2. Kaynicha 6:10 - Pennsylvania Dutch Bible

¹⁰ Da kaynich funn Israel hott no vatt nunnah kshikt an da blatz es da mann funn Gott eem ksawt katt hott un gvand katt hott. May es ay adda zvay mohl hott da Elisa da kaynich gvand, so es eah sich gvatsht hott an so bletz.

2. Kaynicha 6:10 ပူးပေါင်းရင်းမြစ်များ

1. Kaynicha 20:15

No hott da Ahab di yunga greeks-gnechta funn di govvenahs zammah groofa. Alles zammah voahra's 232 mennah. No hott eah di ivvahricha Israeliddah zammah groofa. Dess voahra 7,000 alles zammah.

2. Kaynicha 13:14

Nau vo da Elisa grank vadda is mitt di granket es eah kshtauva is mitt, dann is da Kaynich Joas funn Israel nunnah ganga zu eem un hott keild ivvah een. Eah hott ksawt, “Mei faddah! Mei faddah! Di greeks-veyya funn Israel un iahra geils-mennah!”

2. Kaynicha 2:12

Da Elisa hott dess ksenna un hott naus gegrisha, “Mei faddah, mei faddah, di veyya funn Israel un iahra geils-leit!” Un da Elisa hott een nimmi ksenna. No hott eah hohld gnumma an sei glaydah un hott si in zvay shtikkah grissa.

2. Kaynicha 5:14

No is eah nunnah ganga un hott sich sivva mohl unnich's vassah fumm Jordan Revvah gedu, so vi da mann funn Gott eem ksawt katt hott. No voah sei flaysh kayld un voah vi's flaysh funn en glay kind. Un eah voah rein.

2. Kaynicha 6:11

Nau's hatz fumm kaynich funn Syria voah veesht gedruvveld ivvah dess, un eah hott sei gnechta bei groofa un ksawt zu eena, “Zaylet diah miah nett sawwa vels funn uns es uf em kaynich funn Israel sei seit is?”

2. Kaynicha 6:9

Da mann funn Gott hott no vatt kshikt zumm kaynich funn Israel un hott een gvand, “Gebb acht es du nett an sellah blatz gaysht, veil di Syrians datt nunnah gayn.”

2. Chronik 20:20

Free da neksht meiya henn si falossa fa noch di Vildahnis funn Thekoa gay. Vi si am gay voahra is da Josaphat ufkshtanna un hott ksawt, “Heichet mich ab, diah leit funn Juda un Jerusalem! Glawvet in da Hah eiyah Gott un diah zaylet shtandhaftich shtay. Glawvet in sei brofayda, un's zayld eich goot ausshaffa.”

Shpricha 27:12

En mann es denkt, saynd di kfoah un fashtekkeld sich, avvah di dumma gayn on un missa leida difoah.

Jeremia 11:18

Da Hah hott mich vissa glost veyyich iahra shkeem un ich habb's no gvist, veil eah miah gvissa hott vass si am du sinn.

Matthäus 2:12

Gott hott dee mennah gvand in en drohm es si nett zrikk gay sella zumm Herodes. So sinn si en anrah vayk zrikk in iahra land ganga.

Matthäus 3:7

Avvah vo da Johannes ksenna hott es feel Pharisayah un Sadduzayah kumma fa sich dawfa lossa, hott eah ksawt zu eena, “Diah kinnah funn shlanga, veah hott eich gvand fa shpringa fumm zann Gottes es kumma zayld?

Di Apostelgeschichte 27:24

Da engel hott ksawt, ‘Du dich nett feicha, Paulus. Du musht fannich da Kaisah gebrocht vadda, un Gott hott's zu glost es awl dee vo bei diah sinn, deich kumma zayla.’

Hebräer 11:7

Deich da glawva voah da Noah gvand veyyich sacha es eah noch nett sayna hott kenna, un in furcht, hott eah en oahrich gebaut un sei haus-halding levendich kalda. Deich da glawva hott eah di veld gricht, un is en eahvah vadda funn gerechtichkeit vo kumd deich da glawva.