3. Johannes 1:11 - Pennsylvania Dutch Bible

¹¹ Mei leeblichi, gaynd nett sellem nohch vass evil is, avvah sellem vass goot is. Deah vo dutt vass goot is, is funn Gott; deah vo dutt vass evil is, hott Gott nett ksenna.

3. Johannes 1:11 ပူးပေါင်းရင်းမြစ်များ

Psalm 34:14

Dray vekk funn evil un du goot, such fridda un gay fridda nohch.

Psalm 37:27

Dray fumm evila un du goot, no zaylsht du immah im land voona.

2. Mosi 23:2

Du solsht dich nett mitt selli shtella vo's mensht sinn, fa letz du. Du solsht's gericht nett fadrayya bei's mensht funn di leit nohch gay, un falshi zeiknis gevva.

Shpricha 12:11

Veah-evvah es sei land shaft, zayld feel broht havva, avvah veah unaydichi sacha nohch gayt, is nett shmeaht.

Johannes 10:27

Mei shohf heahra mei shtimm, ich kenn si, un si kumma miah nohch.

Johannes 12:26

Deah vo mich deena vill, deah muss miah nohch kumma, un vo ich binn, datt soll deah sei es mich deend. Da Faddah dutt deah eahra vo mich deend.

Johannes 3:20

Fa alli-ebbah es evil dutt, hast's licht, un hald sich vekk funn di helling, fafiah es sei verka auskfunna vadda un kshtrohft vadda.

1. Korinther 11:1

Seind mei nohch-folyah, grawt vi ich Christus nohch folk.

1. Korinther 4:16

So famohn ich eich, seind mei nohch-folyah.

Epheser 5:1

Fasell, machet Gott nohch, so vi leeblichi kinnah.

Philipper 3:17

Leevi breedah, fa'aynichet eich un machet miah nohch, un nemmet acht funn selli vo so lawfa, veil diah en foah-bild hend in uns.

1. Thessalonicher 1:6

Diah hend uns un em Hah nohch gmacht, fa diah hend's Vatt ohgnumma deich feel leides, un mitt frayt fumm Heilicha Geisht,

1. Thessalonicher 2:14

Fa diah, leevi breedah, sind nohch-machah vadda funn di gmayna funn Gott in Christus Jesus vass in Judayya sinn. Diah hend di sayma sacha deich macha missa funn di leit in eiyah ayya land es selli gmayna henn funn di Yudda,

2. Timotheus 3:10

Avvah du hosht mei lanning nohch kfolkt un vaysht vi ich mich uf drawk in meim layves-lawf. Du vaysht vass ich du vill un vaysht veyyich meim glawva, geduld, leevi, shtandhaftichkeit,

Hebräer 6:12

Dess is so es diah nett aldvannish vaddet, avvah es diah selli nohch machet vo deich da glawva un geduld sell eahva zayla vass fashprocha voah.

1. Petrus 3:11

Loss een vekk drayya funn evil un du vass recht is; loss een fridda sucha un fridda nohch gay.

1. Petrus 3:13

Un veah zayld eich shawda du vann diah sell nohch gaynd vass goot is?

1. Johannes 2:29

Vann diah visset es eah gerecht is, dann vissa diah es alli-ebbah es recht dutt, deah is geboahra funn eem.

1. Johannes 3:10

Bei demm vissa miah veah di kinnah funn Gott sinn un veah di kinnah fumm Deivel sinn: Deah vo nett dutt vass recht is, is nett funn Gott, un aw nett sellah vo sei broodah hast.

1. Johannes 4:1

Diah leeblichi, glawvet nett alli geisht, avvah broviahret di geishtah aus fa sayna eb si funn Gott sinn, fa feel falshi brofayda sinn naus in di veld ganga.