2. Timotheus 2:2 - Pennsylvania Dutch Bible

² Un di sacha es du keaht hosht funn miah deich feel zeiya, dess gebb zu shtandhaftichi mensha, so es si no aw anri lanna kenna.

2. Timotheus 2:2 ပူးပေါင်းရင်းမြစ်များ

Ezra 7:10

Fa da Ezra hott's in seim hatz katt fa's Ksetz fumm Hah lanna, un's ausfiahra, un aw di leit lanna in di gebodda un adninga.

Ezra 7:25

Un du, Ezra, mitt di veisheit funn deim Gott es in dei hand is, solsht richtah un roolahs eisetza fa di leit iahra recht gevva ivvahrawlich west fumm Euphrates Revvah; naymlich, awl selli es es ksetz funn deim Gott vissa. Un ennichi es nett doon, solsht du lanna.

Nehemia 7:2

Ich habb mei broodah, da Hanani un da Hanania eiksetzt fa Jerusalem ivvah-sayna. Da Hanania voah da greeks-hauptmann ivvah's greeks-gebei. Eah voah en shtandhaftichah mann un hott may Gottes-furcht katt es anri.

Psalm 101:6

Mei awwa zayla uf di shtandhafticha im land sei, so es si bei miah bleiva sella; sellah es lawft in en unshuldichah vayk, soll mich deena.

Shpricha 13:17

En gebodda-drawwah es nett gedraut sei kann, grikt leit in druvvel, avvah aynah es gedraut sei kann bringd hayles.

Jeremia 23:28

Loss da brofayt es en drohm katt hott dess fazayla es yusht en drohm, avvah sellah es mei vatt hott soll's shtandhaftich breddicha. Ma kann shtroh un frucht goot funn-nannah sawwa,” sawkt da Hah.

3. Mosi 14:42

No sella si anri shtay an iahra blatz du, un sella anri bleshtahring nemma un's haus ivvah bleshtahra.

Maleachi 2:7

Di leftz funn en preeshtah sett leit recht lanna veyyich Gott, un leit sedda lanning sucha funn seim maul; fa eah drawkt em Awlmechtich Hah sei vadda.

4. Mosi 12:7

Avvah dess is nett so mitt meim gnecht Mosi, eah is shtandhaftich mitt meim gans haus.

Matthäus 13:52

No hott eah ksawt zu eena, “Dess maynd dann es alli shrift-geleahrah es gland vatt in di sacha fumm Himmel-Reich, is vi en haus-haldah vo aldi un neiyi sacha aus seim shtoah-haus nemd.”

Matthäus 24:25

Gukket, ich habb eich dee sacha fanna naus ksawt.

Lukas 12:42

Un da Hah hott ksawt, “Veah is deah shtandhaftich gnecht es veisheit hott, deah es da meishtah ivvah di leit funn seim haus setzt, so es eah eena iahra essa gebt an di recht zeit?

1. Korinther 4:2

Un's is nohtvendich es haus-haldah shtandhaftich kfunna sinn.

2. Korinther 2:14

Avvah dank sei zu Gott, deah vo immah seikt es miah di evvahsht-hand greeya in Christus, un macht, deich uns, en goodah kshmakk funn sei bekendnis ivvahrawlich.

2. Korinther 3:5

Nett es miah goot genunk sinn fa denka es ennich ebbes kumd funn uns selvaht, avvah alles es miah du kenna kumd funn Gott;

Kolosser 1:7

Dess is vi da Epaphras eich gland hott. Eah is en beleebdah mitt-helfah un is en shtandhaftichah deenah funn Christus.

1. Timotheus 1:12

Ich dank Christus Jesus unsah Hah vo miah graft gevva hott, es eah miah gedraut hott, un hott mich in sei deensht ksetzt.

1. Timotheus 1:18

Timotheus, mei sohn, ich gebb diah dee gebodda es eiseida mitt di broffetzeiya vo gevva voahra veyyich diah, so es du gedrohsht bisht fa en goodi fecht fechta,

1. Timotheus 4:14

Fa'acht dei kshenk nett es diah gevva voah deich broffetzeiya an di zeit vo di eldishti iahra hend uf dich glaykt henn.

1. Timotheus 4:6

Vann du di breedah un shveshtahra dee sacha sawksht, dann bisht du en goodah deenah funn Jesus Christus; aynah es vaxt in di vadda fumm glawva un in di goot lanning es du nohch gmacht hosht.

1. Timotheus 5:22

Sei nett zu kshvind fa dei hend uf ebbah layya, un mach es du kenn dayl hosht in anri iahra sinda. Hald dich selvaht sauvah funn sinda.

1. Timotheus 6:12

Lawf en goot layves-lawf im glawva. Nemm hohld funn ayvich layva, dess vass du groofa voahsht ditzu vo du en goot zeiknis gevva hosht fannich feel zeiya.

2. Timotheus 3:10

Avvah du hosht mei lanning nohch kfolkt un vaysht vi ich mich uf drawk in meim layves-lawf. Du vaysht vass ich du vill un vaysht veyyich meim glawva, geduld, leevi, shtandhaftichkeit,

2. Timotheus 3:14

Un fa dich, hald oh in di sacha es du gland hosht un vass du dich falosht druff. Du vaysht funn vemm es du si gland hosht.

Hebräer 2:17

Fasell, hott eah missa gmacht sei vi sei breedah in alli vayya, so es eah en bamhatzichah un shtandhaftichah hohchen-preeshtah sei kann in di sacha funn Gott, un so es eah en opfah macha kann fa di leit iahra sinda.

1. Samuel 2:35

Avvah ich zayl miah en shtandhaftichah preeshtah ufshtella es du zayld vass kfellich is zu meim hatz un sayl. Ich zayl eem en shtandhaftich haus bauwa, un eah zayld fannich meim ksalbda lawfa fa'immah.