2. Samuel 20:19 - Pennsylvania Dutch Bible

¹⁹ Miah do sinn fridlich un shtandhaftich in Israel. Du bisht am broviahra en shtatt nunnah reisa es en muddah is in Israel. Favass vitt du em Hah sei eahbshaft fadeahva?”

2. Samuel 20:19 ပူးပေါင်းရင်းမြစ်များ

1. Mosi 18:23

Eah is nayksht zu eem ganga un hott ksawt, “Zaylsht du di gerechta umbringa mitt di ungerechta?

2. Samuel 14:16

Fleicht heaht da kaynich mich un hald mich aus di hand funn sellah es am broviahra is fa mich un mei boo halda funn di eahbshaft es Gott uns gevva hott.’

2. Samuel 17:16

Nau shikket grawt vatt un sawwet em Dawfit, ‘Bleivet nett dee nacht in di vildahnis vo leit ivvah da revvah gayn. Gaynd grawt drivvah nivvah, so es da kaynich un sei leit nett uf kshlukt vadda.’”

2. Samuel 20:18

See hott no ksawt, “Lang zrikk henn si als ksawt, ‘Vann du roht brauchsht, gay un frohk di leit in di shtatt Abel,’ un sellah roht hott's ding kseddeld.

2. Samuel 20:20

“Veit funn sellem,” hott da Joab ksawt, “Ich dayt selayva nett nunnah reisa adda fadauva!

2. Samuel 21:3

Da Dawfit hott di Gibeoniddah no kfrohkt, “Vass sett ich du fa eich? Vee kann ich uf macha fa's letz es eich gedu voah, un es diah di eahbshaft fumm Hah viddah saykna doond?”

1. Kaynicha 8:53

Du hosht si raus glaysa aus awl di lendah funn di veld fa dei eahbshaft sei, grawt vi du ksawt hosht deich dei gnecht da Mosi vo du unsah foah-feddah aus Egypta gebrocht hosht, oh Awlmechtichah Hah.”

Psalm 106:5

so es ich's gooda sayna kann es du dusht fa dei leit, so es ich froh sei kann veil dei leit sich froiya, un en dayl havva kann mitt di leit funn dei eahbshaft am dich lohva.

Psalm 124:3

dann hedda si uns levendich uf kshlukt, vo iahra zann gebrend hott geyyich uns;

Psalm 33:12

Ksaykend sinn di leit es da Hah iahra Gott macha, di leit es eah groofa hott fa sei eahbshaft sei.

Psalm 78:71

funn shohf heeda mitt shiblen hott eah een raus gebrocht, fa sei folk Jakob heeda, di Kinnah-Israel, sei eahbshaft.

Jeremia 51:34

“Da Kaynich Nebukadnezar funn Babylon hott uns kfressa, un uns in di shtatt funn Jerusalem umgebrocht, eah hott uns ausgleaht vi en leahrah tsheah. Eah hott uns kshlukt vi en shlang, un hott sei mawwa kfild mitt unsah besht sach, no hott eah's ivvahricha raus kshpautzt.”

Jeremia 51:44

Ich zayl Babylon iahra gott Bel shtrohfa; ich mach een raus shpautza vass eah kshlukt hott. Di heida zayla nimmi lengah zu eem lawfa; di mavvahra funn Babylon sinn nunnah kfalla.

Glawk-Leedah 2:16

Awl dei feinda macha iahra meilah uf, grohs uf geyyich dich; si shpodda un beisa iahra zay zammah; si sawwa, “Miah henn see zammah grissa, dess is da dawk es miah gvoaht henn difoah. Nau henn miah glaybt fa's sayna.”

Glawk-Leedah 2:2

Da Hah hott awl di haymeda fumm Jakob zammah grissa unni bamhatzichkeit. In sei zann hott eah di feshta bletz funn di Dochtah Juda nunnah gebrocha. Eah hott iahra kaynich-reich un feddahshti runnah uf da bodda gebrocht in shohm.

Glawk-Leedah 2:5

Da Hah is vadda vi en feind, un hott Israel nunnah gebrocha. Eah hott awl iahra kaynich-heisah zammah grissa un iahra feshti bletz fadauva. Eah hott feel yammahres un leides gebrocht zu di Dochtah Juda.

4. Mosi 16:32

un di eaht hott iahra maul uf gmacht un hott si kshlukt mitt alles es si katt henn, un aw awl di mennah es zumm Korah keaht henn mitt iahra sach.

4. Mosi 26:10

Di eaht hott iahra maul uf gmacht un hott si kshlukt mitt em Korah. Selli es em Korah nohch ganga sinn, sinn umkumma vo feiyah 250 mennah fabrend hott. Sell voah en vanning gvest zu di ivvahricha.

1. Korinther 15:54

So vann dess vo fafaula kann moll sich ohgezowwa hott mitt demm vo nett fafaula kann, un vann dess vo shtauva kann moll sich ohgezowwa hott mitt demm vo nimmi shtauva kann, no kumd's voah vass kshrivva is, “Da doht is uf kshlukt vadda bei demm vo di ivvah-hand hott.”

2. Korinther 5:4

Fa diveil es miah in demm do gebei sinn, doon miah yammahra un sinn shveah nunnah-glawda, veil miah nett ungeglayt sei vella, avvah geglayt, so es dess vass shteahblich is, uf kshlukt vatt bei em layva.

5. Mosi 20:10

Vann diah nuff an en shtatt gaynd fa si fechta, sella diah seahsht eena fridda ohbeeda.

5. Mosi 32:9

Dess voah veil em Hah sei dayl sei aykni leit sinn, da Jakob is sei eahbshaft.

1. Timotheus 2:2

Un diah sellet aw bayda fa kaynicha un awl selli ivvah-saynah in hohchi bletz, so es miah en ruich un en fridlich layva fiahra kenna es gettlich un heilich is.

Richtah 5:7

'S voah shtill in di shtetlen, gans shtill in Israel, shtill biss ich, di Deborah ufkshtanna binn, biss ich, en muddah in Israel, ufkshtanna binn.

1. Samuel 10:1

No hott da Samuel en boddel mitt ayl gnumma un hott's uf em Saul sei kobb gleaht, hott een gekist un hott ksawt, “Hott nett da Hah dich ksalbt fa da roolah ivvah sei eahbshaft sei?

1. Samuel 26:19

Nau loss mei meishtah da kaynich abheicha zu seim gnecht sei vadda. Vann da Hah dich ufkshtatt hott geyyich mich, dann loss een mei opfah ohnemma. Avvah vann leit dess gedu henn, dann sinn si faflucht fannich em Hah. Fa si henn mich aus em Hah sei land un eahbshaft gedrivva, un henn ksawt, ‘Gay un deen anri gettah.’