3. Mosi 10:9 - Pennsylvania Dutch Bible

⁹ “Drink kenn vei adda shteik drinkes, du adda dei boova mitt diah, vann diah in da fasamling-tent gaynd, adda diah shteahvet. Dess is en ayvichi adning fa eiyah nohch-kummashaft.

3. Mosi 10:9 ပူးပေါင်းရင်းမြစ်များ

2. Mosi 27:21

Da Aaron un sei boova sella di lichtah am brenna halda fannich em Hah funn ohvets biss meiyets. Dess soll im Fasamling-Tent sei uf di autseit fumm curtain es fannich em Zeiknis is, un soll en ayvichi adning sei fa di Kinnah-Israel un iahra nohch-kummashaft.”

Shpricha 20:1

Vei is en shpoddah, un shteik drinkes macht em vild, veah-evvah es fafiaht vatt dibei is nett shmeaht.

Jesoiya 28:7

Allaveil avvah doon di brofayda un preeshtah ksoffa rumm lawfa funn vei. Si henn so feel shteik drinkes un vei gedrunka es si fashtatzt sinn un nett grawt lawfa kenna. Si sinn zu ksoffa fa di visions fashtay es Gott shikt, un si shtolbahra vann si richta.

Ezekiel 44:21

Kenn preeshtah dauf vei drinka vann eah in da innahsht foah-hohf gayt.

Hosea 4:11

Huahrahrei, vei un neiyah vei hott iahra fashtand vekk gnumma.

3. Mosi 10:8

No hott da Hah ksawt zumm Aaron,

3. Mosi 3:17

Dess is en ayvichi adning fa eiyah nohch-kummashaft vo-evvah es diah voonet: Diah sellet kenn fett adda bloot essa.’”

4. Mosi 6:20

Da preeshtah soll si no shvinga fannich em Hah fa en shving-opfah. Dee daylah sinn heilich un heahra zumm preeshtah un aw di brusht es gopfaht voah bei shvinga un di hift es nuff kohva voah. Noch sellem dauf da Nazaraynah vei drinka.

4. Mosi 6:3

dann dauf eah adda see kenn vei adda shteik drinkes drinka, un aw kenn essich es gmacht is funn vei adda annah shteik drinkes. Si daufa kenn bree es gmacht is funn drauva drinka adda drauva un reseina essa.

Lukas 1:15

Fa eah zayld grohs sei fannich em Hah un eah soll kenn vei adda ennich ebbes shteikes drinka. Un eah zayld kfild sei mitt em Heilicha Geisht grawt funn sei muddahs-leib.

Epheser 5:18

Un vaddet nett ksoffa mitt vei, fa sell is kenn fashtand, avvah vaddet kfild mitt em Geisht.

1. Timotheus 3:3

Eah soll kenn siffah sei, un nett en fechtah, avvah en ruichah mann. Eah soll nett zadda mitt leit, nett uneahlich sei un lushta noch geld adda geitzich sei.

1. Timotheus 3:8

Di mitt-deenah missa aw mennah sei es hohch ohksenna sinn. Si daufa nett zvay-ksichtich sei, nett vei-saufah sei un nett uneahlich geld macha.

1. Timotheus 5:23

Drink nett yusht vassah, avvah fa's goot funn deim mawwa un veil du oft grank bisht, drink vennich vei.

Titus 1:7

En bishof es Gott sei eahvet dutt muss aynah sei es unshuldich is in alli sacha: nett dikk-kebbich un zannich, kenn siffah; aynah es nett druff shlakt, un nett greedich un uneahlich is.