2. Mosi 17:14 - Pennsylvania Dutch Bible

¹⁴ Da Hah hott no ksawt zumm Mosi, “Shreib dess in en buch es en zrikk-denkes, un sei shuah es da Joshua's heaht. Ich zayl even's ohdenkes fumm Amalek folshtendich ausreiva unnich em gansa himmel.”

2. Mosi 17:14 ပူးပေါင်းရင်းမြစ်များ

2. Samuel 1:1

Noch demm es da Saul doht voah, is da Dawfit zrikk kumma funn di Amalekiddah shlachta, un is zvay dawk in Ziklag geblivva.

2. Samuel 8:12

Edom, Moab, di Ammoniddah un Philishtah un Amalek. Eah hott aw di keshtlicha sacha keilicht un ivvah-gedrayt zumm Hah es eah gnumma hott katt fumm Rehob sei boo da Hadadeser, es kaynich voah funn Zoba.

1. Chronik 4:42

Fimf hunnaht funn dee Simeoniddah sinn no raus ganga un sinn nuff in's hivvel-land funn Seir ganga fa di leit datt fechta. Si voahra foah-ganga bei iahra evvahshti, da Pelatia, da Nearia, da Rephaia, un da Usiel, em Jesei sei boova.

1. Chronik 4:43

Si henn di ivvahricha Amalekiddah doht gmacht es vekk kumma voahra eahshtah, un si henn datt gvoond biss deah dawk.

Ezra 9:14

Sedda miah dei gebodda viddah brecha un unsah leit heiyahra lossa mitt leit es so grausami sacha doon? Veahsht du nett zannich genunk fa uns gans ausreiva so es nimmand funn uns may ivvahrich veah?

Hiob 18:17

Sei ohdenkes vatt fagessa uf di eaht, un eah hott kenn nohma im land.

Hiob 19:23

Oh, vann yusht mei vadda anna kshrivva veahra, vann si yusht in en buch kshrivva veahra.

Psalm 9:6

Di feinda sinn faddich fa'immah, du hosht iahra shtett zammah grissa, si sinn gans fagessa.

2. Mosi 12:14

Deah dawk soll en zrikk-denkes sei fa eich. Diah sellet en zrikk-denkes fesht macha zumm Hah. Diah un eiyah nohch-kummashaft sellet's halda funn nau on fa'immah.

2. Mosi 13:9

Dess soll sei es vi en zaycha uf dei hand, un vi en ohdenkes zvishich dei awwa, so es es ksetz fumm Hah in deim maul is. Fa da Hah hott dich aus Egypta gebrocht mitt en mechtichi hand.

2. Mosi 17:13

So is da Joshua da Amalek un sei leit ivvah-kumma mitt em shvatt.

2. Mosi 24:4

Da Mosi hott awl di vadda fumm Hah anna kshrivva. No is eah free uf kshtanna da neksht meiya, un hott en awldah gebaut unna am berg mitt zvelf shtay, aynah fa yaydah shtamm funn Israel.

2. Mosi 32:33

Da Hah hott no ksawt zumm Mosi, “Deah vo ksindicht hott is sellah es ich aus meim buch reib.

2. Mosi 34:27

No hott da Hah ksawt zumm Mosi, “Shreib dee vadda nunnah, fa uf em grund funn dee vadda habb ich en bund gmacht mitt diah un mitt Israel.”

Shpricha 10:7

Es ohdenkes funn di gerechta is en sayya, avvah da nohma funn di gottlohsa vatt glei fagessa.

Jeremia 30:2

“Dess is vass da Hah, da Gott funn Israel, sawkt: ‘Shreib alles es ich ksawt habb zu diah in en buch.

Jeremia 36:2

“Nemm en buch un shreib awl di vadda nei es ich ksawt habb veyyich Israel, Juda un awl di anra lendah, siddah es ich ohkfanga habb shvetza zu diah an di zeit fumm Josia biss nau.

4. Mosi 24:20

No hott da Bileam di leit fumm Amalek ksenna un hott dee vadda ksawt: “Da Amalek voah's evvahsht unnich di heida, avvah sei end zayld en veesht fadauves sei.”

4. Mosi 33:2

Da Hah hott em Mosi gebott gevva fa di bletz nunnah shreiva vo si kshtobt henn uf iahra vayk. Dess is vi si ganga sinn funn blatz zu blatz:

5. Mosi 31:9

Da Mosi hott no dess ksetz nunnah kshrivva un hott's gevva zu di preeshtah, em Levi sei boova, es di Bundes-Lawt fumm Hah gedrawwa henn, un zu awl di eldishti funn Israel.

Joshua 4:7

dann sellet diah eena sawwa, ‘'S vassah hott ufkeaht lawfa un voah abkshnidda fannich di Bundes-Lawt fumm Hah. Vo di Bundes-Lawt deich da Jordan ganga is, voah's vassah fumm Jordan abkshnidda.’ Dee shtay sella en ohdenkes sei zu di Kinnah-Israel fa'immah.”

1. Samuel 15:18

Da Hah hott dich kshikt en eahvet du un hott ksawt, ‘Gay un butz selli sindah di Amalekiddah gans vekk; fecht geyyich si biss nix ivvahrich is funn eena.’

1. Samuel 30:1

Da Dawfit un sei mennah sinn zrikk an Ziklag kumma da dritt dawk. Diveil es si fatt voahra henn di Amelekiddah es land in di saut funn Juda grawbt un fasaut, un henn Ziklag nunnah gebrend.

1. Samuel 30:17

Da Dawfit hott si kfochta funn dushbah biss da neksht ohvet, un kens funn eena is vekk kumma vi yusht fiah hunnaht yungi mennah es difunn gridda sinn mitt kamayla.