3. Mosi 11:13 - Pennsylvania Dutch Bible

¹³ Dess sinn di fekkel es diah nee nett essa sellet veil si grausam sinn zu eich: da awdlah, di loodah-grabb un di shvatz loodah-grabb,

3. Mosi 11:13 ပူးပေါင်းရင်းမြစ်များ

Hiob 28:7

Da voi in di luft vayst nett vo selli bletz sinn, em awdlah sei awk hott si nett ksenna.

Hiob 38:41

Veah bringd ess-sach zu di grabb, vann iahra yungi zu Gott roofa, un rumm fleeya unni ebbes zu essa?”

Jeremia 4:13

Gukk moll, da feind kumd vi di volka, sei greeks-veyya kumma vi en vind-veahvel, sei geil gayn shteikah es awdlah. Vay zu uns, miah sinn faloahra!

Jeremia 4:22

“Mei leit sinn dumm, si vissa nett veah ich binn. Vi kinnah, fashtayn si nix, un henn kenn eisicht. Si sinn goot am evil du, avvah si vissa nett vi fa goot du.”

Jeremia 48:40

Dess is vass da Hah sawkt: “Gukk moll, ebbah vi en awdlah fleekt nunnah, un shtrekt sei flikkel naus ivvah Moab.

Glawk-Leedah 4:19

Unsah fafolyah voahra kshvindah es di awdlah im himmel; si henn uns ivvah di berga gyawkt, un henn fashtekkeld gvoaht fa uns in di vildahnis.

Hosea 8:1

“Doond's blohs-hann zu eiyah leftz! Da feind kumd ivvah's haus fumm Hah vi en awdlah, veil si mei bund gebrocha henn, un sich geyyich mei ksetz kshteld henn.

3. Mosi 11:11

Iahra flaysh soll grausam sei zu eich un diah sellet's nett essa. Ennichs funn dee es doht sinn soll aw grausam sei zu eich.

3. Mosi 11:12

Ennich levendich ding im vassah es kenn fins adda scales hott soll grausam sei zu eich.

3. Mosi 11:14

da shpatza-voi un ennichi satt fish-voiya,

Habakuk 1:8

Iahra geil gayn shteikah es leopards, un sinn rawsichah es velf am dushbah. Iahra geil-reidah kumma shteik, si kumma funn veit ab; si fleeya vi en awdlah am runnah kumma fa fressa.

Sacharia 5:9

Ich habb no ufgegukt, un datt voahra zvay veibsleit am kumma mitt flikkel es da vind gedrivva hott. Si henn flikkel katt vi selli funn en stork, un si henn da koahb nuff gedrawwa zvishich da himmel un di eaht.

Matthäus 24:28

Vo-evvah es es doht flaysh is, datt fasamla di awdlah sich.

Titus 3:3

Fa miah voahra aw moll unkshikt, unni veisheit un henn nett keicht. Miah voahra fafiaht un gnechta zu alli sadda lusht un blesiah. Miah henn glaybt in ungerechtichkeit un henn anri leit sacha fagund. Leit henn uns kast un miah henn nannah kast.