2. Mosi 25:2 - Pennsylvania Dutch Bible

² “Sawk di Kinnah-Israel es si sella miah kshenkah bringa fa en opfah. Du solsht dee kshenkah nemma fa mich funn alli-ebbah es psunna is im hatz fa frei-villich gevva.

2. Mosi 25:2 ပူးပေါင်းရင်းမြစ်များ

Ezra 1:6

Awl iahra nochbahra henn eena kolfa mitt silvah un gold, fee un annah sach un mitt keshtlichi kshenkah. Dess voah ovvich awl sell sach es frei-villich gevva voah.

Ezra 2:68

Vo si an's haus fumm Hah in Jerusalem kumma sinn, henn samm funn di family foah-gengah frei-villich gevva fa's haus funn Gott viddah ufbauwa vo's als kshtanna hott.

Ezra 3:5

Noch sellem henn si ohkalda awl di brand-opfahra opfahra, di nei moon opfahra, di opfahra fa awl di heilichi fesht-dawwa zumm Hah, un aw selli es frei-villich zumm Hah gebrocht voahra.

Ezra 7:16

Du solsht aw awl's silvah un gold mitt diah nemma es du einemsht fumm land Babylon, un aw di frei-villicha kshenkah funn di preeshtah un leit fa da tempel funn iahra Gott in Jerusalem.

Nehemia 11:2

Un di leit henn awl di mennah ksaykend es frei-villich in Jerusalem voona henn vella.

Psalm 110:3

Dei leit zayla sich frei-villich ohbeeda, uf em dawk es du eena foah gaysht im heilicha glayt. Vi du yung voahsht, kumma dei grefta zu diah alli dawk vi da dau aus em meiya-roht.

2. Mosi 25:1

No hott da Hah kshvetzt zumm Mosi un hott ksawt,

2. Mosi 25:3

Dess sinn di kshenkah es du nemma solsht funn eena: gold, silvah, bronze,

4. Mosi 18:24

Avvah ich gebb di Lefiddah iahra eahbshaft deich's zeyyadel es di Kinnah-Israel gevva fa opfahra zumm Hah. Sell is favass es ich ksawt habb zu eena es si kenn eahbshaft havva sella unnich di Kinnah-Israel.”

2. Korinther 9:7

Alli-ebbah muss gevva vi eah ausmacht in seim hatz, nett unvillich adda veil eah muss, fa Gott hott leevi fa deah vo fraylich gebt.

Richtah 5:9

Mei hatz is mitt Israel iahra evvahshti, mitt di leit es frei-villich foah kumma sinn fa fechta. Lohvet da Hah!