2. Korinther 6:7 - Pennsylvania Dutch Bible

⁷ im Vatt funn di voahheit, in di graft Gottes, deich's greeks-ksha funn gerechtichkeit in di rechts hand un in di lings,

2. Korinther 6:7 ပူးပေါင်းရင်းမြစ်များ

Psalm 119:43

Nemm nett's vatt funn di voahheit aus meim maul, fa ich hoff in dei adnunga.

2. Mosi 14:22

No sinn di Kinnah-Israel uf drukka land gloffa in di mitt fumm say. 'S vassah voah vi en vand zu eena uf iahra rechtsi un lingsi seit.

Shpricha 3:16

Lang layva is in di veisheit iahra rechtsi hand, un in iahra lingsi hand is reichheit un eah.

Jesoiya 11:5

Gerechtichkeit zayld um sei bauch rumm sei, un shtandhaftichkeit zayld um sei hiftza rumm sei.

Jesoiya 59:17

Eah hott gerechtichkeit ohgedu vi en brusht-playt, un hott en greeks-hoot funn saylichkeit uf sei kobb. Eah hott auseeves ohgedu vi glaydah, un sei zann vi en ivvah-rokk.

Markus 16:20

Un si sinn naus ganga un henn ivvahrawlich gebreddicht, un da Hah hott mitt eena kshaft, un hott's Vatt greftich gmacht mitt di zaycha vo nohch kumma sinn. Amen.

Di Apostelgeschichte 11:21

Da Hah voah bei eena un feel leit henn geglawbt, un henn sich bekeaht zumm Hah.

1. Korinther 1:24

Avvah zu selli vo raus groofa sinn funn di Yudda un di Greeyisha, is Christus Gottes graft un Gottes veisheit.

2. Korinther 13:4

Fa eah voah gegreitzicht in shvachheit, avvah eah laybt deich di graft funn Gott. Miah sinn aw shvach in eem, avvah in shaffa mitt eich zayla miah layva mitt eem deich di graft funn Gott.

2. Korinther 2:17

Miah sinn nett vi so feel anri vo's Vatt Gottes fa'ennahra, un's yoosa fa geld macha. Avvah in Christus shvetza miah fannich Gott mitt ufrichtichkeit, un vi mennah vo kshikt sinn funn Gott.

2. Korinther 4:2

Avvah miah henn nix zu du mitt sacha vo hinna rumm un shandlich sinn, un miah lawfa nett shlichtich rumm. Miah fadrayya nett Gott sei Vatt, avvah deich di voahheit ufrichtich bekenna, doon miah uns ufrichtich veisa fannich Gott in di innahlicha gedanka funn awl mensha.

2. Korinther 7:14

Fa veyyich demm es ich eich ufkshvetzt habb zu eem brauch ich mich nau nett shemma, avvah grawt vi alles di voahret is es miah ksawt henn zu eich, so is dess aw voah kumma vass ich ksawt habb veyyich eich zumm Titus.

Epheser 1:13

In eem voahret diah aw gmeikt un kseald mitt em Heilicha Geisht vo fashprocha voah, noch demm es diah's Vatt funn di Voahheit, dess is, es Effangaylium funn eiyah saylichkeit, keaht hend un aw geglawbt hend.

Epheser 3:20

Nau zu eem vo feel may du kann es miah frohwa adda denka kenna deich di graft vo in uns shaft,

Epheser 4:21

Ich fanemm es diah keaht hend funn eem un voahret gland bei eem in di voahheit funn Jesus.

Kolosser 1:5

deich di hofning es ufglaykt is fa eich im Himmel. Veyyich dee hofning hend diah shund keaht im Vatt funn di Voahheit, es Effangaylium

1. Thessalonicher 5:8

Avvah siddah es miah zumm dawk heahra, vella miah sohbah bleiva. Doond's brusht-playt fumm glawva un leevi oh, un fa en greeks-hoot, di hofning funn di saylichkeit.

2. Timotheus 2:15

Du dei besht fa dich fannich Gott shtella so es du eem kfalsht. Sei en sheffah es sich nett shemma brauch, un aynah es es Vatt funn di voahheit recht auslaykt.

2. Timotheus 4:7

Ich habb en goodi fecht kfochta, ich habb dess layves-lawf folshtendich ausgedrawwa un faddich gmacht, ich habb da glawva kalda.

Hebräer 2:4

Gott hott aw zeiknis gevva zu eena deich zaycha un vundahra, mitt feel greftichi sacha un kshenkah fumm Heilicha Geisht es eah gevva hott veil's sei villa voah.

Jakobus 1:18

Funn seim ayknah villa hott eah uns gezeikt deich's Vatt funn di Voahheit, so es miah sadda sei sedda es vi di eahshta es eah kshaffa hott.