2. Korinther 7:1 - Pennsylvania Dutch Bible

¹ Siddah es miah dee fashprechinga henn, leevi breedah, vella uns selvaht sauvah macha funn alles es unsah leib un geisht unsauvah macht. Un vella fassich gay geyyich folkummani heilichkeit mitt di furcht funn Gott.

2. Korinther 7:1 ပူးပေါင်းရင်းမြစ်များ

2. Chronik 19:9

Eah hott eena dess gebott gevva: “Diah sellet dess du in di furcht fumm Hah, un seind shtandhaftich mitt eiyah gans hatz.

Psalm 119:9

Vi kann en yungah mann sei vayk sauvah halda? Bei layva vi dei vatt sawkt.

Psalm 19:9

Di furcht fumm Hah is rein, un bleibt fa'immah. Di gerichta fumm Hah sinn voah, un sinn gans gerecht.

Psalm 51:10

Shaff in miah en rein hatz, oh Gott, un mach en neiyah un en gerechtah geisht in miah.

Shpricha 16:6

Deich shtandhaftichi-leevi un voahheit vadda sinda fagevva, un deich di furcht fumm Hah hald en mann sich vekk funn evil.

Shpricha 20:9

Veah kann sawwa, “Ich habb mei hatz sauvah gmacht, un ich binn rein funn mei sinda?”

Shpricha 30:12

selli es sich rein dinka in iahra aykni awwa, avvah si sinn nett sauvah funn iahrem drekk;

Shpricha 8:13

Di furcht fumm Hah maynd du hasht evil; ich hass shtolsheit un hohchmoot, en evil layves-lawf un falshi kshvetzah.

Breddichah 11:10

So nemm da angsht aus deim hatz, un du vekk vass diah shmatza gebt. Fa's is feel es ma nett fashtay kann vann ma yung is.

Jesoiya 1:16

Veshet eich un machet eich sauvah. Nemmet's evil es diah doond vekk funn mei awwa. Heahret uf letz du.

Jesoiya 55:7

Loss da gottlohs mensh sei vayk falossa, un da evil mensh sei gedanka. Loss een sich zumm Hah drayya, un eah zayld bamhatzich sei zu eem; loss een sich zu unsah Gott drayya, veil eah een geahn fagebt.

Jeremia 13:27

Ich habb dei aybrechahrei, dei hengshtahrei un dei shandlichi huahrahrei ksenna. Ich habb ksenna vi du dich fashohmd hosht uf di hivla un in di feldah. Vay zu diah, oh Jerusalem, vann zaylsht du selayva rein vadda?”

Jeremia 4:14

Vesh dei hatz funn evil, oh Jerusalem, so es du kolfa sei kansht. Vi lang zaylsht du gottlohsi gedanka hayva?

3. Mosi 13:58

Es shtikk glaydah, es vull adda linnen duch is, un's shtikk gmacht aus leddah es da grohtz raus kumd vann's gvesha is, muss no viddah gvesha sei, no is es rein.”

Matthäus 12:33

Vann diah sawwet da bohm is goot, dann misset diah aw sawwa di frucht is goot. Vann diah sawwet da bohm is shlecht, dann misset diah aw sawwa di frucht is shlecht. Fa deich di frucht doon leit da bohm kenna.

Matthäus 5:48

Fasell, sellet diah folkumma sei, grawt vi eiyah Faddah im Himmel folkumma is.”

Matthäus 5:8

Ksaykend sinn selli vo reini hatza henn. Si zayla Gott sayna.

Di Apostelgeschichte 9:31

No henn di gmayna in Judayya, Galilaya un Samaria, fridda katt, un sinn ufgebaut vadda. Si sinn gloffa im furcht fumm Hah, un voahra gedrohsht im Heilicha Geisht, un di gmay is gvaxa.

Römer 5:20

Un's Ksetz is no rei kumma, so es sinda mechtichah vadda. Avvah vo sinda mechtich voahra, datt is di gnawt feel mechtichah vadda.

1. Korinther 6:20

fa diah voahret deiyah gekawft. Fasell fakleahret Gott in eiyahm leib un in eiyahm geisht, fa si heahra zu Gott.

2. Korinther 1:20

Fa awl di fashprechinga funn Gott sinn “Yau” in eem, un sinn “Amen” in eem zu di hallichkeit funn Gott bei uns.

Epheser 2:3

Unnich dee henn miah aw eahshtah awl glaybt im lusht fumm flaysh un henn gedu vass unsah ayknah villa voah un vass unsah meind en falanga katt hott fa du. So voahra miah deich di naduah, kinnah fumm zann grawt vi awl di anra.

1. Thessalonicher 3:13

Dess is so es eah eiyah hatza shtandhaftich un unshuldich sinn in di heilichkeit fannich unsah Gott un Faddah vann unsah Hah Jesus Christus moll kumd mitt awl sei heilichi.

1. Thessalonicher 4:7

Fa Gott hott uns nett groofa zu unreinichkeit, avvah zu heilichkeit.

1. Thessalonicher 5:23

Un miah bayda es da Gott funn fridda eich deich un deich heilich macht. Miah bayda es eah eiyah geisht, sayl un leib unshuldich hald am dawk vo unsah Hah Jesus Christus kumd.

Hebräer 12:23

Diah sind zu di fasamling un di gmay fumm eahsht-geboahrana kumma, dee vo ufkshrivva sinn im Himmel. Diah sind zu Gott, da richtah funn alli mensha kumma, un zu di geishtah funn gerechti mensha es folkumma gmacht sinn,

Hebräer 12:28

So dann, siddah es miah am en Kaynich-Reich greeya sinn es nett kshiddeld sei kann, losset uns gnawt havva, so es miah Gott deena kenna in en vayk es es eem kfellich is, un een eahra mitt angsht.

Hebräer 4:1

Fasell, siddah es di fashpreching fa in sei roo nei gay alsnoch shtayt, vella uns feicha so es kens funn eich kfunna vatt fa katz falla difunn.

Hebräer 6:9

Avvah diah leebshti, even vann miah shvetza vi dess, sinn miah shuah funn bessahri sacha fa eich, sacha es mitt di saylichkeit gayn.

Jakobus 4:8

Kummet nayksht zu Gott un eah kumd nayksht zu eich. Machet eiyah hend sauvah, diah sindah; un reinichet eiyah hatza, diah vo zvay vayya denket.

1. Petrus 1:15

Avvah vi deah vo eich groofa hott heilich is, so seind diah aw heilich in alles es diah doond.

1. Petrus 1:17

Un siddah es diah da Faddah ohroofet, deah vo alli-ebbah richt bei unsah verka unni unnahshitt, dann fiahret eiyah layves-lawf mitt furcht diveil es diah do uf di eaht sind.

1. Petrus 1:22

Nau siddah es diah eiyah sayl greinicht hend bei di voahheit heicha deich da Geisht, un hend en deefi leevi fa di breedah, saynet ditzu es diah nannah eahnshtlich leevet mitt reini hatza.

1. Petrus 2:11

Leevi breedah, ich famohn eich es auslendah un fremdi leit in di veld, gevvet nett ei zu eiyah flayshlichah lusht vo shtreit macht geyyich di sayl.

1. Petrus 5:10

Avvah da Gott funn alli gnawt, deah vo uns raus groofa hott zu sei ayvichi hallichkeit in Christus Jesus, zayld selvaht eich folkumma, shtandhaftich, greftich un gegrund macha, noch demm es diah glidda hend fa en katzi zeit.

1. Johannes 1:7

Avvah vann miah im licht lawfa vi eah im licht is, dann henn miah gmeinshaft mitt-nannah, un's bloot funn Jesus Christus, sei Sohn, macht uns sauvah funn alli sinda.

1. Johannes 1:9

Vann miah unsah sinda bekenna, dann is eah shtandhaftich un gerecht, un dutt unsah sinda fagevva un macht uns sauvah funn alli ungerechtichkeit.

1. Johannes 3:3

Un alli-ebbah es dee hofning in sich hott dutt sich rein macha, grawt vi eah rein is.