2. Mosi 15:2 - Pennsylvania Dutch Bible

² Da Hah gebt miah grefta, un macht mich singa. Eah macht mich saylich. Eah is mei Gott, un ich vill eem lohb gevva, eah is mei faddah sei Gott, un ich hayb een hohch uf.

2. Mosi 15:2 ပူးပေါင်းရင်းမြစ်များ

1. Mosi 17:7

Un ich vill mei bund macha zvishich miah un diah un dei nohch-kummashaft noch diah, un iahra nohch-kummashaft. Dess soll en ayvich bund sei, es ich dei Gott sei zayl un da Gott funn dei nohch-kummashaft.

1. Mosi 49:18

Oh Hah, ich voaht fa dei saylichkeit.

2. Samuel 22:3

Mei Gott is mei Felsa, vo ich mich fashtekla kann, mei Shield, un's Hann funn mei Saylichkeit. Eah is mei shteikah Roo-Blatz, un mei Fashtekkel-Blatz, mei Heiland es mich vekk hald funn fechtichi mennah.

2. Samuel 22:47

Da Hah laybt! Ksaykend is mei Felsa! Gott is hohch ufkohva, da Felsa funn mei saylichkeit.

2. Samuel 22:51

Du gebsht dei kaynich grohsi ivvah-hand, un veisht shtandhaftichi-leevi zu deim ksalbda, zumm Dawfit un sei nohch-kummashaft fa'immah.”

2. Samuel 7:24

Du hosht dei leit Israel ufkokt es dei aykni leit fa'immah, un du, oh Hah, bisht iahra Gott vadda.

2. Samuel 7:5

“Gay un sawk meim gnecht da Dawfit, ‘Dess is vass da Hah sawkt: Bisht du da vann fa miah en haus bauwa es ich drinn voona kann?

1. Kaynicha 8:13

so habb ich nau diah en grohs haus gebaut, en blatz vo du drinn voona kansht fa'immah.”

1. Kaynicha 8:27

Avvah zayld Gott geviss uf di eaht voona? Vei even di himla, yau da haychsht himmel, kann dich nett hayva. Vee feel vennichah deah tempel es ich gebaut habb!

1. Chronik 16:14

Eah is da Hah unsah Gott; eah richt in di gans veld.

Psalm 109:1

Oh Gott, du es ich preisa du, bleib nett shtill.

Psalm 118:14

Da Hah is mei macht un mei Psalm, un eah is mei saylichkeit vadda.

Psalm 118:21

Ich dank dich es du mich keaht hosht, un bisht mei saylichkeit vadda.

Psalm 118:28

Du bisht mei Gott, un ich gebb diah dank; du bisht mei Gott, un ich hayb dich hohch uf.

Psalm 132:5

biss ich en blatz finn fa da Hah, en haymet fa da Mechtich Gott fumm Jakob.”

Psalm 140:7

Oh Almechtichah Hah, mei shteiki hilf, du haldsht mei kobb zu gedekt im dawk funn greek.

Psalm 145:1

Ich vill dich uf hayva, mei Gott un Kaynich, un dei nohma lohva fa'immah un immah.

Psalm 18:46

Da Hah laybt! Glohbt is eah, mei Felsa! Gott mei Heiland soll hohch uf kohva sei!

Psalm 22:10

Ich habb mich falossa uf dich fumm dawk es ich geboahra voah, funn mei muddahs-leib voahsht du mei Gott.

Psalm 22:3

Du bisht heilich uf em kaynich-shtool, un Israel lohbt dich.

Psalm 27:1

Da Hah is mei licht un mei saylichkeit; funn vemm soll ich mich feicha? Da Hah is di Graft funn mei layva; veah brauch ich mich feicha diveyya?

Psalm 28:8

Da Hah is di graft funn sei leit, en sayfah roo-blatz un hilf fa sei ksalbdah.

Psalm 30:1

Ich preis dich, Hah, fa du hosht mich aus em deefa gezowwa, un hosht mei feinda nett glost sich froiya ivvah mich.

Psalm 34:3

Preiset da Hah mitt miah, vella sei nohma uf hayva mitt-nannah.

Psalm 48:14

Fa deah Gott is unsah Gott fa'immah; eah fiaht uns biss an's end.

Psalm 59:17

Zu diah, mei Grohsi Graft, ich zayl lohb singa, fa du, oh Gott, bisht mei feshtah-blatz un mei gnaydichah Gott.

Psalm 68:20

Unsah Gott is da Gott es uns saylich macht, eah is da Gott, unsah Hah, es uns fumm doht hald.

Psalm 99:5

Hayvet da Hah unsah Gott uf, baydet een oh fannich seim foos-shtool; eah is heilich!

Psalm 99:9

Hayvet da Hah unsah Gott uf, deenet een an sei heilichah berg. Fa da Hah unsah Gott is heilich.

2. Mosi 14:13

Avvah da Mosi hott ksawt zu di leit, “Feichet eich nett. Shtaynd shtandhaftich, un vatshet vass da Hah du zayld fa eich frei macha heit. Di Egyptah es diah saynet heit, zayla diah ayvichlich nee nimmi sayna.

2. Mosi 3:6

No hott Gott ksawt, “Ich binn da Gott funn dei faddah, da Gott fumm Abraham, da Gott fumm Isaac un da Gott fumm Jakob.” Da Mosi hott sich kfeicht an Gott gukka, un hott sei ksicht zu gedekt.

2. Mosi 4:22

No solsht du sawwa zumm Pharao, ‘Dess is vass da Hah sawkt, “Da Israel is mei eahsht-geboahranah sohn,

2. Mosi 40:34

No hott di volk da fasamling-tent zu gedekt, un di hallichkeit fumm Hah hott da tempel-tent kfild.

2. Mosi 6:7

Ich nemm eich fa mei leit sei, un ich zayl eiyah Gott sei. No sellet diah vissa es ich da Hah eiyah Gott binn es eich unnich em yoch funn di Egyptah raus gebrocht hott.

Jesoiya 12:2

Gott is geviss mei saylichkeit; ich drau eem un zayl mich nett feicha. Gott da Hah is mei Graft un mei Psaltah-Leet; eah is mei saylichkeit vadda.”

Jesoiya 25:1

Oh Hah, du bisht mei Gott, ich hayb dich uf un lohb dei nohma; du voahsht shtandhaftich un hosht vundahboahri sacha gedu, sacha es du im sinn katt hosht lang zrikk.

Jesoiya 45:17

Avvah Israel zayld frei gmacht sei beim Hah, dess zayld en ayvichi frei-shtelling sei. Du zaylsht nee nimmi fashohmd adda gedaymeedicht vadda deich di gans ayvichkeit.

Jesoiya 49:6

Eah sawkt: “Es is zu leicht en ding es du mei gnecht sei solsht fa di shtamma fumm Jakob zammah bringa, un di leit funn Israel zrikk bringa es ich kalda habb. Ich zayl dich aw en licht macha zu di Heida, so es du mei saylichkeit zu di endah funn di eaht bringsht.”

Jesoiya 66:1

Dess is vass da Hah sawkt: “Da himmel is mei kaynich-shtool, un di eaht is mei foos-bank. So vass fa en haus kennet diah bauwa fa mich? Vass fa en blatz soll ich drinn roowa?

Jeremia 3:23

Gevislich, di abgott savvahrei in di hivla un uf di berga hott uns fafiaht kalda; voahlich, di aynsisht hilf fa Israel kumd fumm Hah unsah Gott.

Jeremia 31:33

“Avvah dess is es bund es ich macha zayl mitt em haus funn Israel noch selli dawwa;” sawkt da Hah, “ich du mei ksetz in si nei, un shreib's uf iahra hatz; ich zayl iahra Gott sei, un si zayla mei leit sei.

Jeremia 32:38

Si zayla mei leit sei, un ich zayl iahra Gott sei.

Habakuk 3:13

Du bisht kumma fa dei leit frei setza, fa dei ksalbdah raus helfa. Du hosht da foah-gengah fumm gottlohsa haus kshlauwa, un hosht een uf kshpalda funn di hifta biss an da hals. (Sela)

Sacharia 13:9

Dess driddel dayl zayl ich deich's feiyah du, un's reinicha vi ma silvah shmelst un's reinich macht, un aw vi gold greinicht vatt. Si zayla mei nohma ohroofa, un ich gebb eena andvat. Ich zayl sawwa, ‘Si sinn mei leit,’ un si sawwa, ‘Da Hah is unsah Gott.’”

Lukas 1:77

un fa sei leit lanna veyyich di saylichkeit es iahra sinda fagevva sinn,

Lukas 2:30

Fa mei awwa henn dei Heiland ksenna

Johannes 4:22

Diah visset nett vass diah ohbaydet; miah vissa vass miah ohbayda veil di saylichkeit funn di Yudda kumd.

Johannes 5:23

so es alli-ebbah da Sohn eahra dutt, grawt vi si da Faddah eahra doon. Deah vo da Sohn nett eaht, dutt aw nett da Faddah eahra vo een kshikt hott.

Di Apostelgeschichte 4:12

Es is kenn saylichkeit in ennich ebbahm shunsht, veil kenn anrah nohma unnich em Himmel zu di mensha gevva is es miah saylich vadda kenna dideich.”

2. Korinther 5:19

naymlich, es Gott in Christus am di veld zammah bringa voah zu sich selvaht, un hott leit iahra sinda nett geyyich si kohva. Eah hott's uf uns glaykt fa dess Vatt vo Gott un leit zammah bringd bekand macha.

Epheser 2:22

Un in eem sind diah aw am zammah ufgebaut vadda in en gebei vo Gott drinn voona kann deich da Geisht.

5. Mosi 10:21

Preiset een; eah is eiyah Gott es selli grohsi un shreklichi sacha gedu hott fa eich es diah ksenna hend mitt eiyah awwa.

Philipper 2:11

Un alli zung soll bekenna es Jesus Christus da Hah is, zu di hallichkeit funn Gott da Faddah.

Philipper 4:13

Ich kann alles du deich Christus vo miah graft gebt.

Kolosser 2:9

Fa in eem voond di foll Gottheit imma leiblichah vayk,

Di Offenbarung 15:3

Si henn's leet fumm Mosi, Gott sei gnecht, ksunga, un's leet fumm Lamm, un henn ksawt, “Grohs un vundahboah sinn dei verka, oh Hah Gott, du Awlmechtichah. Gerecht un voahlich sinn dei vayya, du Kaynich funn di leit funn alli lendah.

Di Offenbarung 19:1

Noch demm habb ich keaht vass glaut hott vi en grohsi shtimm funn en grohsi drubb im Himmel am sawwa, “Halleluja! Di saylichkeit, di eah, di hallichkeit un di graft heahra zumm Hah unsah Gott,

Richtah 5:21

Da Kison Revvah hott si vekk gvesha, da ald revvah, da Kison Revvah. Gay fassich, mei sayl, mitt gvald.