2. Mosi 8:20 - Pennsylvania Dutch Bible

²⁰ Da Hah hott no ksawt zumm Mosi, “Shtay uf free meiyets un veis dich zumm Pharao vi eah an's vassah gayt. Sawk zu eem, ‘Dess is vass da Hah sawkt, “Loss mei leit gay, so es si mich deena kenna.

2. Mosi 8:20 ပူးပေါင်းရင်းမြစ်များ

Psalm 105:31

Eah hott kshvetzt, un shvoahms funn mukka sinn kumma, shtech-mukka deich's gans land.

Psalm 78:45

Eah hott mukka kshikt, so es si oahrich deich gmacht henn, un fresh es si gmacht henn feel ausleida.

2. Mosi 2:5

No is em Pharao sei dochtah runnah an da revvah kumma fa sich vesha, un iahra mawda sinn am revvah nohch gloffa. Em Pharao sei dochtah hott da koahb ksenna unnich di shtengel un hott iahra mawt kshikt fa gay en greeya.

2. Mosi 3:18

Di eldishti funn Israel zayla dich abheicha. No solsht du un di eldishti zumm kaynich in Egypta gay un sawwa zu eem, ‘Da Hah, da Gott funn di Hebrayah hott uns groofa. So nau loss uns uf da vayk gay fa drei dawk in di vildahnis so es miah datt opfahra kenna zu em Hah, unsah Gott.’

2. Mosi 4:23

un ich sawk zu diah, ‘Loss mei sohn gay so es eah mich deena kann.’ Avvah vann du een nett gay losht, dann mach ich dei eahsht-geboahranah sohn doht.”’”

2. Mosi 5:1

Shpaydah is da Mosi un da Aaron zumm Pharao ganga un henn ksawt, “Dess is vass da Hah, da Gott funn Israel sawkt, ‘Loss mei leit gay so es si en feiyah-dawk-fesht halda kenna fa mich in di vildahnis.’”

2. Mosi 5:3

No henn si ksawt, “Da Gott funn di Hebrayah hott uns groofa. Nau loss uns drei dawk in di vildahnis nei gay so es miah opfahra kenna zumm Hah unsah Gott, adda eah mecht peshtelens adda's shvatt uf uns falla lossa.”

2. Mosi 7:15

Gay zumm Pharao meiya-free vi eah am naus an's vassah gay is. Voaht an di bank fumm revvah fa een ohdreffa, un nemm da shtokk es en shlang vadda is in dei hand.

2. Mosi 8:1

No hott da Hah ksawt zumm Mosi, “Gay zumm Pharao un sawk zu eem, ‘Dess is vass da Hah sawkt, “Loss mei leit gay so es si mich deena kenna.

2. Mosi 8:21

Vann du mei leit nett gay losht, dann shikk ich shvoahma funn mukka uf dich un dei gnechta, uf dei leit un in iahra heisah. Di heisah funn di Egyptah zayla foll shvoahms funn mukka sei un aw da grund vo si sinn.

2. Mosi 9:13

No hott da Hah ksawt zumm Mosi, “Shtay free uf meiya-free, gay un shtell dich fannich da Pharao un sawk zu eem, ‘Dess is vass da Hah, da Gott funn di Hebrayah, sawkt, “Loss mei leit gay, so es si mich deena kenna.