2. Mosi 2:2 - Pennsylvania Dutch Bible

² Dess veibsmensh is uf em family vayk vadda un hott en glay boovli grikt. Vo see ksenna hott vi en shay boovli es eah voah, hott see een fashtekkeld kalda fa drei moonet.

2. Mosi 2:2 ပူးပေါင်းရင်းမြစ်များ

2. Kaynicha 11:3

Eah voah fashtekkeld kalda mitt iahra im Hah sei haus fa sex yoah diveil es di Athalia ivvah's land groold hott.

Psalm 112:5

Es gayt goot mitt em mann es nett geitzich is un laynd geahn, sellah es sei sacha ausricht unni ebbahm letz du.

2. Mosi 6:20

Da Amram hott sei faddah sei shveshtah di Jochebed keiyaht. Da Mosi un da Aaron voahra geboahra funn iahra fa een. Da Amram hott'n hunnaht un sivvana dreisich yoah glaybt.

4. Mosi 26:59

Da nohma fumm Amram sei fraw voah Jochebed. See voah funn di nohch-kummashaft fumm Levi un voah geboahra zu di Lefiddah in Egypta. Da Amram un di Jochebed voahra di eldahra fumm Aaron, em Mosi un di Miriam.

Di Apostelgeschichte 7:20

An di do zeit voah da Mosi geboahra. Eah voah en shay kind un ohgnumma bei Gott. Eah voah drei moonet faseikt in seim faddah sei haus.

5. Mosi 33:16

mitt di beshta sacha funn di eaht un alles es drinn is, un di gnawt funn Sellah es im feiyahricha putsha gvoond hott. Awl dee sacha sella uf em Joseph sei kobb roowa, uf di shtann funn sellah es en foah-gengah voah unnich sei breedah.

Hebräer 11:23

Deich da glawva, vo da Mosi geboahra voah, henn sei eldra een fashtekkeld kalda fa drei moonet. Dess voah veil si ksenna henn es eah en shay kind voah, un veil si sich nett kfeicht henn veyyich em kaynich sei gebott.

1. Samuel 16:12

So hott eah kshikt fa een un hott een rei gebrocht. Eah voah en ksundah yungah mann mitt shayni awwa un goot-gukkich. No hott da Hah ksawt, “Shtay uf un salb een; dess is da vann.”