3. Mosi 13:6 - Pennsylvania Dutch Bible

⁶ No uf em sivvada dawk soll da preeshtah een viddah ivvah-gukka, un vann da blakka may dunkel is un nett graysah vadda is uf di haut, dann soll da preeshtah een rein haysa; es is yusht en grind. Da mann muss no sei glaydah vesha un eah is rein.

3. Mosi 13:6 ပူးပေါင်းရင်းမြစ်များ

1. Kaynicha 8:38

vann dei leit Israel no roofa un bayda, un alli-ebbah vayst fumm druvvel in seim ayya hatz un shtrekt sei hend naus geyyich deah tempel,

1. Kaynicha 8:45

dann heich iahra gebayt ab im himmel, un mach es si iahra recht greeya.

Psalm 19:12

Veah kann sei aykni faylah sayna? Fagebb miah di sinda es fashtekkeld sinn zu miah.

Shpricha 20:9

Veah kann sawwa, “Ich habb mei hatz sauvah gmacht, un ich binn rein funn mei sinda?”

Breddichah 7:20

Es is kenn gerechtah mann uf di eaht es immah goot dutt un nee nett sindicha dutt.

Jesoiya 42:3

En fadriktah shtengel dutt eah nett ab brecha, un en veecha am shmohka dutt eah nett ausmacha. In shtandhaftichkeit gebt eah leit iahra recht.

3. Mosi 11:25

Veah-evvah es en dohdes drawkt, muss sei glaydah vesha un soll unrein sei biss ohvet.

3. Mosi 11:28

Ennich ebbah es dohdi drawkt muss sei glaydah vesha un is unrein biss ohvet. Dee diahra sinn unrein zu eich.

3. Mosi 11:40

Ennich ebbah es funn sellem dohda diah est muss sei glaydah vesha un is unrein biss ohvet; un ennich ebbah es so en diah drawkt muss sei glaydah vesha un is unrein biss ohvet.

3. Mosi 13:2

“Vann di haut funn ebbah sei leib ufkshvild adda en grind grikt adda en veisah blakka grikt, un's drayt zu aussatz uf sei haut, dann soll eah zumm preeshtah Aaron adda zu ayns funn sei boova gebrocht sei.

3. Mosi 13:5

Uf em sivvada dawk soll da preeshtah een viddah ivvah-gukka, un vann eah saynd es da blakka geblivva is vi difoah un nett graysah vadda is uf di haut, dann soll eah een eikshpatt halda fa nochamohl sivva dawk.

3. Mosi 13:7

Avvah vann da blakka graysah vatt uf di haut noch demm es eah sich gvissa hott zumm preeshtah un voah kayld kaysa, dann muss eah viddah zumm preeshtah gay.

3. Mosi 14:8

Deah vo rein gmacht sei soll muss no sei glaydah vesha, awl sei hoah abshayfa un sich vesha in vassah. No is eah rein. Eah kann no rei in di camp kumma, avvah eah dauf nett in sei tent gay fa sivva dawk.

Römer 14:1

Nemmet selli oh es shvach sinn im glawva, un shtreidet nett mitt eena vann si en anri mayning hayva.

2. Korinther 7:1

Siddah es miah dee fashprechinga henn, leevi breedah, vella uns selvaht sauvah macha funn alles es unsah leib un geisht unsauvah macht. Un vella fassich gay geyyich folkummani heilichkeit mitt di furcht funn Gott.

5. Mosi 32:5

Si henn sich veeshtahlich ohkshikt geyyich een; deich iahra shohm sinn si nimmi sei kinnah; si sinn en sindlich un en gottlohsi leit.

Hebräer 10:22

dann losset uns nayksht gay zu eem mitt eahlichi hatza un en follah glawva, veil unsah hatza kshpritzt un blohk-frei gmacht sinn, un unsah leivah gvesha sinn mitt rein vassah.

Hebräer 9:10

Si henn zu du yusht mitt ess-sach un drinkes un alli sadda veshes, ausahlichi rools es ufketzt voahra yusht biss an di zeit vann da nei vayk rei gebrocht vatt.

Jakobus 3:2

Fa miah doon awl feel shtolbahra. Vann ebbah kenn faylah hott in vass eah sawkt is eah en folkummanah mann un kann sei gans leib eigraynd halda.