2. Mosi 3:15 - Pennsylvania Dutch Bible

¹⁵ Un Gott hott veidah ksawt zumm Mosi, “Dess solsht du sawwa zu di Kinnah-Israel, ‘Da Hah, da Gott funn eiyah foah-feddah—da Gott fumm Abraham, da Gott fumm Isaac un da Gott fumm Jakob—hott mich zu eich kshikt.’ Sell is mei nohma fa'immah, da nohma es ich gay dibei funn nohch-kummashaft zu nohch-kummashaft.

2. Mosi 3:15 ပူးပေါင်းရင်းမြစ်များ

1. Mosi 24:12

No hott eah ksawt, “Oh Hah, da Gott funn mei meishtah Abraham, helf miah dess ausrichta un sei bamhatzich zu meim meishtah Abraham.

1. Chronik 16:16

sell bund es eah gmacht hott mitt em Abraham, un vass eah kshvoahra hott zumm Isaac.

1. Chronik 29:18

Oh Hah, du es da Gott bisht funn unsah foah-feddah da Abraham, da Isaac un da Israel, hald dee falanga immah in di hatza funn dei leit, un dray iahra hatza zu diah.

2. Chronik 28:9

Avvah en brofayt fumm Hah es Oded kaysa hott voah datt, un eah is naus ganga fa di greeks-leit ohdreffa vo si zrikk an Samaria kumma sinn. Eah hott ksawt zu eena, “Gukket moll, veil da Hah, da Gott funn eiyah foah-feddah bays voah mitt Juda, hott eah si in eiyah hend gevva. Avvah diah hend si kshlachta mitt so en zann, es es nuff langd an da himmel.

Psalm 102:12

Avvah du, oh Hah, hoksht uf em kaynich-shtool fa'immah; dei nohma bleibt ayvichlich.

Psalm 102:13

Du zaylsht uf shtay un di shtatt Zion davvahra; es is zeit es du gnaydich bisht zu iahra, di zeit is do.

Psalm 135:13

Oh Hah, dei nohma bleibt fa'immah. Vass du gedu hosht zayld nee nett fagessa sei, oh Hah, un vatt gmeind fa'immah un immah.

Psalm 30:4

Singet lohb zumm Hah, diah saylichi, un preiset sei heilichah nohma.

Psalm 30:5

Fa sei zann bleibt yusht fa en awwa-blikk, avvah sei gnawt bleibt so lang es miah layva. Heiles un dreebsawl bleibt deich di gans nacht, avvah frayt kumd da neksht meiya.

Psalm 68:5

Gott is en faddah zu selli unni en faddah, un en helfah zu di vitt-veivah, diveil eah in seim heilicha tempel voond.

Psalm 72:17

Loss sei nohma sei fa'immah, loss sei nohma shtay so lang es di sunn sheind. Deich een sella awl di heida ksaykend sei, un si zayla een preisa.

Psalm 72:19

Glohbt is sei hallichah nohma fa'immah; loss di gans eaht kfild sei mitt sei hallichkeit. Amen! Amen!

2. Mosi 15:2

Da Hah gebt miah grefta, un macht mich singa. Eah macht mich saylich. Eah is mei Gott, un ich vill eem lohb gevva, eah is mei faddah sei Gott, un ich hayb een hohch uf.

2. Mosi 15:3

Da Hah is en greftichah greeks-mann; sei nohma is Hah.

2. Mosi 3:13

Da Mosi hott no ksawt zu Gott, “Vann ich zu di Kinnah-Israel gay un sawk zu eena, ‘Da Gott funn eiyah foah-feddah hott mich zu eich kshikt,’ un si frohwa mich, ‘Vass is sei nohma?’ vass soll ich eena no sawwa?”

2. Mosi 3:6

No hott Gott ksawt, “Ich binn da Gott funn dei faddah, da Gott fumm Abraham, da Gott fumm Isaac un da Gott fumm Jakob.” Da Mosi hott sich kfeicht an Gott gukka, un hott sei ksicht zu gedekt.

2. Mosi 4:1

Da Mosi hott no andvat gevva un hott kfrohkt, “Vass vann si miah's nett glawva, adda mich nett ohheicha doon? Si mechta sawwa, ‘Da Hah hott sich nett gvissa zu diah.’”

2. Mosi 4:5

“Dess,” hott da Hah ksawt, “is so es si glawva kenna es da Hah, da Gott funn iahra foah-feddah—da Gott fumm Abraham, da Gott fumm Isaac un da Gott fumm Jakob—sich gvissa hott zu diah.”

2. Mosi 6:2

Gott hott noch veidah kshvetzt zumm Mosi un hott ksawt, “Ich binn da Hah.

Shpricha 18:10

Da nohma fumm Hah is vi en shteikah tavvah, en gerechtah mann kann datt anna shpringa un is sayf.

Jesoiya 26:8

Miah voahra uf dich, oh Hah, diveil es miah in dei gericht lawfa. Miah vella an dich un an dei nohma denka, sell is unsah falanga im hatz.

Jesoiya 42:8

Ich binn da Hah; sell is mei nohma! Ich gebb mei hallichkeit zu nimmand shunsht, un mei lohb nett zu abgettah.

Jesoiya 63:12

Sellah es sei hallichah oahm mitt graft kshikt hott fa am Mosi sei rechtsi hand sei, sellah es di vassahra kshpalda hott fannich eena, fa sich en ayvichah nohma macha,

Jesoiya 9:6

Zu uns is en kind geboahra vadda, zu uns voah en sohn gevva; di macht fa uns roola zayld uf sei shuldahra roowa. Dess zayld sei nohma sei: Vundahboahrah Roht-Gevvah, Mechtichah Gott, Ayvichah Faddah, Evvahshtah Fridda-Machah.

Jeremia 33:2

“Dess is vass da Hah sawkt, deah es di eaht gmacht hott, da Hah es see kshaft hott un es see in da blatz gedu hott—sei nohma is da Hah:

Daniel 2:23

Zu diah, oh du Gott funn mei foah-feddah, gebb ich dank un lohb. Du hosht miah veisheit un macht gevva, du hosht gvissa zu uns vass ich dich kfrohkt habb, du hosht em kaynich sei drohm gvissa zu uns.”

Hosea 12:5

Sell voah da Hah, da Awlmechtich Gott, sei nohma is Da Hah!

Hosea 12:6

So nau, kumm zrikk zu dei Gott; hayb fesht zu bamhatzichkeit un leit iahra recht, un setz dei hofning immah uf dei Gott.

3. Mosi 24:11

Nau deah halb Israeliddah hott da Nohma fumm Hah faleshtaht un faflucht. No henn si een zumm Mosi gebrocht. (Sei maemm iahra nohma voah Selomith, un iahra daett voah da Dibri funn di Daniddah.)

Micha 4:5

Leit in anri lendah zayla iahra gettah nohch gay, avvah miah zayla lawfa im nohma fumm Hah unsah Gott fa'immah.

Maleachi 3:6

“Ich binn da Hah un ich du nett tshaynsha. Fasell sind diah, du nohch-kummashaft fumm Jakob, nett zu nix gebrocht vadda.”

Matthäus 22:32

‘Ich binn da Gott fumm Abraham, un da Gott fumm Isaac un da Gott fumm Jakob’? Eah is nett da Gott funn di dohda, avvah funn di levendicha.”

Di Apostelgeschichte 3:13

Da Gott fumm Abraham, un fumm Isaac, un fumm Jakob, da Gott funn unsah foah-feddah hott sei Sohn Jesus fakleaht. Diah hend een ivvah-gevva un nunnah gedrayt fannich em Pilawtus, vo eah ausgmacht katt hott fa een lohs lossa.

Di Apostelgeschichte 7:32

Di shtimm hott ksawt, ‘Ich binn da Gott funn dei foah-feddah; da Gott fumm Abraham, da Gott fumm Isaac, un da Gott fumm Jakob.’ Da Mosi hott sich so kfeicht es eah geziddaht hott un hott nimmi gedraut vatsha.

5. Mosi 1:11

Loss da Hah da Gott funn eiyah foah-feddah eich en dausend mohl ivvah fameahra un eich saykna, grawt vi eah fashprocha hott.

5. Mosi 1:35

“Kens funn di mennah funn dee evil zeit zayld's goot land sayna es ich kshvoahra habb fa zu eiyah foah-eldra gevva.

5. Mosi 4:1

Nau heichet ab, oh Israel, zu awl di gebodda un ksetza es ich eich lanna zayl fa du. Diah sellet si du so es diah layva kennet un nei gay kennet un's land ivvah-nemma es da Hah, da Gott funn eiyah foah-feddah, am eich gevva is.

Hebräer 11:16

Avvah in blatz funn sell henn si en falanga katt fa en bessah land, sell is, ayns es himlish is. Fasell, dutt Gott sich nett shemma fa iahra Gott kaysa sei, fa eah hott en shtatt grisht fa si.

Hebräer 13:8

Jesus Christus is es saym geshtah, heit un fa'immah.