2. Mosi 15:6 - Pennsylvania Dutch Bible

⁶ Dei rechtsi hand, oh Hah, voah mechtich mitt graft. Dei rechtsi hand, oh Hah, hott di feinda in shtikkah gebrocha.

2. Mosi 15:6 ပူးပေါင်းရင်းမြစ်များ

Psalm 17:7

Veis dei shtandhaftichi grohsi leevi, du Heiland vo selli saylich machsht mitt dei rechtsi hand es zu diah shpringa, vekk funn iahra feinda.

Psalm 2:9

Du solsht si shlauwa mitt en eisichi root, un si in shtikkah fabrecha vi eahdich ksha.”

Psalm 24:8

Veah is da Kaynich funn hallichkeit? Es is da Hah, shteik un mechtich, da Hah mechtich im greek.

Psalm 44:3

Mitt iahra aykni shvadda henn si's land nett ivvah-gnumma, un iahra ayknah oahm hott eena nett ivvah-hand gevva. Avvah's voah dei rechtsi hand, dei oahm, un's licht funn dei ksicht, veil du si leeb katt hosht.

Psalm 44:4

Du bisht mei Kaynich, oh Gott, un machsht es da Jakob ivvah-hand grikt im greek.

Psalm 60:5

Mitt dei rechtsi hand nemm uns aus di kfoah un heich uns ab, so es selli es du leeb hosht frei gmacht vadda.

Psalm 74:11

Favass zeeksht du dei hand zrikk? Nemm dei rechtsi hand aus dei shohs un mach en end funn eena.

Psalm 77:10

Un ich sawk, “Dess is vass miah vay dutt— es di rechts hand fumm Alli-Haychshta nimmi greftich is.”

Psalm 89:14

Gerechtichkeit un gericht hayva dei kaynich-shtool uf, shtandhaftichi-leevi un voahheit gayn fannich diah heah.

Psalm 98:1

Singet en nei leet zumm Hah, fa eah hott vundahboahri sacha gedu; Sei rechtsi hand un heilichah oahm henn di ivvah-hand grikt fa een.

2. Mosi 15:11

Veah unnich di gettah is vi du, oh Hah? Veah is vi du, in mechtichi heilichkeit, in vundahboahri lohb un in vunnahrichi kshefta?

2. Mosi 15:12

Du hosht dei rechtsi hand naus kshtrekt, un di eaht hott si uf kshlukt.

2. Mosi 15:16

Furcht un angsht fald uf si. Deich di graft funn deim oahm, zayla si so shtill sei es en shtay, biss dei leit fabei gayn, oh Hah, biss dei leit fabei gayn es du gekawft hosht.

2. Mosi 18:8

Da Mosi hott no seim shviah-faddah alles fazayld es da Hah gedu hott zumm Pharao un di Egyptah fa Israel helfa. Eah hott eem aw ksawt veyyich alles es si deich gmacht henn uf em vayk, un vi da Hah eena kolfa hott.

2. Mosi 3:20

So shtrekk ich mei hand naus un shlakk di Egyptah mitt vundahboahri sacha es ich du zayl unnich eena. Noch sellem, lost eah eich gay.

2. Mosi 6:1

No hott da Hah zumm Mosi ksawt, “Nau zaylsht du sayna vass ich du zayl zumm Pharao, fa deich mei shteiki hand muss eah si gay lossa, un deich mei shteiki hand muss eah si aus sei land dreiva.”

Jesoiya 30:14

Si fald zammah in shtikkah vi eahdich ksha es alles fabrocha vatt. Si fald zammah in so glenni shtikkah es ma kenn grohs genunk shtikk finna kann fa en kohl ab fumm feiyah nemma, adda fa vassah aus en sistahn shebba.”

Jesoiya 51:9

Vekk uf, vekk uf, mach dich shteik, du oahm fumm Hah. Vekk uf, so vi in di alda dawwa, so vi in di layves-zeida funn lang zrikk. Voah's nett dich es Rahab fahakt hott, es es dracha-diah deich kshtocha hott?

Jesoiya 52:10

Da Hah hott sei heilichah oahm blutt gmacht fannich di awwa funn awl di heida, un di endah funn di gans eaht zayla di saylichkeit funn unsah Gott sayna.

Jesoiya 63:12

Sellah es sei hallichah oahm mitt graft kshikt hott fa am Mosi sei rechtsi hand sei, sellah es di vassahra kshpalda hott fannich eena, fa sich en ayvichah nohma macha,

Jeremia 13:14

No shlakk ich si zammah un fabrech si vi tsheahs, aynah geyyich da annah, di feddah un aw iahra boova,” sawkt da Hah. “Ich zayl si nett davvahra un kenn bamhatzichkeit lossa mich shtobba funn si doht macha.”’”

Matthäus 6:13

Un fiah uns nett in di fasuchung, avvah hald uns fumm evila. Fa dei is es Reich, di graft, un di hallichkeit in ayvichkeit. Amen.

Di Offenbarung 2:27

“Eah zayld si ivvah-sayna mitt en eisichi root, un vi eahdich ksha fabrocha vatt, so zayla si in shtikkah fabrocha vadda,” grawt vi ich macht grikt habb funn meim Faddah.

1. Samuel 2:10

Selli es geyyich da Hah sinn, vadda in shtikkah fabrocha. Eah dimmeld geyyich si fumm himmel; da Hah zayld richta ivvah di gans veld. Eah zayld macht gevva zu sei kaynich, un zayld's hann funn seim ksalbda hohch uf hayva.”