2. Mosi 4:14 - Pennsylvania Dutch Bible

¹⁴ No hott em Hah sei zann gebrend geyyich da Mosi, un eah hott ksawt, “Is nett da Aaron aus em shtamm fumm Levi, dei broodah? Ich vays es eah goot shvetza kann. Un gukk moll, eah is am kumma dich ohdreffa. Vann eah dich saynd, dann zayld eah froh sei in seim hatz.

2. Mosi 4:14 ပူးပေါင်းရင်းမြစ်များ

2. Samuel 6:7

Em Hah sei zann hott hays gebrend geyyich da Uzzah veil eah dess gedu hott, un Gott hott een nunnah kshlauwa. Grawt datt is eah kshtauva nayvich di Bundes-Lawt funn Gott.

1. Kaynicha 11:9

Da Hah is zannich vadda mitt em Solomon veil sei hatz vekk gedrayt voah fumm Hah da Gott funn Israel, deah es sich zvay moll gvissa hott zu eem.

1. Chronik 21:7

Dess gebott voah aw evil in Gott sei awwa, so hott eah Israel kshtrohft.

Psalm 105:26

Eah hott da Mosi, sei gnecht, kshikt, un da Aaron, deah es eah raus glaysa hott.

2. Mosi 4:13

Avvah da Mosi hott ksawt, “Oh mei Hah, shikk ebbah shunsht.”

2. Mosi 4:17

Du solsht deah shtokk in dei hand nemma un solsht zaycha du mitt.”

2. Mosi 4:27

Da Hah hott no zumm Aaron ksawt, “Gay un dreff da Mosi oh in di vildahnis.” So is eah ganga un hott een ohgedroffa am berg funn Gott, un hott een gekist.

4. Mosi 12:2

Si henn ksawt, “Hott da Hah yusht kshvetzt deich da Mosi? Hott eah nett aw kshvetzt deich uns?” Un da Hah hott dess keaht.

Di Apostelgeschichte 15:28

Es hott goot kseemd zumm Heilicha Geisht, un zu uns, fa kenn shveahri sacha uf eich du es yusht vi dee do nohtvendicha sacha:

2. Korinther 2:13

Avvah ich habb kenn roo katt in meim geisht veil ich mei broodah, da Titus, nett kfunna habb. No habb ich di leit datt falossa un binn on noch Matzedonia ganga.

Philipper 2:21

Fa si gukka awl aus fa iahra aykni sacha, nett fa di sacha funn Jesus Christus.

Joshua 24:5

No havvich da Mosi un da Aaron kshikt un habb grohsah druvvel uf Egypta gebrocht bei vass ich gedu habb datt. Shpaydah havvich eich raus kfiaht.

1. Samuel 12:8

Noch demm es da Jakob in Egypta ganga is, henn si zumm Hah groofa fa hilf. No hott da Hah da Mosi un da Aaron kshikt, un si henn eiyah foah-feddah aus Egypta gebrocht un si in dess land ksetzt.

1. Samuel 2:27

No is en mann funn Gott zumm Eli kumma un hott ksawt zu eem, “Dess is vass da Hah sawkt, ‘Habb ich mich nett voahlich gvissa zu dei faddah sei haus vo si in Egypta voahra unnich em Pharao?