2. Samuel 13:22 - Pennsylvania Dutch Bible

²² Da Absalom hott goah nix goodes adda shlechtes ksawt zumm Amnon, avvah eah hott da Amnon kast veil eah sei shveshtah di Thamar fashohmd katt hott.

2. Samuel 13:22 ပူးပေါင်းရင်းမြစ်များ

1. Mosi 24:50

No hott da Laban un da Bethuel andvat gevva un henn ksawt, “Dee sacha kumma fumm Hah, so kenna miah nett ay vayk adda da annah sawwa.

1. Mosi 31:24

In di nacht is Gott zumm Laban da Syrian kumma imma drohm un hott ksawt zu eem, “Gebb acht es du nett goot adda bays shvetsht zumm Jakob.”

1. Mosi 31:29

Ich habb di graft fa diah shawda du, avvah letsht nacht hott da Gott funn deim faddah kshvetzt zu miah un hott ksawt, ‘Vatsh dich es du nett goot adda bays shvetsht zumm Jakob.’

2. Samuel 13:21

Vo da Kaynich Dawfit dess keaht hott voah eah gleedich bays.

Shpricha 10:18

Veah sei hass fashtekkeld, hott leftz es leeya, un ebbah es kshvetzah shtroit is nett ksheit.

Shpricha 25:9

Mach dei sacha recht mitt deim nochbah, avvah drawk kenn kshvetz veyyich anri;

Shpricha 26:24

Ebbah es hast, fashteld's mitt sei lefts, avvah im hatz is eah falsh.

Shpricha 26:26

Eah hald sei hass zu gedekt fa shawda du, avvah sei ungettlichkeit vatt raus gebrocht fannich di leit.

Breddichah 7:9

Loss dich nett kshvind zannich vadda im geisht, fa yusht selli unni veisheit halda da zann.

Matthäus 18:15

“Vann dei broodah sindicha dutt geyyich dich, gay un sawk eem sei faylah yusht zvishich diah un eem laynich. Vann eah diah abheicht, hosht du dei broodah gvunna.

Epheser 4:26

In eiyahm zann doond nett sindicha; losset nett di sunn unnah gay in eiyahm zann,

Epheser 4:31

Losset eiyah biddahri un baysi gedanka, eiyah zann un gefecht, un eiyah shlechti kshvetzah vekk gedu vadda funn eich, un aw awl eiyah hass.

1. Johannes 2:11

Avvah deah vo sei broodah hast, is im dunkla, lawft im dunkla un vayst nett vo eah am hee gay is, veil's dunkla sei awwa blind gmacht hott.

1. Johannes 2:9

Deah vo sawkt eah is im licht un hast sei broodah is alsnoch im dunkla.

1. Johannes 3:10

Bei demm vissa miah veah di kinnah funn Gott sinn un veah di kinnah fumm Deivel sinn: Deah vo nett dutt vass recht is, is nett funn Gott, un aw nett sellah vo sei broodah hast.

1. Johannes 3:12

Seind nett vi da Koin, deah vo funn demm evila voah un hott sei broodah doht gmacht. Un favass hott eah een doht gmacht? Veil sei aykni verka evil voahra, un seim broodah seini gerecht voahra.

1. Johannes 3:15

Ennich ebbah es sei broodah hast is en maddah, un diah visset es kenn maddah am ayvich layva in sich layva hott.