2. Mosi 22:23 - Pennsylvania Dutch Bible

²³ Vann du dusht, un si roofa naus zu miah, dann fahaftich heahrich si,

2. Mosi 22:23 ပူးပေါင်းရင်းမြစ်များ

Hiob 34:28

Deich si henn di oahma missa zu eem roofa fa hilf, un eah hott selli keaht es in noht voahra.

Hiob 35:9

Veil leit oahrich nunnah gedredda sinn, doon si naus roofa, si roofa fa abglawda sei fumm oahm funn di mechticha.

Psalm 10:14

Avvah du dusht's sayna; du nemsht's acht vann's druvvel un dreebsawl hott, so es du's in dei hand nemma kansht. Sellah es sich nett helfa kann gebt sich ivvah zu diah; du bisht en helfah zu selli unni eldra.

Psalm 140:12

Ich vays es da Hah di sacha funn di oahma recht ausshaffa zayld, un eah gebt selli es noht henn iahra recht.

Psalm 145:19

Eah folfild di falanga funn selli es een firchta, eah heaht si roofa un helft eena.

Psalm 18:6

In meim angsht habb ich zumm Hah groofa; ich habb naus groofa zu meim Gott fa hilf. Funn sei tempel hott eah mei shtimm keaht; eah hott abkeicht zu meim roof fa hilf.

Psalm 68:5

Gott is en faddah zu selli unni en faddah, un en helfah zu di vitt-veivah, diveil eah in seim heilicha tempel voond.

2. Mosi 22:27

veil sei glayt's aynsisht ding is es eah hott fa sei leib zu dekka. Vass soll eah shlohfa drinn? Vann eah naus rooft zu miah dann heahrich een, fa ich binn bamhatzich.

Glawk-Leedah 5:3

Miah sinn kinnah unni eldra, unni en daett, unsah maemma sinn vi vitt-veivah.

Lukas 18:7

Zayld nett Gott geduldich sei un selli helfa vo sei sinn, selli vo bayda zu eem dawk un nacht?

5. Mosi 10:18

Eah shtayt uf fa di kinnah unni eldra un fa di vitt-veivah. Eah hott di ausahra leeb un gebt eena ess-sach un glaydah.

5. Mosi 15:9

Gevvet acht es diah kenn shlechti gedanka hend un sawwet in eiyah hatz, “Es sivvet yoah, es yoah fa shulda abshreiva is nayksht,” un diah sind no nett freindlich zu eiyah oahmah broodah un gevvet eem nix. Eah mecht roofa zumm Hah geyyich eich un diah sind sinda shuldich.

5. Mosi 24:15

Diah sellet eena iahra lohn gevva da dawk es si's fadeena eb di sunn unnah gayt. Si sinn oahm un falossa sich uf iahra lohn. Vann diah si nett betzawlet dann roofa si da Hah oh geyyich eich un diah sind en sind shuldich.

Jakobus 5:4

Heichet moll, da lohn funn di shaff-leit vo eiyah feldah gmayt henn, un es diah nett betzawld henn, is am naus greisha geyyich eich. Un di shaff-leit iahra roofes langd nuff zu di oahra fumm Awlmechticha Hah.