2. Korinther 5:11 - Pennsylvania Dutch Bible

¹¹ Fasell, veil miah di furcht fumm Hah vissa, doon miah leit fashvetza. Da Hah vayst vass miah sinn, un ich hoff in eiyah innahlichi gedanka visset diah aw vass miah sinn.

2. Korinther 5:11 ပူးပေါင်းရင်းမြစ်များ

1. Mosi 35:5

Vi si ganga sinn, voah en grohsi furcht funn Gott ivvah di shtett um si rumm un's is nimmand eena nohch kumma.

Hiob 18:11

Alles um een rumm fagelshtaht een mitt angsht, un dess gayt eem nohch mitt alli shritt.

Hiob 31:23

Fa ich feich mich veyyich Gott sei shtrohf ivvah mich, un sei hallichkeit dayt mich halda funn so sach du.

Hiob 6:4

Em Awlmechticha sei arrows shtekka in miah; mei geisht drinkt iahra gift. Ich binn fagelshtaht bei di sacha es Gott ufgleind hott geyyich mich.

Psalm 73:19

Si vadda bletzlich zu nix gebrocht, si vadda vekk gekeaht zu en heslich end.

Psalm 76:7

Avvah alli-ebbah soll sich feicha veyyich diah. Veah kann fannich diah shtay vann du bays bisht?

Psalm 90:11

Veah fashtayt dei graft vann du bays bisht? Veah vayst di furcht funn deim zann?

Jesoiya 19:16

In sellem dawk zayld Egypta sei vi veibsleit. Si zayla ziddahra un sich feicha vann da Awlmechtich Hah sei hand uf haybt geyyich si.

Jesoiya 33:14

Di sindah funn Zion sinn fagelshtaht, di gottlohsa ziddahra. Si sawwa, “Veah funn uns kann voona mitt em fazeahrich feiyah? Veah funn uns kann layva mitt ayvich brennes?”

Nahum 1:6

Veah kann fannich seim zann shtay? Veah kann sei haysah zann shtenda? Sei zann brend vi feiyah, un macht di felsa in shtikkah fabrecha.

Matthäus 10:28

Feichet eich nett veyyich selli vo eiyah leib umbringa kenna avvah eiyah sayl nett umbringa kenna. Feichet eich avvah veyyich demm vo eiyah leib un sayl gans fadauva kann in di hell.

Matthäus 25:46

Un si gayn hee vo si ayvichlich kshtrohft vadda, avvah di gerechta gayn in's ayvich layva.”

Lukas 12:5

Avvah ich sawk eich vemm zu feicha: feichet eich veyyich demm vo, noch demm es eah eich doht gmacht hott, hott di graft fa eich in di hell shtohsa; yau, ich sawk eich, feichet eich veyyich eem!

Lukas 16:31

Da Abraham hott ksawt, ‘Vann si nett da Mosi un di brofayda heahra, dann doon si aw nett glawva vann ebbah uf shtayt funn di dohda.’”

Di Apostelgeschichte 13:43

Nau vo di leit moll ausnannah voahra fumm Yudda gmay-haus, sinn feel funn di Yudda, un dee vo da Yudda glawva ohgnumma katt henn, em Paulus un em Barnabas nohch ganga. Da Paulus un da Barnabas henn kshvetzt zu eena, un henn si famohnd es si in di gnawdi Gottes bleiva sella.

Di Apostelgeschichte 18:13

un henn ksawt, “Deah kall dutt leit fashvetza fa Gott deena in en vayk es geyyich's Ksetz is.”

Di Apostelgeschichte 18:4

Da Paulus hott alli Sabbat gebreddicht im Yudda gmay-haus fa di Yudda un di Greeyishi fashvetza.

Di Apostelgeschichte 19:26

un diah kennet sayna un heahra, vi nett yusht an Ephesus avvah fasht deich gans Asia, hott deah Paulus di leit fashvetzt un si vekk gedrayt bei eena sawwa, ‘Es hott kenn gettah es gmacht sinn mitt hend.’

Di Apostelgeschichte 26:26

Ich kann grawt raus shvetza. Da kaynich vayst funn dee sacha. Ich binn shuah es eah alles vayst vi si blatz gnumma henn, veil dee sacha nett fashtekkeld kalda voahra.

Di Apostelgeschichte 28:23

Un vo si eem en dawk ksetzt katt henn, sinn feel funn eena uf sellah dawk zu eem kumma am blatz vo eah geblivva is. No hott eah eena ausglaykt un en zeiknis gevva fumm Reich-Gottes. Eah hott funn free meiyets biss ohvets broviaht si fashvetza veyyich Jesus, fumm Ksetz Mosi un aw funn di brofayda.

2. Korinther 2:17

Miah sinn nett vi so feel anri vo's Vatt Gottes fa'ennahra, un's yoosa fa geld macha. Avvah in Christus shvetza miah fannich Gott mitt ufrichtichkeit, un vi mennah vo kshikt sinn funn Gott.

2. Korinther 5:20

So nau, sinn miah Christus sei botshaftah, es vann Gott eich famohna dayt deich uns. Miah halda oh an eich in Christus sei blatz; machet fridda mitt Gott.

2. Korinther 6:1

Miah, dann, vo mitt-helfah sinn zu eem, famohna eich es diah di gnawdi Gottes nett ohnemmet fa nix.

Galater 1:10

Binn ich nau am mensha kfalla sucha, adda Gottes kfalla? Adda binn ich am mich beleebt macha zu leit? Vann ich noch am mich beleebt macha veah zu leit, dann veah ich nett en gnecht funn Christus.

Epheser 5:21

Gevvet eich uf zu nannah in di furcht funn Gott.

Hebräer 10:31

Es is en shreklich ding fa in di hend fumm levendicha Gott falla.

Hebräer 12:29

Fa unsah Gott is en fazeahrich feiyah.

Judas 1:23

Machet anri saylich mitt furcht. Zeeyet si aus em feiyah, un hasset even's glayt es fadrekt is mitt em flaysh.

Di Offenbarung 20:15

Un vann ennich ebbah sei nohma nett kshrivva kfunna gvest voah im buch funn layva, dann voah eah in da say funn feiyah kshmissa.