2. Mosi 18:13 - Pennsylvania Dutch Bible

¹³ Da neksht dawk hott da Mosi sich anna kokt fa di leit richta, un di leit henn um een rumm kshtanna funn meiyets biss ohvets.

2. Mosi 18:13 ပူးပေါင်းရင်းမြစ်များ

Hiob 29:7

Vo ich naus an's doah funn di shtatt ganga binn, un mei sitz gnumma habb unnich di eldishti,

2. Mosi 18:12

No hott em Mosi sei shviah-faddah, da Jethro, en brand-opfah un anri opfah zu Gott gebrocht. Da Aaron mitt awl di eldishti funn Israel sinn kumma broht essa mitt em Mosi sei shviah-faddah fannich Gott.

2. Mosi 18:14

Vo em Mosi sei shviah-faddah alles ksenna hott es da Mosi am du voah fa di leit, hott eah ksawt, “Vass is dess ding es du am du bisht fa di leit? Favass hoksht du laynich es en richtah diveil es di leit um dich rumm shtayn funn meiyets biss ohvets?”

Jesoiya 16:5

No vatt en kaynich-shtool ufkokt in shtandhaftichi-leevi. En richtah zayld druff hokka in voahheit, aynah fumm Dawfit sei haus. Eah zayld recht richta, un di gerechtichkeit kshvind ausfiahra.

Joel 3:12

“Loss di heida sich rishta, un loss si zammah kumma an di Valley funn Josaphat. Datt zayl ich hokka fa di heida richta ivvahrawlich.

Matthäus 23:2

un hott ksawt, “Di shrift-geleahrah un di Pharisayah hokka am Mosi sei blatz.

Römer 12:8

Vann ebbah's kshenk hott fa famohna, loss een leit famohna; vann sei kshenk is fa gevva, loss een frei-villich gevva. Deah vo ivvah-saynd, soll's shtandhaftich du; deah vo bamhatzich is, soll's du mitt fraylichkeit.

Römer 13:6

Dess is aw favass es diah tax betzawlet, fa di ivvah-saynah sinn gnechta funn Gott fa acht gevva uf dee sacha.

Richtah 5:10

Diah reichi leit vo uf veisi aysla reidet, diah vo uf shayni saddel blankets hokket, un diah vo am vayk nohch lawfet, singet.