2. Korinther 1:4 - Pennsylvania Dutch Bible

⁴ Eah draysht uns in awl unsah dreebsawl, so es miah selli drayshta kenna vo alli sadda dreebsawl henn mitt em sayma drohsht es miah selvaht gedraysht sinn bei Gott.

2. Korinther 1:4 ပူးပေါင်းရင်းမြစ်များ

Psalm 32:5

No habb ich mei sinda bekend zu diah, un habb mei shulda nett zu gedekt. Ich habb ksawt, “Ich bekenn mei ivvah-dreddes zumm Hah,” un du hosht di shuld funn mei sinda vekk gnumma. (Sela)

Psalm 32:7

Mitt diah kann ich mich fashtekla; du haldsht mich aus di kfoah funn druvvel; du umringsht mich mitt selli es laut singa veil ich frei ksetzt binn. (Sela)

Psalm 66:16

Kummet un heichet, awl diah es Gott firchtet; losset mich eich sawwa vass eah gedu hott fa mich.

Psalm 86:17

Veis miah en zaycha es du's goot maynsht fa mich, so es selli es mich hassa sich shemma missa, veil du, oh Hah, miah bei shtaysht un mich drayshta dusht.

Jesoiya 12:1

Uf sellah dawk zaylsht du sawwa: “Ich gebb dank zu diah, oh Hah. Fa du voahsht zannich mitt miah, avvah dei zann is nau vekk gedrayt, un du dusht mich drayshta.

Jesoiya 40:1

Drayshtet, drayshtet mei leit, sawkt eiyah Gott.

Jesoiya 49:10

Si zayla nett hungahrich adda dashtich sei, un di hitz un sunn dreft si nett. Sellah es bamhatzich is zu eena zayld si fiahra, un si an vassah-shpringa bringa.

Jesoiya 51:12

“Ich, yau ich, binn sellah es eich draysht. Veah bisht du es sich feicht veyyich mensha es shtauva, un veyyich mensha-kinnah es yusht sinn vi graws?

Jesoiya 51:3

Da Hah zayld Zion drayshta, un zayld bamhatzich sei zu iahra veeshti bletz; eah macht iahra vildahnis vi Eden, un iahra drukka land vi em Hah sei goahra. Frayt un fraylichkeit vatt kfunna datt, un aw dankboahkeit un di yacht funn singes.

Jesoiya 52:9

Seind fraylich un singet zammah, diah fadauvani bletz in Jerusalem, fa da Hah hott sei leit gedraysht un hott Jerusalem frei ksetzt.

Johannes 14:16

Un ich bayt da Faddah, un eah gebt eich en anrah Drayshtah es immah bei eich is.

Johannes 14:18

Ich loss eich nett es vi kinnah unni eldra; ich kumm zu eich.

Johannes 14:26

Avvah da Drayshtah, da Heilich Geisht, vo da Faddah shikt in meim nohma, eah land eich alli sacha, un gmohnd eich droh an alles es ich ksawt habb zu eich.

2. Korinther 7:13

Fasell voahra miah gedrohsht bei eiyahm drohsht. Avvah miah henn uns noch feel may kfroit ivvah di frayt fumm Titus, veil sei geisht froh gmacht voah bei eich awl.

2. Korinther 7:4

Ich shvetz zu eich mitt grohsi freiheit, un binn shtols mitt eich. Ich habb en grohsah drohsht. Mitt awl unsah dreebsawl habb ich alsnoch grohsi frayt.

Philipper 1:14

Un feel funn di breedah im Hah sinn shteikah gmacht vadda veil ich gebunna binn, un sinn may fassich fa's Vatt breddicha unni sich feicha.

1. Thessalonicher 4:18

Fasell drayshtet nannah mitt dee vadda.

1. Thessalonicher 5:11

Fasell, famohnet nannah un bauwet nannah uf, so vi diah am du sind.

Hebräer 12:12

So dann, hayvet eiyah hend uf es nunnah henka, un aw eiyah shvachi gnee.