2. Mosi 7:19 - Pennsylvania Dutch Bible

¹⁹ No hott da Hah ksawt zumm Mosi, “Sawk zumm Aaron, ‘Nemm dei shtokk un shtrekk dei hand naus ivvah awl di vassahra in Egypta—ivvah iahra revvahra, ivvah iahra grikka, ivvah iahra vassah-lechah un ivvah awl iahra damma’—so es si awl bloot vadda. Bloot zayld ivvahrawlich sei im land Egypta, even in iahra ksharra gmacht aus hols un shtay.”

2. Mosi 7:19 ပူးပေါင်းရင်းမြစ်များ

1. Mosi 1:10

Gott hott's drukka land “eaht” kaysa, un hott's zammah ksammeld vassah “say” kaysa. Un Gott hott ksenna es es goot voah.

2. Kaynicha 4:29

No hott eah ksawt zumm Gehasi, “Risht dich shnell, nemm mei shtokk in dei hand un gay. Vann du ennich ebbah ohdrefsht, nemm nett zeit fa shvetza, un vann ebbah dich greest, gebb eem nett andvat. Layk mei shtokk uf em boo sei ksicht.”

2. Mosi 10:12

Da Hah hott no ksawt zumm Mosi, “Shtrekk dei hand naus ivvah's land funn Egypta so es di hoi-shrekka ruff kumma ivvah's gans land Egypta un awl di blansa im land fressa—alles es ivvahrich is funn di shlohsa.”

2. Mosi 10:21

No hott da Hah ksawt zumm Mosi, “Shtrekk dei hand nuff noch em himmel so es es dunkel vatt deich's land funn Egypta, so dunkel es ma's feela kann.”

2. Mosi 14:16

Avvah hayb du dei shtokk uf, shtrekk dei hand naus ivvah da say un fadayl da say. Di Kinnah-Israel sella deich di mitt fumm say gay uf drukka land.

2. Mosi 14:21

No hott da Mosi sei hand naus ivvah da say kshtrekt, un da Hah hott da say zrikk kshohva mitt en shteikah east vind deich di gans nacht. Eah hott da say in drukka land gmacht un hott's vassah fadayld.

2. Mosi 14:26

No hott da Hah ksawt zumm Mosi, “Shtrekk dei hand naus ivvah da say so es es vassah zammah kumma kann ivvah di Egyptah un iahra veyya un geil-reidah.”

2. Mosi 4:9

Vann si avvah dee zvay zaycha nett glawva, un dei shtimm nett abheicha, dann solsht du samm vassah funn em Nile Revvah nemma un's uf da drukka bodda leahra. No zayld dess vassah es du aus em revvah nemsht bloot vadda uf em drukkana land.”

2. Mosi 8:16

No hott da Hah ksawt zumm Mosi, “Sawk zumm Aaron, ‘Shtrekk dei shtokk naus un shlakk da shtawb funn di eaht, so es da shtawb shtech-mukka vatt gans deich's land Egypta.’”

2. Mosi 9:33

So is da Mosi aus di shtatt, vekk fumm Pharao ganga un hott sei hend naus kshtrekt zumm Hah. No hott's gviddah un di shlohsa kshtobt, un da reyya is nimmi runnah gleaht uf di eaht.

Jesoiya 19:10

Selli es glaydah macha vadda bedreebt, un selli es shaffa fa en lohn faliahra hofning.

Jesoiya 5:25

Fasell brend em Hah sei zann hays geyyich sei leit; eah haybt sei hand uf geyyich si un shlakt si nunnah. Di berga shidla, un di dohda leit leiya vi trash in di shtrohsa. Doch lost sei zann nett nohch, un sei hand is alsnoch auskshtrekt fa shtrohfa.

Habakuk 3:8

Voahsht du bays mitt di revvahra, oh Hah? Voah dei zann geyyich di grikka? Voahsht du zannich mitt em say vo du dei geil gridda hosht, uf dei greeks-veyya es ivvah-gnumma henn?