2. Mosi 15:1 - Pennsylvania Dutch Bible

¹ Da Mosi un di Kinnah-Israel henn no dess leet ksunga zumm Hah, un henn ksawt: “Ich sing zumm Hah, fa eah is hohch uf kohva. Da gaul un sei reidah hott eah in da say kshmissa.

2. Mosi 15:1 ပူးပေါင်းရင်းမြစ်များ

Nehemia 9:11

Du hosht da say fadayld fannich eena, un si sinn deich di mitt fumm say ganga uf em drukkana grund, avvah iahra fafolkah hosht du in's deefa kshmissa, vi en shtay in's shteik vassah.

Hiob 36:24

Fagess nett fa sei eahvet preisa, funn demm es leit singa diveyya.

Psalm 105:43

Eah hott sei leit raus gebrocht mitt frayt, sei raus-groofeni diveil es si am singa voahra.

Psalm 106:12

No henn si sei vatt geglawbt, un henn sei lohb ksunga.

Psalm 107:15

Loss si da Hah danka fa sei shtandhaftichi-leevi, fa di vundahboahri sacha es eah dutt zu di mensha-kinnah.

Psalm 107:8

Loss si da Hah danka fa sei shtandhaftichi-leevi, fa di vundahboahra sacha es eah dutt zu di mensha-kinnah.

Psalm 32:7

Mitt diah kann ich mich fashtekla; du haldsht mich aus di kfoah funn druvvel; du umringsht mich mitt selli es laut singa veil ich frei ksetzt binn. (Sela)

Psalm 76:6

Funn deim gezank, oh Gott fumm Jakob, hott da gaul un da vauwa shtill uf em bodda gleyya.

Psalm 76:7

Avvah alli-ebbah soll sich feicha veyyich diah. Veah kann fannich diah shtay vann du bays bisht?

2. Mosi 14:26

No hott da Hah ksawt zumm Mosi, “Shtrekk dei hand naus ivvah da say so es es vassah zammah kumma kann ivvah di Egyptah un iahra veyya un geil-reidah.”

2. Mosi 14:27

So hott da Mosi sei hand naus kshtrekt ivvah da say, un vi's meiya is vadda is da say zrikk zammah kumma vi difoah. Di Egyptah henn rumm gedrayt un voahra am in digeyya gay, un da Hah hott's vassah ivvah si gvesha in di mitt fumm say.

2. Mosi 15:21

Un di Miriam hott ksunga zu eena: “Singet zumm Hah, fa eah is hohch uf kohva. Da gaul un sei reidah hott eah in da say kshmissa.”

2. Mosi 18:11

Nau vays ich es da Hah graysah is es awl di gettah, fa eah hott sich shteikah gvissa vo di Egyptah in iahra hohchmoot, Israel letz gyoost henn.”

Shpricha 29:6

En evilah mann is kfanga bei sei aykni sind, avvah en gerechtah mann kann singa un sich froiya.

Jesoiya 42:10

Singet en nei leet zumm Hah. Singet lohb zu eem biss an's end funn di eaht, diah es nunnah an da say gaynd, un alles es drinn is, diah islands un awl selli es druff voona.

Jeremia 51:21

mitt diah brech ich gaul un reidah in shtikkah, mitt diah brech ich vauwa un fuah-mann in shtikkah,

Hosea 2:17

Fa ich zayl di nayma Baals aus iahra maul nemma, so es selli nayma nimmi ksawt vadda.

Habakuk 3:18

doch zayl ich mich froiya deich da Hah, un zayl fraylich sei in Gott mei Frei-Shtellah.

4. Mosi 21:17

No hott Israel dess leet ksunga: “Brunna, loss es vassah lawfa, miah singa zu diah!

Kolosser 2:15

Eah hott di gvald vekk gnumma funn di geishtlicha ivvah-saynah un selli vo macht henn, hott si awl uf gvissa fannich di leit, un hott di ivvah-hand gnumma funn eena deich een.

Di Offenbarung 15:3

Si henn's leet fumm Mosi, Gott sei gnecht, ksunga, un's leet fumm Lamm, un henn ksawt, “Grohs un vundahboah sinn dei verka, oh Hah Gott, du Awlmechtichah. Gerecht un voahlich sinn dei vayya, du Kaynich funn di leit funn alli lendah.