2. Mosi 2:7 - Pennsylvania Dutch Bible

⁷ No hott em kind sei shveshtah ksawt zumm Pharao sei dochtah, “Soll ich gay un ayns funn di Hebrayishi veibsleit greeya fa acht gevva uf een fa dich?”

2. Mosi 2:7 ပူးပေါင်းရင်းမြစ်များ

2. Mosi 15:20

No hott di brofayda-fraw Miriam, em Aaron sei shveshtah, en tambourine in iahra hand gnumma, un awl di veibsleit sinn iahra nohch kumma mitt tambourines un henn gedanst.

2. Mosi 2:4

Em kind sei shveshtah is en shtikk ab geblivva fa sayna vass es gebt mitt eem.

2. Mosi 2:6

Vo see da koahb uf gmacht hott, hott see's kind ksenna. Eah voah am brilla un see hott een gedavvaht. “Dess is ayns funn di Hebrayisha iahra kinnah,” hott see ksawt.

2. Mosi 2:8

Em Pharao sei dochtah hott ksawt, “Yau, gay.” So is es maydel ganga un hott em kind sei maemm bei groofa.

4. Mosi 12:1

Di Miriam un da Aaron henn no ohkfanga shvetza geyyich da Mosi veyyich sei Kushiddah fraw, fa eah hott en Kushiddah fraw keiyaht katt.

4. Mosi 26:59

Da nohma fumm Amram sei fraw voah Jochebed. See voah funn di nohch-kummashaft fumm Levi un voah geboahra zu di Lefiddah in Egypta. Da Amram un di Jochebed voahra di eldahra fumm Aaron, em Mosi un di Miriam.