2. Mosi 9:29 - Pennsylvania Dutch Bible

²⁹ Da Mosi hott no ksawt zu eem, “So kshvind es ich aus di shtatt gay, dann shtrekk ich mei hend naus zumm Hah. No shtobt's gviddah, un's sinn kenn shlohsa may, so es du sayna kansht es di eaht zumm Hah heaht.

2. Mosi 9:29 ပူးပေါင်းရင်းမြစ်များ

1. Kaynicha 8:22

No hott da Solomon fannich em awldah fumm Hah un di gans fasamling funn Israel kshtanna un hott sei hend noch em himmel kshtrekt.

1. Kaynicha 8:38

vann dei leit Israel no roofa un bayda, un alli-ebbah vayst fumm druvvel in seim ayya hatz un shtrekt sei hend naus geyyich deah tempel,

Ezra 9:5

Un an di zeit fumm ohvet-opfah binn ich ufkshtanna funn mei aylend in mei farissa hemm un vammes, un binn uf mei gnee kfalla. Ich habb mei hend naus kshtrekt zumm Hah mei Gott,

Hiob 11:13

Vann du dei hatz recht setsht, un dei hend naus shtreksht zu eem,

Psalm 135:6

Da Hah dutt vass-evvah es eah vill im himmel un uf di eaht, im say un in di deefa bletz.

Psalm 143:6

Ich shtrekk mei hend naus zu diah, mei sayl is dashtich fa dich es vi en drukka land. (Sela)

Psalm 50:12

Vann ich hungahrich veah, dayt ich diah's nett sawwa, fa di veld is mei, un alles es drinn is.

2. Mosi 19:5

So nau vann diah mei shtimm heichet un mei bund haldet, dann sellet diah mei aykni leit sei unnich awl di leit. Di gans eaht is mei,

2. Mosi 20:11

Fa in sex dawk hott da Hah da himmel, di eaht, da say un alles es drinn is gmacht, un uf em sivvada dawk hott eah groot. Fa sell hott da Hah da Sabbat-Dawk ksaykend un hott'n heilich gmacht.

2. Mosi 8:22

Avvah in sellah dawk zayl ich en unnahshitt macha im land Goshen vo mei leit sinn. Datt zayla kenn mukka sei, un deich sell kansht du vissa es ich da Hah in di mitt funn di eaht binn.

2. Mosi 8:6

So hott da Aaron sei hand ivvah's vassah funn Egypta kshtrekt, un di fresh sinn ruff kumma un henn's land funn Egypta zu gedekt.

2. Mosi 9:33

So is da Mosi aus di shtatt, vekk fumm Pharao ganga un hott sei hend naus kshtrekt zumm Hah. No hott's gviddah un di shlohsa kshtobt, un da reyya is nimmi runnah gleaht uf di eaht.

Jesoiya 1:15

Vann diah eiyah hend naus hayvet fa bayda, dann mach ich mei awwa zu fannich eich. Ich du dess even vann diah feel baydet; ich heich eich nett ab, veil eiyah hend foll bloot sinn.

1. Korinther 10:26

Fa di eaht heaht zumm Hah, un alles vass drinn is, is sei.

1. Korinther 10:28

Avvah vann ebbah sawkt zu eich, “Dess voah gopfaht zu abgettah,” no esset nett difunn. Dess is fa di sayk funn demm vo eich's ksawt hott, un aw fa's innahlich hatz frei halda.

5. Mosi 10:14

Zumm Hah eiyah Gott heaht da himmel un di haychshta himla, di eaht un alles es drinn is.