2. Timotheus 1:16 - Pennsylvania Dutch Bible

¹⁶ Ich bitt da Hah fa bamhatzich sei zu selli im Onesiphorus seim haus. Eah hott miah oft moot gmacht un hott sich nett kshemd veyyich mei kedda.

2. Timotheus 1:16 ပူးပေါင်းရင်းမြစ်များ

2. Samuel 2:6

Da Hah soll nau bamhatzichkeit un voahheit veisa zu eich, un ich vill eich aw goot du veil diah dess gedu hend.

Nehemia 13:14

Denk an mich fa dess, oh mei Gott, un reib nett aus vass ich so shtandhaftich gedu habb fa's haus funn mei Gott un da deensht datt drinn.

Nehemia 13:22

No habb ich di Lefiddah ksawt fa gay un sich rein macha, un gay di doahra vatsha so es da Sabbat-Dawk heilich kalda vatt. Denk an mich aw fa dess, oh mei Gott, un veis dei grohsi bamhatzichkeit un leevi zu miah.

Nehemia 13:31

Ich habb aw kseikt es opfah-hols gevva vatt an di recht zeit un aw's eahsht-frucht. Denk an mich mitt gnawt, oh mei Gott.

Nehemia 5:19

Denk an mich mitt gnawt, oh mei Gott, fa alles es ich gedu habb fa dee leit.

Psalm 18:25

Geyyich di heilicha bisht du heilich, un geyyich di unshuldicha bisht du unshuldich.

Psalm 37:26

Si sinn immah goot-maynich un layna geahn, un iahra kinnah sinn ksaykend.

Jeremia 39:17

Avvah ich nemm dich aus di kfoah in sellem dawk, sawkt da Hah; du vasht nett ivvah-gedrayt zu selli es du dich feichsht difunn.

Matthäus 25:17

So aw, is sellah vo zvay dausend dawlah katt hott ganga un hott zvay dausend may gmacht.

Matthäus 5:7

Ksaykend sinn selli vo bamhatzich sinn. Si zayla bamhatzichkeit greeya.

Di Apostelgeschichte 21:33

Vo da hauptmann nuff kumma is zumm Paulus hott eah een gnumma un ksawt eah soll gebunna sei mitt zvay kedda. Eah hott een no kfrohkt veah eah is un vass eah gedu hott.

Di Apostelgeschichte 28:20

Fa selli uahsach havvich eich zammah groofa, so es ich eich sayna kann un shvetza kann zu eich. Fa di hofning funn Israel binn ich gebunna mitt dee kett.”

1. Korinther 16:18

Si henn mei geisht gedraysht un eiyahra aw. Fasell, achtet so leit vi sell.

Epheser 6:20

Fasell binn ich en botshaftah gebunna in kedda. Baydet es ich mich nett feich uf shvetza vi ich sett.

2. Timotheus 1:12

Sell is favass es ich dee sacha leida du. Avvah ich shemm mich nett; fa ich vays veah ich geglawbt habb, un ich binn shuah es eah di macht hott fa halda vass eah miah gevva hott biss an sellah dawk.

2. Timotheus 1:17

Un vo eah in Rome voah hott eah oahrich ksucht fa mich un hott mich kfunna.

2. Timotheus 1:18

Ich bayt es da Hah eem's gebt es eah bamhatzichkeit find fumm Hah an sellem dawk. Du vaysht goot vi eah miah kolfa hott an Ephesus.

2. Timotheus 1:8

Fasell, shemm dich nett veyyich em zeiknis funn unsah Hah, adda funn miah es eikshtekt is fa een. Avvah nemm dei dayl funn leides fa's Effangaylium mitt miah in di graft funn Gott.

2. Timotheus 4:19

Ich shikk deah groos zu di Priscilla un em Aquila un zu di haymet fumm Onesiphorus.

Philemon 1:20

Yau, leevah broodah, du miah deah kfalla deich da Hah. Mach mei hatz froh in Christus.

Philemon 1:7

Miah henn grohsi frayt un drohsht in dei leevi, leevah broodah, veil di hatza funn di saylicha ufgebaut sinn deich dich.

Hebräer 10:34

Diah hend mitt-leides katt mitt miah es eikshtekt voah, un vo eiyah sacha kshtohla is vadda, hend diah's geahn ohgnumma. Diah hend dess gedu veil diah gvist hend es diah ebbes bessahs hend im Himmel es nett fagayt.

Hebräer 6:10

Fa Gott is nett ungerecht es eah fagest veyyich eiyah verka un eahvet in di leevi es diah gedu hend in sei nohma, vo diah di saylicha kolfa hend, un sind alsnoch am si helfa.

Ruth 1:8

Avvah di Naomi hott ksawt zu iahra zvay shviah-dochtahra, “Gaynd yaydah funn eich zrikk zu eiyah maemm iahra haus. Loss da Hah bamhatzich sei zu eich vi diah voahret zu selli vo doht sinn un aw zu miah.