2. Samuel 21:16 - Pennsylvania Dutch Bible

¹⁶ Da Ishbi-Benob, ayns funn di nohch-kummashaft fumm Rapha, hott en shpiah katt gmacht funn bronze, es baut sivva unna halb pund gvohwa hott. Eah voah am en nei shvatt drawwa, un hott's im sinn katt fa da Dawfit doht macha.

2. Samuel 21:16 ပူးပေါင်းရင်းမြစ်များ

1. Mosi 14:5

Im fatzayda yoah is da Kedor-Laomor un di kaynicha es bei eem voahra kumma un henn awl dee leit ivvah-gnumma im greek: di Refiddah in Astharoth-Karnaim; di Sufiddah in Ham; di Emiddah in Shaveh-Kirjathaim;

1. Mosi 6:4

Es voahra grohsi rawsichi leit, di Nephilim, uf di eaht in selli dawwa, un aw shpaydah, vo di kinnah funn Gott nei ganga sinn zu di mayt funn mensha un si henn kinnah katt bei eena. Dee voahra mechtichi mennah funn vay zrikk un voahra hohch uf kohva.

2. Samuel 21:18

Shpaydah voah noch en fecht mitt di Philishtah an Gob. An selli zeit hott da Sibbechai funn Hushah, da Saph doht gmacht. Eah voah aw fumm Rapha sei nohch-kummashaft.

2. Samuel 21:20

In noch en fecht es blatz gnumma hott an Gath, voah en grohsah mann mitt sex fingah an yaydah hand un sex zeyya an yaydah foos, fiah un zvansich alles zammah. Eah voah aw fumm Rapha sei nohch-kummashaft.

2. Samuel 21:22

Dee fiah mennah voahra awl in di nohch-kummashaft fumm Rapha in Gath, un si voahra awl doht gmacht beim Dawfit sei mennah.

2. Samuel 5:18

Avvah di Philishtah henn sich ausnannah kshtroit in di valley funn Rephaim.

4. Mosi 13:22

Si sinn nuff deich's sauda-land ganga un sinn an Hebron kumma vo da Ahiman, da Sesai un da Thalmai, di nohch-kummashaft fumm Anak, voahra. (Nau Hebron voah gebaut sivva yoah eb Zoan in Egypta.)

4. Mosi 13:28

Avvah di leit es datt voona sinn shteik, un iahra shtett sinn eigmavvaht un oahrich grohs. Un miah henn aw leit ksenna datt es funn di nohch-kummashaft fumm Anak voahra.

5. Mosi 1:28

Vo sella miah anna gay? Unsah breedah henn unsah hatza gmacht moot faliahra, un henn ksawt, ‘Di leit sinn graysah un shteikah es miah sinn; di shtett sinn grohs un henn mavvahra nuff biss an da himmel. Un nett yusht sell, miah henn di Anakiddah ksenna datt.’”

5. Mosi 2:10

(Di Emiddah henn als datt gvoond. Si voahra en shteiki leit un's voahra feel funn eena. Si voahra so grohs es di Anakiddah.

5. Mosi 2:11

Vi di Anakiddah, si voahra ohksenna fa Rephaidah leit sei, avvah di Moabiddah henn si Emiddah kaysa.

5. Mosi 2:21

Si voahra en shteiki leit un's voahra feel funna. Si voahra so grohs es di Anakiddah. Avvah da Hah hott si umgebrocht fannich di Ammoniddah. Si henn si raus gedrivva un sinn nei gezowwa in iahra blatz.

5. Mosi 3:11

Da kaynich Og funn Basan voah da letsht funn di leit es si Rephaidah kaysa henn. Sei bett voah gmacht funn eisa un voah shiah fatzay foos lang un sex foos brayt, so vi ma kammen als mest. Es is alsnoch in di Ammoniddah shtatt Rabba.

5. Mosi 9:2

Di leit sinn grohs un shteik, di kinnah funn di Anakiddah. Diah visset veyyich eena un hend's keaht sawwa, “Veah kann ufshtay geyyich di Anakiddah?”

Joshua 11:22

Es voahra kens funn di Anakim leit ivvahrich im land funn di Kinnah-Israel. 'S voahra yusht samm ivvahrich in di lendah funn Gaza, Gath un Asdod.

Joshua 15:14

Da Kaleb hott drei Anak families aus di shtatt funn Hebron gyawkt. Dee families voahra da Sesai, da Ahiman un da Thalmai. Si voahra em Anak sei nohch-kummashaft.

1. Samuel 17:7

Da shaft funn sei grohsah shpiah voah so dikk es em beam funn en duch-loom. Un da eisich shpitza hott fuftzay pund gvohwa; sei greeks-shield-drawwah is fannich eem heah gloffa.