2. Timotheus 4:2 - Pennsylvania Dutch Bible

² Breddich's Vatt, hald oh mitt eahnsht eb's shiklich is adda nett, un mach si sayna vo si letz sinn. Vann si un famohn si, un sei geduldich vi du si lansht.

2. Timotheus 4:2 ပူးပေါင်းရင်းမြစ်များ

Psalm 40:9

Ich habb gerechtichkeit gebreddicht in di grohs fasamling. Gukk moll, ich hald mei maul nett zu, un dess vaysht du, oh Hah.

Jona 3:2

“Shtay uf un gay in di grohs shtatt Nineveh, un breddich zu iahra di breddich es ich diah sawk.”

Lukas 7:23

Un ksaykend is sellah vo nett shtolbaht un vekk falla dutt deich mich.”

Lukas 7:4

Un vo di eldishti zu Jesus kumma sinn, henn si een grawt eahnshtlich kfrohkt fa kumma, un henn ksawt, “Deah hauptmann is es veaht es du dess dusht fa een,

Lukas 9:60

Avvah Jesus hott ksawt zu eem, “Loss di dohda iahra aykni fagrawva; avvah du, gay du un breddich's Kaynich-Reich funn Gott.”

Di Apostelgeschichte 13:5

Un vo si an Salamis voahra henn si's Vatt Gottes gebreddicht in di Yudda gmay-heisah. Da Johannes voah dibei fa eena helfa.

Di Apostelgeschichte 16:13

Uf em Sabbat-Dawk sinn miah aus di shtatt ganga nayvich da revvah vo als leit gebayda henn. Miah henn uns anna kokt un henn kshvetzt mitt di veibsleit es datt voahra.

Di Apostelgeschichte 20:7

Uf em eahshta dawk funn di voch vo di yingah zammah kumma sinn fa broht brecha, hott da Paulus gebreddicht zu eena. Eah hott vella da neksht dawk falossa, un so hott eah on gebreddicht biss mitt-nacht.

Di Apostelgeschichte 28:16

Vo miah an Rome kumma sinn, hott da hauptmann di kfangana ivvah-gevva zumm evvahshta hauptmann. Avvah eah hott da Paulus glost bei sich selvaht bleiva mitt en greeks-gnecht fa een vatsha.

Römer 10:15

Un vi sella si breddicha unni es si kshikt sinn? So vi's kshrivva shtayt, “Vi leeblich sinn di fees funn selli es fridda un goodi sacha breddicha.”

Römer 12:12

Froiyet eich in hofning, seind geduldich in dreebsawl, haldet oh im gebayt.

Galater 6:6

Loss sellah vo gland vatt im Vatt awl goodi sacha fadayla mitt sellah vo een land.

Kolosser 1:25

Funn dee gmay binn ich en deenah vadda deich da deensht funn Gott vo gevva voah zu miah fa eich, so es es foll Vatt Gottes gebreddicht vatt.

Kolosser 4:3

Baydet aw fa uns, es Gott en deah fumm Vatt uf macht fa uns, so es miah di deefi sacha funn Christus breddicha kenna, dee sacha vo ich gebunna binn difoah.

1. Thessalonicher 1:6

Diah hend uns un em Hah nohch gmacht, fa diah hend's Vatt ohgnumma deich feel leides, un mitt frayt fumm Heilicha Geisht,

1. Thessalonicher 5:14

Nau miah famohna eich, leevi breedah, es diah selli vanna doond vo faul sinn, drayshtet selli vo vennich moot henn, drawwet di shvacha, un seind geduldich mitt alli-ebbah.

1. Thessalonicher 5:20

Fa'achtet nett broffetzeiyunga,

1. Timotheus 4:13

Hald oh mitt laysa, mitt famohna un mitt breddicha biss ich kumm.

1. Timotheus 5:20

Selli vo sindicha, solsht shtrohfa fannich awl di anra, so es di anra sich aw feicha.

2. Timotheus 2:21

Vann ennich ebbah sich rein macht funn evili sacha, is eah en ksha es gyoost vatt fa veahtfolli sacha. Eah is heilich gmacht un is gebraucht bei em haus-faddah, un is grisht fa ennichi goodi eahvet.

2. Timotheus 2:25

Selli vo geyyich een sinn muss eah da recht vayk veisa mitt sanftmoot, fa Gott mecht eena di gleyyaheit gevva fa sich bekeahra un di voahheit bekenna.

2. Timotheus 3:10

Avvah du hosht mei lanning nohch kfolkt un vaysht vi ich mich uf drawk in meim layves-lawf. Du vaysht vass ich du vill un vaysht veyyich meim glawva, geduld, leevi, shtandhaftichkeit,

Titus 1:13

Dess zeiknis is voah. Fasell, musht du si hatt zanka, so es si gegrund vadda im glawva,

Titus 2:15

Dess sinn di sacha es du sawwa solsht. Famohn un shtrohf di leit vi aynah es es recht hott fa shtrohfa. Loss nimmand dich fa'achta.

Hebräer 13:22

Ich bitt eich, leevi breedah, es diah dee vadda ohnemmet vass ich kshrivva habb fa eich famohna. Fa ich habb eich yusht en katzah breef kshrivva.

Di Offenbarung 3:19

Selli es ich leeb habb doon ich zanka un shtrohfa. So sei fleisich, dray rumm un du boos.