2. Mosi 15:8 - Pennsylvania Dutch Bible

⁸ Mitt em blohs funn deim ohften, hosht di vassahra zrikk kshohva. Un's shteik vassah hott sich ufkshteld in en haufa. Di deefi vassahra sinn hatt vadda in di mitt fumm say.

2. Mosi 15:8 ပူးပေါင်းရင်းမြစ်များ

2. Samuel 22:16

Da bodda fumm say voah abgedekt, di foundations funn di eaht voahra ksenna deich da zank fumm Hah, un bei em haysa ohften funn sei naws.

Hiob 4:9

Bei Gott sei ohften kumma si um, un bei da vind funn sei zann kumma si an's end.

Psalm 33:7

Eah sammeld di vassahra fumm say zammah vi in en boddel; eah shtoaht's vassah fumm say in shtoah-heisah.

Psalm 78:13

Eah hott da say fadayld un hott si deich gay glost; eah hott's vassah ufshtay gmacht vi en vand.

2. Mosi 14:29

Avvah di Kinnah-Israel sinn uf drukka land gloffa in di mitt fumm say. Un's vassah voah vi en vand zu eena uf iahra rechtsi un lingsi seit.

Jesoiya 11:4

Avvah mitt gerechtichkeit zayld eah di oahma richta, un zayld eahlich sei mitt di aylendicha im land. Eah zayld di eaht shlauwa mitt em shtekka funn sei maul, un mitt sei ohften zayld eah di gottlohsa doht macha.

Jesoiya 37:7

Nau heichet moll! Ich zayl en geisht in een du so es vann eah en kshvetz heaht, dann gayt eah zrikk in sei ayya land. Datt bring ich een um mitt em shvatt.’”

Habakuk 3:10

Di berga henn dich ksenna, un henn kshiddeld. Es hohch vassah is fabei gloffa; es deef vassah hott grohsi yacht gmacht, un iahra vella voahra hohch.

Habakuk 3:15

Du hosht da say uf kshtatt mitt dei geil, un hosht grohsi vella gmacht im vassah.

2. Thessalonicher 2:8

No veist sellah ungerecht sich un da Hah zayld een doht macha mitt em ohften funn sei maul. Eah macht en end funn eem bei di grohs helling es dibei is vann eah kumd.

Joshua 3:13

un vann di preeshtah es am di lawt fumm Hah drawwa sinn—sell is da Hah funn di gans veld—vann di preeshtah moll di sohla funn iahra fees in's vassah fumm Jordan doon, dann vatt's vassah fumm Jordan abkshnidda. 'S vassah es am da revvah runnah lawfa is zayld sich uf shtella in en haufa.”

Joshua 3:16

hott's vassah ovva droh ufkeaht lawfa. 'S vassah hott kshtobt lawfa un is ufkeifeld vadda biss vay nuff an en shtatt es Adam hayst nayksht an Zarthan. Un's vassah unna droh es in da Say funn Arabah, da Sals Say, lawft, voah gans abkshnidda. So sinn di leit nivvah uf di annah seit ganga nayksht an Jericho.