2. Korinther 11:12 - Pennsylvania Dutch Bible

¹² Vass ich am du binn zayl ich ohhalda du, so es ich di uahsach ab-shneida kann funn selli es en uahsach sucha fa braekka es si veahra vi miah sinn.

2. Korinther 11:12 ပူးပေါင်းရင်းမြစ်များ

Hiob 23:13

Avvah eah shtayt laynich; veah kann geyyich een gay? Eah dutt vass eah vill.

Matthäus 26:16

Un funn selli zeit on hott eah gegukt fa di gleyyaheit fa een farohda.

1. Korinther 5:6

Eiyah gebraekk is nett goot. Vissa diah nett es en bissel savvah-dayk da gans haufa dayk savvah macht?

1. Korinther 9:12

Vann anri dess recht henn funn eich, sedda miah nett feel may? Avvah miah henn dess recht nett gnumma. Miah vedda leevah ennich ebbes soffahra, yusht so es miah kenn hinnahnis sinn zumm Effangaylium funn Christus.

2. Korinther 1:17

Voah ich am dess du imma leichtah vayk vo ich dess in meind katt habb? Adda shaff ich mei sacha aus imma veldlichah vayk so es ich “Yau, yau” un “Nay, nay” sawk an di saym zeit?

2. Korinther 10:17

“Avvah fa sellah vo braekka vill, loss een braekka im Hah.”

2. Korinther 11:18

Siddah es feel braekka vi di veld braekt, dann doon ich aw braekka.

2. Korinther 11:9

Un vo ich bei eich voah un habb noht katt, habb ich kens funn eich gebaddaht, fa di breedah vo funn Matzedonia kumma sinn henn miah gevva vass ich gebraucht habb. Ich habb mich kalda funn eich nunnah-lawda, un ich zayl ohhalda so du.

2. Korinther 5:12

Miah vella uns nett viddah uf shvetza zu eich, avvah miah sinn am eich grund gevva fa shtols sei veyyich uns, so es diah selli andvadda kennet vo shtols sinn veyyich demm vass ma sayna kann un nett vass im hatz is.

Galater 1:7

Es is veiklich kenn annah effangaylium, avvah's sinn samm datt vo eich druvvel macha, un vella's Effangaylium funn Christus fadrayya.

1. Timotheus 5:14

So vill ich havva es yungi vitt-veivah heiyahra, kinnah henn, un iahra haus halda. Sellah vayk gevva si selli vo geyyich uns sinn kenn uahsach fa uns nunnah-ranna.