3. Mosi 10:6 - Pennsylvania Dutch Bible

⁶ No hott da Mosi ksawt zumm Aaron un sei boova, da Eleasar un da Ithamar, “Diah sellet eiyah kebb nett abdekka, un eiyah glaydah nett fareisa so es diah nett shteahvet, un so es da Hah nett bays vatt mitt awl di ivvahricha leit. Avvah eiyah breedah, es gans haus funn Israel, dauf heila fa selli es da Hah doht gmacht hott mitt feiyah.

3. Mosi 10:6 ပူးပေါင်းရင်းမြစ်များ

2. Samuel 24:1

Em Hah sei zann hott viddah gebrend geyyich Israel un eah hott da Dawfit geyyich si gedrayt un hott ksawt, “Gay un zayl di leit funn Israel un Juda.”

Ezra 7:5

un da Bukki voah em Abisua sei boo, un da Abisua voah em Pinehas sei boo, un da Pinehas voah em Eleasar sei boo, un da Eleasar voah em hohchen-preeshtah Aaron sei boo.

2. Mosi 33:5

Dess voah veil da Hah ksawt katt hott zumm Mosi, “Sawk di Kinnah-Israel, ‘Diah sind en dikk-kebbichi leit. Vann ich mitt eich gay dayt, even yusht fa en katzi zeit, dayt ich eich umbringa. Nau doond eiyah frechi sacha ab funn eich, so es ich ausmacha kann vass zu du mitt eich.’”

2. Mosi 6:23

Da Aaron hott di Elisheba, di dochtah fumm Amminidab, di shveshtah fumm Naheshon, keiyaht. Eah hott da Nadab, da Abihu, da Eleasar un da Ithamah katt bei iahra.

Jeremia 7:29

Shneit dei hoah ab un shmeis see vekk, heil drovva uf di bludda hivla. Fa da Hah hott dee leit es eah zannich is mitt, falossa un si vekk kshtohsa.

3. Mosi 13:45

Da mensh es aussatz hott muss farissani glaydah veahra, soll nix uf em kobb havva, un mitt seim boaht zu gedekt, soll eah naus greisha, ‘Unrein! Unrein!’

Micha 1:16

Sheahret eiyah hoah ab, machet eiyah kebb blutt un veinet, fa di kinnah es eich kfellich sinn. Machet eiyah kebb blutt vi en loodah-grabb, fa eiyah kinnah vadda vekk kfiaht funn eich.

4. Mosi 1:53

Avvah di Lefiddah sella iahra tents ufhokka um da tempel-tent rumm, so es kenn zann uf di fasamling funn Israel kumd. Di Lefiddah sella acht gevva uf da tempel-tent fumm Zeiknis.”

4. Mosi 14:6

Da Joshua, em Nun sei boo, un da Kaleb, em Jephunne sei boo, dee es unnich selli voahra es es land ausgegukt henn, henn iahra glaydah farissa.

4. Mosi 16:22

Avvah da Mosi un da Aaron sinn's ksicht feddahsht uf da grund kfalla un henn ksawt, “Oh Gott, du bisht da Gott funn alli mensh sei geisht. Zaylsht du bays sei mitt di gans fasamling vann yusht ay mann sindicht?”

4. Mosi 18:5

Du solsht da deensht fumm tempel-tent un fumm awldah foah-sayna, so es kenn zann may uf di Kinnah-Israel fald.

4. Mosi 20:25

Nemm da Aaron un sei boo da Eleasar, un bring si nuff uf da Berg Hor.

4. Mosi 5:18

Da preeshtah soll di fraw fannich daHah shtella, un soll iahra hoah lohs macha un's opfah fa ausfinna in iahra hend du, sell is es shpeis-opfah fa jealousy. Da preeshtah selvaht haybt's biddah vassah es en fluch bringd.

5. Mosi 33:9

Eah hott ksawt veyyich sei maemm un daett, ‘Si mayna nix zu miah.’ Eah hott nix um sei breedah gevva, un hott sei kinnah nett gacht. Avvah eah hott dei vatt keicht, un hott dei bund kalda.

Joshua 22:18

Sind diah nau am vekk drayya fumm Hah? Vann diah eich heit geyyich da Hah shtellet, dann drayt eah geyyich di gans fasamling funn Israel meiya.

Joshua 22:20

Hend diah fagessa veyyich di sind fumm Achan, em Serah sei boo, vi eah's nett gedu hott fa's gebott halda veyyich em sach es fabodda voah? Gans Israel voah kshtrohft fa sell. Da Achan voah nett da aynsisht es doht gmacht voah fa sei sind.’”

Joshua 7:1

Avvah di Kinnah-Israel voahra nett eahlich mitt em sach es fabodda voah. Da Achan, da sohn fumm Charmis, da sohn fumm Sabdis, da sohn fumm Serah, funn di shtamm funn Juda hott sacha gnumma es fabodda voahra. Fasell hott em Hah sei zann gebrend geyyich di Kinnah-Israel.

Joshua 7:11

Israel hott ksindicht. Si henn mei bund ivvah-gedredda es ich si gebodda habb. Si henn samm funn di sacha gnumma es fabodda voahra. Si henn kshtohla un's falaykeld. Un si henn selli sacha zu iahra aykni sacha gedu.