2. Samuel 14:25 - Pennsylvania Dutch Bible

²⁵ Nau's voah nimmand in gans Israel es so shay voah es da Absalom, un es so hohch gacht voah. Funn ovva uf sei kobb biss nunnah an sei fees voah nix letzes an eem.

2. Samuel 14:25 ပူးပေါင်းရင်းမြစ်များ

1. Kaynicha 1:6

Sei daett hott een immah gay glost un een nee nett kfrohkt, “Favass shiksht du dich oh vi du dusht?” Eah voah aw oahrich shay-gukkich un voah geboahra yusht noch em Absalom.

Hiob 2:7

No is da Satan vekk fumm Hah ganga un hott gmacht es veeshti kshveahra ausgebrocha sinn gans ivvah da Hiob, funn di sohla funn sei fees biss nuff ovva uf sei kobb.

Shpricha 31:30

En veibsmensh es sich shay ohshikt, kann em fafiahra, un en shay ksicht bleibt nett fa'immah, avvah en fraw es da Hah fircht, sett gepreist sei.

Jesoiya 1:6

Funn di sohl fumm foos biss nuff uf da kobb, is nix ksundes in eich: yusht vayyi blakka un soahs, un kshveahra es auslawfa. Dee sinn nett gebutzt un uf gebunna, adda vayyich gmacht mitt ayl.

Ezekiel 23:15

Dee henn belts um iahra beich rumm katt un langi kobb-dichah uf iahra kebb gebunna katt. Si henn gegukt vi Babylonishi hauptmennah in Chaldaya, es land vo si geboahra voahra.

Daniel 1:4

Si henn missa shay-gukkichi yungi mennah sei unni faylah im leib, kshvind fa lanna un fashtay, shmeaht, un sohwichi es im kaynich-haus shaffa henn kenna. Da Aspenas hott sella si lanna fa laysa un shreiva in di Chaldayish shprohch.

Matthäus 23:27

Vay zu eich shrift-geleahrah un Pharisayah, diah heichlah. Diah sind vi en gveiseld grawb, vo ausvendich shay gukt avvah innahlich is es foll dohdi gnocha un alli sadda drekk.

Epheser 5:27

un so es eah di gmay hallich fannich sich selvaht shtella kann, unni flekka un runsla adda ennich ebbes vi sell, avvah es see heilich is un kenn faylah hott.

5. Mosi 28:35

Da Hah shlakt eiyah bay un gnee mitt shmatzichi kshveahra es nett kayld sei kenna; dee gayn funn di sohl funn eiyah fees biss nuff uf da kobb.

1. Samuel 16:7

Avvah da Hah hott ksawt zumm Samuel, “Gukk nett an vi eah gukt adda vi grohs es eah is, fa ich habb een nunnah gedrayt. Da Hah gukt nett an di sacha es da mensh saynd. Da mensh gukt an di autseit, avvah da Hah gukt an's hatz.”

1. Samuel 9:2

Eah hott en boo katt es Saul kaysa hott. Eah voah en yungah un goot-gukkichah mann. Es voah kenn shennahrah kall unnich di Kinnah-Israel un eah voah en kobb haychah es ennich's funn di leit.