2. Korinther 3:16 - Pennsylvania Dutch Bible

¹⁶ Avvah vann ebbah sich zumm Hah drayt vatt's duch vekk gnumma.

2. Korinther 3:16 ပူးပေါင်းရင်းမြစ်များ

2. Mosi 34:34

Avvah vann da Mosi als nei fannich da Hah ganga is fa shvetza zu eem, hott eah sei ksicht abgedekt biss eah viddah raus kumma is. Un vann eah als raus kumma is un hott di Kinnah-Israel ksawt vass gebodda voah,

Jesoiya 25:7

Uf demm berg nemd eah's duch ab es alli leit zu dekt, es duch es alli lendah zu gedekt hald.

Jesoiya 29:18

In sellem dawk zayla di dawba di vadda heahra in en buch, un aus iahra dunkli finshtahnis zayla di blinda sayna.

Jesoiya 54:13

Awl dei kinnah vadda gland beim Hah; si zayla kinnah sei mitt grohsah fridda.

Jeremia 31:34

En mann zayld nimmi sei nochbah adda sei broodah lanna, un sawwa, ‘Lann da Hah kenna,’ fa si zayla mich awl kenna, fumm glenshta zumm grayshta,” sawkt da Hah, “veil ich iahra ungettlichkeit fagebb un nee nimmi an iahra sinda denk.”

Glawk-Leedah 3:40

Vella unsah layves-lawf ivvah-denka un unnah-sucha, un no zrikk drayya zumm Hah.

Römer 11:23

Un vann di Yudda nett ohhalda in iahra unglawva, dann vadda si nei gezveicht, fa Gott hott di graft fa si viddah nei zveicha.

2. Korinther 3:15

Zu demm dawk vann da Mosi glaysa vatt is en duch ivvah iahra hatz.

5. Mosi 30:10

Dess is vann diah em Hah eiyah Gott heichet un sei gebodda un adninga haldet es kshrivva sinn in demm buch fumm ksetz. Diah misset zumm Hah eiyah Gott drayya mitt eiyah gans hatz un eiyah gansi sayl.

5. Mosi 4:30

Vann diah in dreebsawl sind un awl dee sacha uf eich kumma in di letshta dawwa, no zayla diah eich bekeahra zumm Hah eiyah Gott un eem heicha.