2. Mosi 22:26 - Pennsylvania Dutch Bible

²⁶ Vann du deim nochbah sei glayt nemsht es en fashpreching, solsht du's zrikk gevva eb di sunn unnah gayt,

2. Mosi 22:26 ပူးပေါင်းရင်းမြစ်များ

Hiob 22:6

Du hosht dei breedah geld glaynd un funn iahra sacha zrikk kalda unni uahsach, du hosht iahra glaydah gnumma un si nakkich glost.

Hiob 24:3

Si dreiva di aysla vekk es zu selli heahra es kenn eldra henn, un nemma di vitt-fraw iahra ox fa en fashprechnis.

Hiob 24:7

Si leiya in di nacht unni glaydah, un henn nix fa sich zu dekka im kalda.

Hiob 24:9

'S kind es kenn daett hott vatt funn di muddah-brusht vekk grissa, un em oahma sei kind is funn eem gnumma fa en shuld betzawla.

Hiob 34:28

Deich si henn di oahma missa zu eem roofa fa hilf, un eah hott selli keaht es in noht voahra.

Psalm 10:14

Avvah du dusht's sayna; du nemsht's acht vann's druvvel un dreebsawl hott, so es du's in dei hand nemma kansht. Sellah es sich nett helfa kann gebt sich ivvah zu diah; du bisht en helfah zu selli unni eldra.

Psalm 34:7

Da engel fumm Hah bleibt um selli rumm es een firchta, un eah macht si frei.

Shpricha 20:16

Vann ebbah fashprocha hott fa goot shtay fa en fremdah sei shuld, dann nemm sei glayt un hald's biss di shuld betzawld is.

Shpricha 22:27

vann du nix hosht fa's betzawla, dann vatt dei ayya bett unnich diah vekk gnumma.

Ezekiel 18:16

Eah dutt nimmand ebbes letz, frohkt nett fa ebbes zrikk halda vann eah naus laynd, un rawbt nimmand. Eah gebt broht zu di hungahricha un glaydah zu di nakkicha.

Ezekiel 18:7

vann eah nett letz dutt zu ennich ebbah, un gebt zrikk vass eah haybt diveil es ebbah ebbes laynd funn eem; vann eah nimmand rawbt, gebt broht zu di hungahricha un gebt glaydah zu di nakkicha,

Ezekiel 33:15

vann eah zrikk gebt vass eah haybt fa en nunnah betzawles, un zrikk gebt vass eah kshtohla hott, lawft in di gebodda es layva gevva un dutt nett sindicha, dann soll eah layva, eah zayld nett shtauva.

Amos 2:8

Si layya sich anna nayvich alli awldah, in glaydah es si gnumma henn fa en nunnah-betzawling funn di oahma. Im haus funn iahra gott drinka si vei es gnumma voah funn selli es eena geld shuldich sinn.

5. Mosi 24:17

Diah sellet's recht nett vekk nemma funn di ausahra un di kinnah unni eldra; un diah sellet nix nemma funn en vitt-fraw un's hayva biss see di shuld betzawld.

5. Mosi 24:6

Vann ebbah eich ebbes shuldich is, dann sellet diah nett en hand-meel adda da evvahsht meel-shtay nemma in blatz funn di shuld biss eah's betzawla kann. Sell veah am sei layves-fadeensht vekk nemma funn eem.