbt Messias abkshnidda sei un zayld nix may havva. Di leit fumm roolah es kumma zayld, zayla di shtatt un da tempel nunnah reisa. Es end zayld kumma vi en grohs vassah. Greek zayld sei biss an's end. Alles zayld fadauva sei so vi's auskshprocha voah.

3. Mosi 16:21

Eah soll sei zvay hend uf da kobb fumm levendicha gays du un awl di Kinnah-Israel iahra ungettlichkeit, ivvah-dreddes un sinda bekenna, un si uf em gays sei kobb du. No soll eah da gays vekk shikka in di vildahnis bei em mann es raus ksetzt voah fa dess du.

3. Mosi 4:15

No sella di eldishti funn Israel iahra hend uf em bull sei kobb layya fannich em Hah, un da bull soll kshlacht vadda fannich em Hah.

3. Mosi 4:29

Eah soll sei hand uf da kobb fumm sind-opfah layya un soll's shlachta am blatz vo's brand-opfah kshlachta vatt.

3. Mosi 8:14

No hott eah da bull gebrocht fa's sind-opfah. Da Aaron un sei boova henn iahra hend uf em bull sei kobb glaykt.

4. Mosi 8:12

Di Lefiddah sella no iahra hend uf di kebb funn di bulla du, aynah is fa en sind-opfah un da annah is fa en brand-opfah fa di Lefiddah iahra sinda vekk nemma.

1. Petrus 3:18

Fa Christus hott aw aymol glidda fa sinda, da gerecht fa di ungerechta, so es eah uns zu Gott bringa kann. Eah voah doht gmacht im flaysh avvah levendich gmacht bei em Geisht.