2. Mosi 20:5 - Pennsylvania Dutch Bible

⁵ Du solsht dich nett nunnah bikka zu eena adda si deena, fa ich, da Hah dei Gott, binn en Gott es jealous is, un ich shtrohf di kinnah fa di sinda funn iahra feddah biss di dritt adda fiaht sett nohch-kummashaft funn selli es mich hassa.

2. Mosi 20:5 ပူးပေါင်းရင်းမြစ်များ

2. Samuel 21:1

Es voah en hungahs-noht gvest in di dawwa fumm Dawfit fa drei yoah, ayns noch em anra. No hott da Dawfit em Hah sei ksicht ksucht, un da Hah hott ksawt, “Dess is kumma deich da Saul un sei bloot-fageesichi family, veil si di Gibeoniddah doht gmacht henn.”

2. Samuel 21:6

loss sivva mennah funn sei nohch-kummashaft gevva sei zu uns, un miah henka si fannich da Hah an Gibea, di shtatt fumm Saul, deah es groofa voah beim Hah.” Da kaynich hott ksawt, “Ich gebb si zu eich.”

1. Kaynicha 19:10

Eah hott ksawt, “Ich voah immah oahrich fleisich fa da Hah, da Awlmechtich Gott; avvah di Kinnah-Israel henn dei bund falossa, dei awldahra nunnah grissa un dei brofayda doht gmacht mitt em shvatt. Ich binn da aynsisht ivvahrich, un nau vella si mich aw doht macha.”

1. Kaynicha 21:29

“Hosht du ksenna vi da Ahab sich gedaymeedicht hott fannich miah? Veil eah sich gedaymeedicht hott fannich miah, zayl ich dess evil nett kumma lossa in sei dawwa, avvah ich bring's uf sei family in di dawwa funn seim boo.”

2. Kaynicha 17:35

Vo da Hah en bund gmacht hott mitt di Israeliddah, hott eah eena dess gebott gevva: “Diah sellet kenn anri gettah firchta, baydet si nett oh, deenet si nett un opfahret nett zu eena.

2. Kaynicha 17:41

Dee heida henn da Hah kfircht, avvah si henn doch ohkalda iahra aykni gettah deena. Heit noch doon iahra kinnah un kinds-kinnah ohhalda du grawt vi iahra foah-feddah gedu henn.

2. Kaynicha 23:26

Avvah doch da Hah is nett vekk gedrayt funn sei gleedichah zann geyyich Juda, deich alles es da Manasse gedu hott fa een fa'eiyahra.

2. Kaynicha 5:18

Avvah ich frohk da Hah fa mich fagevva fa dess aynd ding: Vann mei meishtah, da kaynich, in da tempel fumm Rimmon gayt fa ohbayda, un eah lost sich uf mei oahm, un ich binn aw am mich bikka im tempel funn Rimmon—ich frohk da Hah es eah mich fagebt fa dess du.”

2. Kaynicha 5:27

Fasell zayld em Naaman sei aussatz uf dich kumma, un aw uf dei nohch-kummashaft fa'immah.” Da Gehasi is no vekk fumm Elisa ganga un hott aussatz katt. Sei haut voah so veis vi shnay.

2. Chronik 25:14

Vo da Amazia zrikk kumma is funn di Edomiddah shlachta, hott eah di leit funn Seir iahra gettah mitt zrikk gebrocht. Eah hott si ufkokt fa sei aykni gettah sei, hott sich nunnah gebikt zu eena un hott opfahra gebrend zu eena.

2. Chronik 7:19

Avvah vann diah vekk drayyet un mei adninga un gebodda falosset es ich eich gevva habb, un diah gaynd un deenet anri gettah un baydet si oh,

Hiob 21:19

Diah glawvet es Gott en kind shtrohft fa di sinda funn sei daett. Nay! Loss Gott di sindah selvaht shtrohfa, so es si vissa es es is fa iahra sinda.

Hiob 5:4

Sei kinnah sinn veit funn aus di kfoah kalda, si faliahra iahra recht am doah funn di court, un nimmand macht si frei.

Psalm 109:14

Loss es evila funn sei foah-feddah nett fagessa sei bei em Hah, un di sind funn sei muddah nee nett ausgrivva sei.

Psalm 78:58

Si henn een fa'eiyaht mitt iahra hohchi opfah-bletz, un henn een jealous gmacht mitt iahra abgettah.

Psalm 79:8

Hayb di sinda funn unsah foah-feddah nett geyyich uns; loss dei bamhatzichkeit kshvind uf uns kumma, fa miah henn en grohsi noht.

Psalm 81:15

Selli es da Hah hassa, mista sich beeya fannich eem, un iahra shtrohf veah ayvichlich.

2. Mosi 23:24

Du solsht iahra gettah nett ohbayda adda deena, un nett du vi si doon. Avvah du solsht iahra abgettah umreisa un si alles fabrecha.

2. Mosi 34:14

Du solsht kenn anra gott ohbayda, fa da Hah, demm sei nohma es Jealous is, eah is en jealousah Gott.

Shpricha 8:36

Avvah veah mich nett find, dutt sich selvaht vay, selli es mich hassa, lohva da doht.”

Jesoiya 44:15

No vatt's feiyah-hols fa da mann. Eah nemd samm fa sich voahm macha, un mitt anres macht en feiyah fa broht bakka. Avvah mitt demm macht eah aw en gott un bayt een oh, eah macht en abgott-gleichnis un gneet nunnah ditzu.

Jesoiya 44:19

Nimmand shtobt un denkt drivvah, nimmand hott di eisicht un fashtayt genunk fa sawwa, “Dihelft havvich gyoost fa feiyah macha; ich habb broht gebakka uf em feiyah, flaysh gekocht un habb gessa. Soll ich nau en grausam ding macha mitt em ivvahricha? Soll ich nunnah gneeya zu en hols glotz?”

Jeremia 2:9

Fasell bring ich dee glawwa geyyich eich,” sawkt da Hah, “un ich bring aw selli glawwa geyyich eiyah kinds-kinnah.

Jeremia 32:18

Du veisht dei shtandhaftichi-leevi zu dausends, avvah du bringsht da shtrohf fa di feddah iahra sinda in di shohsa funn iahra kinnah noch eena. Oh grohsah un mechtichah Gott, dei nohma is Awlmechtichah Hah.

Ezekiel 18:19

Avvah diah frohwet, ‘Favass sett en boo nett di sinda drawwa funn seim daett?’ Veil eah gedu hott vass recht un goot voah, un hott awl mei gebodda kalda, dann soll eah am layva bleiva.

Ezekiel 18:2

“Vass mayna diah leit bei em sawwes veyyich em land funn Israel: ‘Di feddah henn savvahri drauva gessa, avvah di kinnah iahra meilah vadda savvah difunn’?

Ezekiel 20:7

Un ich habb aw ksawt zu eena, “Yaydahs funn eich soll selli grausama gleichnisa vekk du fannich eiyah awwa. Machet eich nett unrein mitt di abgettah funn Egypta. Ich binn da Hah eiyah Gott.”

Ezekiel 39:25

So dess is vass da Awlmechtich Hah sawkt: Ich zayl nau da Jakob zrikk bringa funn sei kfengnis un zayl bamhatzich sei zumm gans haus funn Israel, veil ich eahnshtlich binn fa mei heilichah nohma halda.

Ezekiel 8:3

Eah hott naus kshtrekt vass gegukt hott vi en hand un hott hohld gnumma funn di hoah uf meim kobb. Da Geisht hott mich ufkohva zvishich di eaht un da himmel, un in en vision funn Gott hott eah mich an Jerusalem gebrocht. Eah hott mich anna gnumma vo ma nei gayt in's innahlich doah uf di natt seit, datt vo es abgott-gleichnis kshtanna hott, dess es da Hah veesht bays macht.

Daniel 1:2

Un da Hah hott da Joiakim, da kaynich funn Juda, ivvah-gevva in di hand fumm Nebukadnezar, un aw samm fumm ksha funn Gott sei tempel. Eah hott dess ksha in's land Sinear gebrocht, hott's in da tempel funn sei gott gebrocht un hott's in di geld-shtubb gedu.

Daniel 3:18

Avvah vann eah nett dutt, dann vella miah alsnoch havva es du vaysht, oh kaynich, es miah dei gettah nett deena zayla, un's gleichnis funn gold nett ohbayda zayla es du ufksetzt hosht.”

3. Mosi 20:5

dann setz ich mei ksicht geyyich sellah mann un sei family un shneit si ab funn iahra leit, un aw awl selli es mitt eem abgettahrei gedrivva henn mitt em Moloch.

3. Mosi 26:1

“‘Diah sellet eich kenn falshi abgettah adda abgott-gleichnisa macha, un aw kenn shtay-poshta ufhokka, adda shtay shneida fa si ohbayda in eiyahm land. Ich binn da Hah eiyah Gott.

3. Mosi 26:29

Diah zaylet's flaysh funn eiyah boova un's flaysh funn eiyah mayt essa.

Nahum 1:2

Da Hah is en Gott es jealous is un es shtrohfa dutt; da Hah is zannich un eah betzawld zrikk. Da Hah betzawld selli zrikk es geyyich een sinn, un eah hald sei zann fa sei feinda.

4. Mosi 14:18

‘Da Hah is geduldich mitt grohsi bamhatzichkeit, un fagebt sinda un ivvah-dreddes. Avvah eah lost di shuldicha nett unkshtrohft gay; eah shtrohft di kinnah fa di sinda funn iahra feddah biss an di dritt un fiaht sett nohch-kummashaft.’

4. Mosi 14:33

Eiyah kinnah zayla shohf-heedah sei do in di vildahnis fa fatzich yoah, un zayla betzawla fa eiyah unglawva biss eiyah dohdi leivah awl do in di vildahnis leiya.

4. Mosi 25:11

“Da preeshtah Pinehas, em Eleasar sei boo, es em Aaron sei boo voah, hott mei zann vekk gedrayt funn di Kinnah-Israel deich sei eahnsht fa mich unnich eena. Un deich sell habb ich nett en end gmacht funn di Kinnah-Israel in meim eahnsht.

Matthäus 4:9

Un eah hott ksawt zu Jesus, “Ich gebb diah awl dee sacha vann du anna gneesht un dusht mich ohbayda.”

Johannes 15:18

“Vann di veld eich hast, dann visset diah es si mich seahsht kast hott.

Johannes 7:7

Di veld kann eich nett hassa, avvah di veld hast mich veil ich zeiknis gebb es vass see dutt is evil.

Johannes 9:2

No henn sei yingah een kfrohkt, “Meishtah, veah hott ksindicht es deah mann blind geboahra voah? Eah, adda sei eldra?”

Römer 1:30

un doon anri leit nunnah. Si hassa Gott, sinn rawsich, shtols un braekkah. Si denka an alli sadda evil, un heicha iahra eldra nett.

Römer 8:7

Di meind vo uf flayshlichi sacha ksetzt is shaft geyyich Gott, veil see sich nett unnich's Ksetz funn Gott gebt, un see kann aw nett so du.

1. Korinther 10:22

Adda vella miah da Hah jealous macha? Sinn miah shteikah es eah is?

5. Mosi 32:21

Si henn mich jealous gmacht mitt sell es nett Gott is, un henn mich fa'eiyaht mitt iahra gettah. Ich mach si jealous mitt selli es nett en leit sinn, ich fa'eiyah si mitt en folk es dumhayda dreibt.

5. Mosi 32:41

vann ich mei glitzahrichi shvatt vetz, un mei hand nemd's shvatt fa richta, dann doon ich mich auseeva ivvah mei feinda, un betzawl selli zrikk es mich hassa.

5. Mosi 4:24

fa da Hah eiyah Gott is en fazeahrich feiyah, en jealousah Gott.

5. Mosi 5:10

Avvah ich veis shtandhaftichi-leevi zu dausends funn selli es mich leeva un mei gebodda halda.

5. Mosi 5:9

Diah sellet eich nett nunnah bikka adda si deena, fa ich, da Hah, binn eiyah Gott, un ich binn en jealousah Gott, un ich shtrohf di kinnah fa di sinda funn di feddah biss an di dritt un fiaht nohch-kummashaft funn selli es mich hassa.

5. Mosi 6:15

fa da Hah eiyah Gott es unnich eich is, is en jealousah Gott, un sei zann zayld brenna geyyich eich un zayld eich gans vekk butza funn di eaht.

5. Mosi 7:10

Avvah selli es een hassa, dutt eah grawt in's ksicht zrikk betzawla bei si umbringa un ausreiva. Eah voaht nett lang fa selli in's ksicht zrikk betzawla es een hassa.

Jakobus 4:4

Diah aybrechichi mennah un veivah, visset diah nett es deah vo sich freindlich macht mitt di veld hast Gott? Ennich ebbah es sich en freind macha vill mitt di veld vatt en feind funn Gott.

Joshua 23:16

Vann diah sell bund nett haldet es da Hah eiyah Gott eich gebodda hott, un gaynd un deenet anri gettah, un bikket eich nunnah zu eena, dann zayld em Hah sei zann hays brenna geyyich eich, un's zayld kshvind nimmand funn eich may ivvahrich sei in demm gooda land es eah gevva hott zu eich.”

Joshua 23:7

so es diah nix zu du hend mitt di leit in dee lendah es noch do unnich eich sinn. Baydet nett zu iahra gettah un shveahret nett bei si. Doond iahra gettah nett deena un eich nunnah bikka zu eena.

Joshua 24:19

Da Joshua hott no ksawt zu di leit, “Diah kennet da Hah nett deena; eah is en heilichah Gott. Eah is jealous un alawbt kenn anri gettah nayvich eem selvaht. Vann diah geyyich een drayyet un sindichet, dann fagebt eah eiyah sinda nett.

Richtah 2:19

Avvah vann da richtah moll kshtauva is, sinn di leit viddah zrikk gedrayt un henn sich shlimmah ohkshikt es iahra foah-feddah henn bei anri gettah nohch gay un si ohbayda un si deena. Si henn's nett gedu fa iahra evili un dikk-kebbichi vayya ufgevva.