2. Kaynicha 7:8 - Pennsylvania Dutch Bible

⁸ Vo di mennah mitt aussatz nivvah an di camp kumma sinn, sinn si in ayns funn di tents nei ganga un henn gessa un gedrunka. No henn si silvah un gold un glaydah vekk gedrawwa un si fashtekkeld. Si sinn no viddah zrikk in en anra tent un henn noch may shtoft gnumma un's fashtekkeld.

2. Kaynicha 7:8 ပူးပေါင်းရင်းမြစ်များ

2. Kaynicha 5:24

Vo si an da hivvel kumma sinn, hott da Gehasi di sekk gnumma funn di gnechta un hott si in's haus gedu. No hott eah di mennah fatt kshikt un si sinn ganga.

2. Kaynicha 7:9

No henn si ksawt zu nannah, “Miah sinn nett am recht du. Dess is en dawk funn goodi zeiya, un miah sinn am si zu uns selvaht halda. Vann miah voahra biss es dawk vatt meiya-free, dann kumd en shtrohf uf uns. Vella grawt gay un dess fazayla am kaynich-haus.”

Jesoiya 33:23

Di shtrikk es da maest-pohl hayva sinn lohs, si hayva da maest-pohl nett fesht am shiff, un di sails kenna nett kshpand sei. No vatt sell vass gnumma vatt im greek fadayld, even di lohma kumma un nemma's sach.

Jeremia 41:8

Avvah zeyya funn di mennah henn ksawt zumm Ismael, “Mach uns nett doht, miah henn vaytza, geahsht, ayl un hunnich fashtekkeld in en feld.” So henn si si gay glost un henn si nett doht gmacht mitt di anra.

Matthäus 13:44

“Es Himmel-Reich is vi geld es fashtekkeld voah imma feld un en mann kfunna hott un hott's zu gedekt. No in seinra grohsi frayt gayt eah un fakawft alles es eah hott un kawft sell feld.

Matthäus 25:18

Avvah sellah vo ay dausend dawlah grikt katt hott is ganga un hott seim meishtah sei geld fagrawva im bodda.

Joshua 7:21

Unnich em shtoft in di shtatt habb ich en shaynah Babylonishah ivvah-rokk ksenna, zvay hunnaht shtikkah silvah un en shtikk gold es ivvah en pund gvohwa hott. Ich habb glusht noch demm shtoft un habb's gnumma. Ich habb's fashtekkeld unnich em grund in meim tent un's silvah is es unnahsht.”