2. Mosi 4:27 - Pennsylvania Dutch Bible

²⁷ Da Hah hott no zumm Aaron ksawt, “Gay un dreff da Mosi oh in di vildahnis.” So is eah ganga un hott een ohgedroffa am berg funn Gott, un hott een gekist.

2. Mosi 4:27 ပူးပေါင်းရင်းမြစ်များ

1. Mosi 29:11

No hott da Jakob di Rachel gekist un hott laut keild.

1. Kaynicha 19:8

So is eah ufkshtanna un hott gessa un gedrunka. Sell ess-sach hott eem di graft gevva fa fatzich dawk un fatzich necht lawfa biss eah an Horeb, da berg funn Gott, kumma is.

Psalm 105:26

Eah hott da Mosi, sei gnecht, kshikt, un da Aaron, deah es eah raus glaysa hott.

2. Mosi 18:5

Da Jethro, em Mosi sei shviah-faddah, un em Mosi sei kinnah un fraw, sinn no zu sei tent kumma in di vildahnis am blatz nayksht am berg funn Gott.

2. Mosi 18:7

Da Mosi is naus ganga sei shviah-faddah ohdreffa, hott sich nunnah gebikt un hott een gekist. Si henn nohch kfrohkt veyyich nannah, no sinn si in da tent ganga.

2. Mosi 19:3

No is da Mosi nuff zu Gott ganga, un da Hah hott zu eem groofa fumm berg un hott ksawt, “Dess is vass du sawwa solsht zumm haus fumm Jakob, un vass du di Kinnah-Israel sawwa solsht:

2. Mosi 20:18

Vo awl di leit dess dimles un gviddah ksenna henn, un's blohs-hann keaht henn, un da berg ksenna henn am shmohka, henn si geziddaht un sich kfeicht un henn zrikk vekk kshtanna.

2. Mosi 24:13

No is da Mosi naus kshteaht mitt seim gnecht da Joshua, un da Mosi is nuff uf da berg funn Gott ganga.

2. Mosi 3:1

Nau da Mosi voah am di shohf heeda fumm Jethro, sei shviah-faddah. Da Jethro voah da preeshtah in Midian. Da Mosi hott di shohf vay zrikk in di vildahnis gedrivva, un is endlich an Horeb, da berg funn Gott kumma.

2. Mosi 4:26

No hott da Hah een gay glost. An selli zeit hott di Zippora ksawt, “En bloodichah hochtzich-mann,” veyyich di beshneidung.

Breddichah 4:9

Zvay zammah sinn bessah es aynah veil si may greeya fa iahra eahvet:

Di Apostelgeschichte 10:20

Shtay uf, gay nunnah un gay mitt eena. Du nett zveifla. Ich habb si kshikt.”